Te fundit
Mali i Zi, a po shkohet drejt një qeverie të re të pakicave?
10 Janar 2022, 11:38Rajoni
TEMA
Mali i Zi hyri në vitin 2022 me një paqëndrueshmëri politike, e cila pritet të thellohet edhe më shumë.
Fërkimet politike nisën që nga zgjedhjet parlamentare të vitit 2020, ku pas 3 dekadash formohet një qeveri pa partinë e presidentit aktual Milo Gjukanoviç.
Qeveria e re malazeze u mbështet nga partitë qytetare, por edhe nga partitë pro-serbe dhe pro-ruse, të cilat nuk e njohin pavarësinë e Malit të Zi dhe kundërshtojnë anëtarësimin e vendit në NATO.
Tensionet mes grupimeve politike në Mal të Zi kanë rezultuar vazhdimisht në konflikte, protesta dhe sulme të ndryshme, kurse kulmi i tensioneve ishte shugurimi i kreut të Kishës Ortodokse serbe, Joanikije në Manastirin e Cetinës me 5 shtator.
Shugurimi shënoi protesta dhe incidente duke i thelluar edhe më shumë përçarjet në shoqërinë malazeze. Kjo shënoi plasaritjet e para në qeverinë e re, ku anëtarët e koalicionit qeverisës nisën ta kundërshtonin qeverinë e kryeministrit Zdravko Krivokapiç.
Këto mosmarrëveshje e motivuan opozitën malazeze për të kërkuar mocionin e mosbesimit, por nuk ia doli të sigurojë një votë që i duhej për ta rrëzuar qeverinë.
Në anën tjetër Lëvizja Qytetare “Ura” me Zv/kryeministrin Dritan Abazoviç arriti t’i mbledh partitë e pakicave dhe disa parti tjera që janë pjesë e qeverisë, të cilët në mesin e dhjetorit nënshkruan Memorandumin e bashkëpunimit me ” synimin për të zbutur polarizimin politik në vend.”
Ndërkohë ky memorandum shihet nga analistët “si përgatitje për një qeveri të pakicave.”
Në kulmin e fërkimeve politike, në fillim të nëntorit, Malin e Zi e vizitoi Zëvendës Ndihmës Sekretari amerikan i Shtetit, Gabriel Escobar, i cili inkurajoi reformat në sistemin prokurorial, ligjet zgjedhore dhe integrimin rajonal të Malit të Zi.
“Shtetet e Bashkuara qëndrojnë pranë të gjithë atyre që mbështesin një Mal të Zi sovran dhe gjithëpërfshirës”, tha zoti Escobar.
Edhe përfaqësuesit e Bashkimit Evropian kërkuan që “në Mal të Zi të zhvillohet një dialog i gjerë politik ndërpartiak, që synon kapërcimin e ndarjeve. Kjo do të ishte kyçe në ruajtjen e stabilitetit dhe avancimit drejt orientimit perëndimor”, thanë ata.
Ky vit, sipas analistëve “do të jetë me shumë sfida drejt aspiratave euro-atlantike dhe qytetarëve të tij”. Këto sfida, shtojnë ata, pritet të jenë edhe më të fuqishme përballë kërcënimeve ruse dhe serbe ndaj demokracisë shumëetnike në Mal të Zi që kanë për qëllim destabilizimin e Ballkanit Perëndimor dhe ngushtimin e hapësirës së perspektivës evropiane./ VOA
2 komente në “Mali i Zi, a po shkohet drejt një qeverie të re të pakicave?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sa interesante dy fqinjet tane i ndane ballanca me nje vote ,dhe MAQEDONIA DHE MALI I ZI ku ne te dy parlamente ka SHqiptare, kjo tregon luften e inteligjences nga te dy vendet nga RUSET DHE AMERIKANET se Europa prezantohet si prifti oportuniste me meshire kristjane gjithmone per kompromise,po mendoje falangat sllave (pro RUSO-SERBE) po perparojne , per mendimin tim se un çeplendisem duke kaluar kohen shkruaj nganje komente, miqte tane te NATOS perseritin gabimin me shpellarin tone qe fillimishte e mbeshteten nga frika e te ashtuquajturit KOMUNIZEM, tani mbeshtetin GJukanovicin babain e kontrabandes kunder KRIPOVACIT filoRusi,MALI I ZI nuk ka altenativ tjeter.
Ne qeverine e Malit te Zi, per fat te keq nuk ka asnje malazes dhe asnje shqiptare. dhe ne punesimet
te gjithe jane srb. Neqoftese mendoni se Abazoviq eshte shqiptare, e keni gabim.
Me mbeshtetjen e tij qe ju ofroj srbve, Mali i Zi mbaroj si shtet.
Tani qevqrine e kan srbet dhe te gjitha funkcionet shtetrore i mbulojne serbet.