Te fundit
16 të plagosur në Tel Aviv nga sulmi iranian, banorët: Në 08:15 hymë në dhomat e sigurisë, më pas…
22 Qershor 2025, 09:46Bota
TEMA
16 persona u lënduan nga sulmet iraniane që u raportuan këtë mëngjes në Tel Aviv, sipas autoriteteve izraelite.
Gazetari i Top Channel, Artur Bibe, ndodhet në lagjen Ramat Aviv në kryeqytetin izraelit, ku një raketë iraniane goditi një bllok banimi rreth orës 08:00 të mëngjesit.
Banorët e lagjes po evakuohen, po dërgohen në qendrat e pritjes, qeveria ka marrë masat për të larguar dhe për të strehuar personat, të cilëve u janë dëmtuar banesat, raporton gazetari.
Një nga banorët rrëfeu për Top Channel momentin kur dëgjuan sirenat dhe u strehuan në dhomat e sigurisë.
“Emri im është Gotan. Jetoj në këtë lagje që fëmijë. Në 08:15 hymë në dhomat e sigurisë në shtëpinë e fqinjve.
Pasi sirenat ndaluan dhe qeveria deklaroi se mund të dalim, u larguam në këmbë dhe pamë dëmet e shkaktuara… shpresoj që askush të mos jetë lënduar.
Jam i sigurt se forcat e sigurisë dhe ushtria po bëjnë një punë të mrekullueshme, shpresojmë për ditë më të mira për Izraelin”, u shpreh banori.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Këto dhomat e sigurisë kam përshtypjen se janë ato rifuxhot me të cilat u tallëm njëherë e një kohë . E pa besueshme ! Do na duhet t'i kërkojmë falje "xhaxhit" që e quajtëm të lojtur dhe paranojak kur I ndërtojë .