Te fundit

A do t'i ulë dot në një tryezë Putinin dhe Zelenskyn, Donald Trump?

10 Mars 2025, 10:48Bota TEMA
A do t'i ulë dot në një tryezë Putinin dhe Zelenskyn,

Pasi Volodymyr Zelensky dhe Donald Trump u përplasën në Shtëpinë e Bardhë dhjetë ditë më parë, shpresat për një marrëveshje paqeje, për të cilën SHBA-ja dhe Ukraina mund të bien dakord, dukeshin shumë të largëta.

Megjithatë, këtë mëngjes, me marrëdhëniet disi të riparuara, zyrtarët amerikanë do të mbërrijnë në Arabinë Saudite para bisedimeve me homologët e tyre ukrainas nesër.

Sekretari i Shtetit, Marc Rubio, dhe këshilltari i Sigurisë Kombëtare, Mike Waltz, janë optimistë se një marrëveshje paqeje mund të arrihet, pasi një zyrtar shtetëror amerikan thotë se Ukraina është "gati të ecë përpara".

Udhëheqësi i Ukrainës nuk do të marrë pjesë formalisht në këto bisedime, megjithëse ai pritet në Arabinë Saudite sot për të takuar Princin e Kurorës, Mohammed bin Salman.

Bisedat mbeten ende të vështira pasi SHBA-ja vazhdon të zbatojë një pezullim në ofrimin e ndihmës ushtarake dhe inteligjencës me Ukrainën.

Dhe, edhe nëse arrihet një marrëveshje, mbetet detyra për të ulur në tavolinë edhe Vladimir Putinin - Trump do shpresojë që kërcënimi i tij i fundit për sanksione të mëtejshme ndaj Rusisë mund të funksionojë.

BBC

Lini një Përgjigje

Më të lexuarat

Blog Tema

Powered by Tomorrow.io