870 milionë paund investim - Ish-sekretari kërkon që Britania t’i bashkohet bankës globale për mbrojtjen: Duhen fonde shtesë

Ish-sekretari britanik i Mbrojtjes, John Healey, ka ushtruar presion privat që Mbretëria e Bashkuar t’i bashkohej Bankës së Mbrojtjes, Sigurisë dhe Rezistencës (DSRB), një nismë ndërkombëtare e udhëhequr nga Kanadaja për financimin e projekteve të mbrojtjes.

Sipas BBC News, Healey e konsideronte anëtarësimin në këtë institucion si një mënyrë për të siguruar fonde shtesë për sektorin e mbrojtjes dhe për të mbështetur industrinë britanike të armëve.

Burime pranë Healey-t pretendojnë se Thesari britanik u përpoq të bllokonte diskutimet për anëtarësimin në DSRB. Nga ana tjetër, zyrtarë të Thesarit kanë deklaruar se kancelarja Rachel Reeves po shqyrtonte alternativa të tjera për financimin e mbrojtjes në bashkëpunim me vende aleate dhe se Healey nuk kishte paraqitur një kërkesë zyrtare për fondet e nevojshme për anëtarësim.

DSRB pritet të lançohet zyrtarisht në samitin e NATO-s muajin e ardhshëm. Vendet anëtare do të duhet të kontribuojnë me rreth 870 milionë paund si investim fillestar, ndërsa banka synon të ofrojë financim me kosto të ulët për projekte strategjike të mbrojtjes.

Kryeministri kanadez Mark Carney, një nga mbështetësit kryesorë të nismës, raportohet se ka shprehur interes që Mbretëria e Bashkuar të bëhet pjesë e projektit. Megjithatë, ministrat britanikë kanë diskutuar për muaj me radhë mbi kostot e përfshirjes, ndërsa kancelarja Reeves ka sinjalizuar se nuk mbështet rritjen e huamarrjes publike për të financuar shpenzimet ushtarake.

Debati mbi financimin e mbrojtjes vjen në një moment tensioni politik, pasi Healey dha dorëheqjen si sekretar i Mbrojtjes duke argumentuar se fondet e planifikuara nga qeveria për Planin e ardhshëm të Investimeve në Mbrojtje ishin të pamjaftueshme. Sipas tij, qeveria ishte e gatshme të siguronte rreth 10 miliardë paund fonde shtesë, ndërsa drejtuesit ushtarakë kishin kërkuar rreth 28 miliardë paund.

Kryeministri Keir Starmer ka mbrojtur qasjen e qeverisë, duke deklaruar se janë marrë vendime të vështira buxhetore dhe se departamente të tjera shtetërore janë detyruar të bëjnë shkurtime për të rritur financimin e mbrojtjes.

SHBA-ja publikon të dhëna për laboratorë biologjikë në mbi 30 vende, përfshirë Ukrainën

17:45 Bota

Orban rizgjidhet kryetar i ‘Fidesz’ pavarësisht humbjes së zgjedhjeve në Hungari

17:25 Bota 1 koment

Irani: Marrëveshja e paqes me SHBA nuk do të nënshkruhet nesër

17:15 Bota

Zvicra të dielën në referendum, vendos për pragun prej 10 milionë banorësh të popullsisë

16:55 Bota

BE hap ‘derën’: Ukraina dhe Moldavia nisin rrugën drejt anëtarësimit

16:25 Bota 3 komente

Pakistani: 24 orët e ardhshme vendimtare, marrëveshja SHBA-Iran mund të nënshkruhet brenda një dite

14:55 Bota 1 koment

Reuters: Emiratet Arabe hapin “valixhen” me miliarda për Teheranin

12:27 Bota 2 komente

Elon Musk bëhet trilioneri i parë në botë, pasuria e tij shënon rekord historik

11:35 Bota 2 komente

BBC: Brenda operacionit amerikan që vrau kreun e bandës Tren de Aragua

10:35 Bota

Zvicra voton për të ardhmen e emigracionit, në rrezik marrëveshjet me BE-në

09:55 Bota 4 komente