Muli bie dakord që Diella e opozites të ketë fytyrën e tij

Pas kërkesës së Mulit që edhe opozita të ketë Diellën e vet, plasën “memet” që kishin veshur Mulin si Diellën.
Kjo gjë e tronditi në fillim dhe iu duk fyerje e rëndë, por pak nga pak filloi t’i pëlqejë ideja.

– Ç’duhet të bëj me këto memet për mua? – tha Muli. – Se që kur shpreha tek Antena idenë që duhet të kemi edhe ne Diellën tonë, më kanë bërë mua si Diella e PD-së.

– Mendoj se është ide e mirë, – tha Lelo. – Opozita po akuzohet se ka nepotizëm, klientelizëm dhe shumë defekte të tjera, sidomos korrupsion në zgjedhje. Atëherë, duke krijuar “Diellën tonë”, qoftë dhe me fytyrën tënde për të ruajtur rëndësinë e saj, ne do kemi mundësi të themi që, ashtu siç po lufton Edi Rama korrupsionin, po luftojmë dhe ne defektet tona. Nuk na akuzojnë dot më pastaj që nuk po reformohemi.

– Të drejtë ke, – tha Muli. – Si ide nuk është e keqe. Puna është kush i bën programet. Duhet të gjejmë një program që t’ia fusim Diellës sonë, që të përputhet dhe me kriteret e Doktorit.

– Mendoj se Diella është inteligjente dhe e krijon vetë vizionin për PD-në duke lexuar Doktorin, – tha Lelo. – Nuk ka nevojë për program.

Fjala vjen, do t’i themi që do zgjedhim Kryetaren e Gruas. Ajo do kërkojë të dhëna: kush është kryetare e gruas, si është zgjedhur, sa herë bëhen zgjedhjet, e të tjera. Do zbulojë që zgjedhjet e fundit janë bërë para 13 vitesh, më 2012, dhe që atëherë kryetare është Albana Vokshi. Atëherë përgjigjja do të jetë: zgjedhjet e reja për këtë 13-vjeçare duhet të bëhen sa më shpejt, me qëllim që kryetarja e Gruas së PD-së të mos jetë gjyshe. Dhe fillon konkurrimi, ku përjashtohet Albana.

Po kështu edhe zgjedhjet për nënkryetar partie apo poste të tjera në parti.

– Po zgjedhjet për kryetar?! – tha Muli i alarmuar.

– Diella analizon kur është themeluar PD dhe kush është kryetar. Ajo del në përfundim që kryetar i PD-së prej 35 vitesh është Doktori. Atëherë jep udhëzimin që zgjedhjet e reja në PD duhet të bëhen me një afat të ri: 40-vjeçar. Pasi Doktori të mbushë 40 vjet në krye të PD-së, që i bie në vitin 2031, duhet të zgjedhim kryetarin e ri për 40 vitet e ardhshme. Këtu duhet të zgjedhim një 40-vjeçar që të ketë mundësi të shkojë 80 vjeç në mandatin e fundit, – tha Lelo.

– Po të jetë kështu, s’qenka keq, – tha Muli. – Jam dakord që Diella e opozites te kete fytyren time

Muli kërkon që dhe opozita të ketë Diellën e vet

18:39 Antena

Muli i dëshpëruar nga qeveria e re pa Ulsiun

17:31 Antena 2 komente

Muli në mëdyshje për fotot e gëzuara të kryesisë së PD

18:24 Antena 1 koment

Muli kërkon nga Belo të reflektojë në kohë për SPAK

20:23 Antena

Muli shpjegon pse kërkoi të mbledhë Kryesinë më 10 Shtator

18:54 Antena

Muli ngre pikëpyetje mbi kriteret e reja të Ramës për ministrat

19:13 Antena

Muli kapet në befasi nga pretendimi i Noizzit për Ministër Kulture

19:34 Antena 1 koment

Muli konstaton dhe përmirësime të tjera estetike te Salianji

18:50 Antena 3 komente

Muli entuziast që Ulsiu është konfirmuar Ministër Drejtësie

18:59 Antena

Muli shpjegon pse i ka hequr nga lista deputetët që nuk janë zgjedhur më

19:25 Antena