Te fundit
27 ushtarë të vrarë për çdo kilometër në Ukrainë, 2024 ishte viti më vdekjeprurës për Rusinë
5 Maj 2025, 11:14Bota
TEMA
Viti 2024 shënoi vitin më të përgjakshëm për forcat ruse që nga fillimi i pushtimit të Ukrainës, me të paktën 45 287 ushtarë të vrarë. Kjo shifër është gati trefishi i humbjeve të vitit të parë të pushtimit dhe tejkalon ndjeshëm edhe viktimat e vitit 2023, gjatë betejës për Bakhmutin.
Të dhënat janë mbledhur nga Shërbimi Rus i BBC-së dhe Mediazona, të cilët analizuan informacione nga varreza, memoriale ushtarake dhe nekrologji. Deri më tani janë identifikuar emrat e 106 745 ushtarëve rusë të vrarë, por vlerësimet reale sugjerojnë se numri i vërtetë i të vdekurve mund të shkojë nga 164 000 deri në 237 000.
Dita më vdekjeprurëse e vitit 2024 ishte 20 shkurti, kur një sulm me raketa HIMARS në një qendër stërvitore në Volnovakha të Donetskut vrau 65 ushtarë rusë gjatë një ceremonie ku po shpërndaheshin medalje. Në total, 201 ushtarë rusë humbën jetën atë ditë.
Sipas analizës, Rusia humbi mesatarisht 27 ushtarë për çdo kilometër katror të territorit ukrainas të pushtuar në vitin 2024. Më shumë se 11 600 ushtarë rusë u vranë vetëm gjatë ofensivës së ngadaltë në lindje, nga shtatori deri në nëntor.
Pavarësisht humbjeve të mëdha, Rusia ka rritur rekrutimin, duke ofruar shpërblime të mëdha financiare dhe duke përfshirë të dënuar që nënshkruajnë kontrata për të shmangur burgun. Një pjesë e konsiderueshme e viktimave të identifikuara janë “vullnetarë” të tillë, shumë prej të cilëve dërgohen në front me vetëm 10 deri në 14 ditë stërvitje.
Në total, duke përfshirë luftëtarët e republikave separatiste, vlerësohet se mes 185 000 dhe 260 700 ushtarë rusë janë vrarë që nga fillimi i luftës.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ikni morara me keto lajme idiotesh. Nese jane vrare mbi 100 mijë ruse i bie te jen vrarë 500 mije ukrainas. Apo ukrainasit nuk vriten se janë ushtri e fuqishme ndaj kane dorzuar gjysmen e trojeve te tyre.
Oke
Dmth te marrim si reference BBC rusisht dhe Mediazona?! Po ç'thote vete organi i propagandes Wikipedia, per kete te fundit: "Mediazona (Russian: Медиазона) is a Russian independent media outlet focused on Anti-Putinist opposition that was founded by Maria Alyokhina and Nadezhda Tolokonnikova, who are also co-founders of the protest group and band Pussy Riot." Pussy Riot???!!! Njesoj sikur t'u referohesh per ngjarjet ne Shqiperi, Stresit, Noizyt, Zh.Lekatarit, apo personazheve truthare te "Big Brother", etj te ngjashem. Shifra e cituar eshte pothuaj e vertete. Me nje ndryshim. U perket te vrareve "ukrainas" ne rajonin e Kurskut, vetem per 5-6 muajt e fundit. Sa i takon totalit, me siguri vertitet rrotull 1 milion-shit (pa llogaritur disa mijera mercenare prej Perendimit kolektiv). Rrofte 9-maji, dita e fitores mbi nazi-fashizmin!