Te fundit
Zgjedhjet për FSHF-në, Salvador Kaçaj: Mjaft me Dukën, kur kalojnë 20 vite bëhesh i bezdisur edhe për shtëpinë tënde…
18 Shkurt 2022, 18:33Sport
TEMA
Ish-futbollisti i Kombëtares shqiptare, Salvador Kaçaj, i ftuar në emisionin “Sport News Plus”, të drejtuar nga moderatorja Enxhi Biba, ka folur mbi zhvillimet e fundit pas vendimit të gjykatës së Tiranës. Kjo e fundit për rrëzimin e asamblesë zgjedhore të FSHF-së, që pritej të zhvillohej më 2 mars, sipas vendimit që kishte marrë më parë Komiteti Ekzekutiv.
“Është një situatë jo e këndshme për futbollin, dëmton imazhin. Ky sport i bashkon njerëzit dhe nuk është në nderin e tij që të përfundohet në dyert e gjykatave. FSHF po insiston të bëjë zgjedhjet, por vendimet e gjykatës respektohen dhe zbatohen. Unë sot dua të flas si jurist dhe nuk mund të diskutohen vendimet e gjykatës. Kur flasin gjykatat, të gjithë duhet të heshtin.
Kemi rastin e ish-presidentit të Spanjës, Vijar, që u arrestua pas ndërhyrjes së tatim-taksave. Jemi i vetmi vend në botë që nuk kemi gjykatë të Arbitrazhit Sportiv dhe kjo është bërë e qëllimshme për të shmangur ankesat. Komiteti Olimpik duhet ta bëjë sa më shpejt, pasi zgjidh shumë probleme.
Parregullsia më e madhe e FSHF-së ka qenë që para 4 viteve, ku u bënë zgjedhje pa u regjistruar shoqatat. Këtë e toleroi edhe shteti në atë kohë.
Tashmë Duka kërkon një mandat të gjashtë, por 20 vite bëhesh i bezdisshëm edhe për shtëpinë tënde. Kur shkon 20 vjeç edhe fëmijët largohen nga familja prej shkollës dhe martohen.
Duhet një frymë e re në krye të FSHF-së, është bërë e bezdisshme të vazhdohet me këta drejtues. 20 vite janë shumë, duhet ndryshuar gjithë sistemi”, ka thënë fillimisht ish-lojtari kuqezi, i cili ka qenë edhe anëtar i Komitetit Ekzekutiv të FSHF-së.
2 komente në “Zgjedhjet për FSHF-në, Salvador Kaçaj: Mjaft me Dukën, kur kalojnë 20 vite bëhesh i bezdisur edhe për shtëpinë tënde…”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Si do qe te shkojne punet, mendoj se Armando Duka do te rizgjidhet, por te pakten ne keto zgjedhje te hartohet statusi ku nder te tjera te percaktoje kufizimin e mandatit; jo me shume se dy manate.
Nuk shoh zgjidhje tjeter.
Duka dhe Shulku kanë punuar vazhdimisht për të pasur FSHF nën vartësinë e tyre.
Ata kanë siguruar mbështetje në të dy krahët e politikës,duke korruptuar deputet,ministëra etj.
Kandidatët kanë qenë fiktivë, pa program , në ndonjë rast ka marrë pjesë edhe ndonjë pensionist, për të përfituar përmirësimin e pagës.
Çdo gjë në dorën e “mjeshtrave” të futbollit!