Te fundit
Muli i shqetësuar pas fjalës së Ramës
14 Korrik 2023, 19:38Antena
TEMA
Pas fjalës së Ramës, Muli thirri i shqetësuar Lelon.
-Duhet të bëjmë diçka urgjent, tha, që të themi që Rama e mbrojti Ben Ahmetaj.
-Po si të themi, se ai nuk e mbrojti, tha Lelo.
-Po çfarë rëndësie ka, rëndësi ka të themi që e mbrojti, se do na tremben këta tanët.
Se këta socialistët nuk e rruajnë shumë.
Janë mësuar nga koha e shokut Enver që çdo pesë vjet nxirrte një armik dhe gëzoheshin.
Kështu që nuk e rruajnë. Kurse këta tanët tremben.
Madje kanë filluar të thonë që Zeni me Doktorin ikën në Gjermani të shikonin për një shtëpi ku mund të shkojnë, nëse ndodh gjë me Jamarbërin.
-Atëherë të themi që Rama kërkon të trembë socialistët që ka në qeveri, tha Lelo, pasi do që t’i ikin vetë nga qeveria e të mos i krijojnë telashe.
D.m.th t’u thotë ose ikni, ose do ta pësoni si ai.
-Jo jo, as kjo s’na bën punë, tha Muli.
Na duhet një fabulë që të themi se Rama e përcolli Benin vet deri në Londër dhe ka porositur Sunakun të mos e sjellë në Shqipëri sa të jetë ai në pushtet.
Madje duhet thënë që ka ndërhyrë Sorosi për këtë çështje.
-Po këtë e kemi kollaj, tha Lelo.
Vetëm këtë Sorosin se fusim dot se këta në Londër e kanë armik më keq se ne.
Por të themi që e ka shkëmbyer me refugjatët shqiptarë.
I ka thunë Sunakut, më sill gjithë refugjatët pa letra, vetëm Ben Ahmetaj mos më sill.
-Kjo po, tha Muli. Se kështu mërziten më shumë ata kuksianët tanë aty dhe vijnë votojnë kundër Ramës.
Më të lexuarat
24 oret e fundit
Javen e fundit
Blog Tema
Lini një Përgjigje