Ilir Meta ka reaguar lidhur me raportin e fundit të organizatës Transparency International.
Meta shkruan se ndërsa shtetet e Maqedonisë së Veriut dhe Kosovës kanë shënuar progres të ndjeshëm në luftën kundër korrupsionit, vendi ynë ka vazhduar përkeqësimin.
Sipas Metës, gjendja është shumë e rëndë dhe kërkon reflektim të menjëhershëm, efektiv dhe të përgjegjshëm.
“MJAFT KORRUPSIONIT! ❌ MJAFT PANDËSHKUESHMËRISË! ❌
Ndërsa shtetet e Maqedonisë së Veriut dhe Kosovës kanë shënuar progres të ndjeshëm në luftën kundër korrupsionit, vendi ynë ka vazhduar përkeqësimin.
Në raportin e përvitshëm të Organizatës prestigjioze Transparency International, për Indeksin e Perceptimit të Korrupsionit në botë, Shqipëria ka pasur një rënie prej një pike në krahasim me vitin e kaluar, nga 36 në 35 pikë.
Këto të dhëna, për fat të keq, përputhen plotësisht me bindjen dhe perceptimin e përgjithshëm të qytetarëve, por edhe me paralajmërimet që kam bërë prej kohësh sa i përket nivelit të ulët të demokracisë në vend, mungesës së respektimit të lirive dhe të drejtave të njeriut, shfrytëzimit të pandemisë për të forcuar autoritarizmin, mungesën e llogaridhënies në të gjitha nivelet, abuzimet me fondet publike nëpërmjet koncesioneve, PPP-ve dhe inceneratorëve, situatë e rëndë që vijon të vrasë shpresën dhe të detyrojë gjithmonë e më shumë shqiptarë të largohen nga vendi, për ta ndërtuar jashtë Shqipërisë të ardhmen e tyre.
Gjendja është shumë e rëndë dhe kërkon reflektim të menjëhershëm, efektiv dhe të përgjegjshëm!”, shkruan Meta.
KOKA KORRUPSIONIT ILIR META SALI BERRISHA LULE BASHA DHE ME BUKURA TE TRE FLASIN PER KORRUPSIONIN HAAAAS NESE DO KISHTE DREJTESI LIKE FLORIRI DALI GERDECI LULE RRUGA E KOMBIT DO ISHIN NE VITIN E 13 TE BURGUT
Ka te drejte Presidenti…!
–
Lol
–
Lufta kunder korrupsionit ne venin e beqirave, kjo eshte e bukur fort, lol