A po provokon Irani një luftë kundër SHBA-ve?

5 Dhjetor 2023, 10:05Bota TEMA
A po provokon Irani një luftë kundër SHBA-ve?

Të dielën, rebelët jemenas Huthi sulmuan disa anije në Detin e Kuq, duke përfshirë anijet tregtare, por edhe luftanijen amerikane USS Carney. Anijet civile u sulmuan me raketa, kurse USS Carney me dronë.

Në një betejë që zgjati një orë, destrojeri amerikan zmbrapsi dronët armiq dhe më vonë terroristët Huthi, të kontrolluar nga Irani, morën përgjegjësinë për sulmin.

Tani ekspertët po pyesin: Çfarë dëshiron të arrijë Teherani me këtë? A duan mullahët që të provokojnë një luftë kundër SHBA?

Fakt është se USS Carney është sulmuar disa herë që kur u vendos në Detin e Kuq pas sulmit të Hamasit ndaj Izraelit më 7 tetor. Vetëm javën e shkuar, destrojeri duhej të rrëzonte një dron iranian që po kërcënonte një aeroplanmbajtëse amerikane. Anije të tjera luftarake amerikane janë sulmuar gjithashtu- kryesisht Irani qëndron pas këtyre sulmeve.

Pas sulmit të fundit, SHBA premtoi se do të merrte në konsideratë të gjitha përgjigjet e duhura- dhe iu drejtua Iranit. “Këto sulme përbëjnë një kërcënim të drejtpërdrejtë për tregtinë ndërkombëtare dhe sigurinë detare,” tha ushtria amerikane në një deklaratë. “Ne gjithashtu kemi çdo arsye për të besuar se këto sulme, edhe pse të nisura nga Huthi në Jemen, mbështeten plotësisht nga Irani”.

Çfarë po përgatit Irani?

Eksperti Neumann: Irani mund të paralizojë rrugët tregtare

Eksperti i sigurisë, Peter Neumann nga King’s College në Londër, i sheh sulmet si një ‘lloj lufte asimetrike’ që synon të rrisë presionin ndaj Izraelit dhe SHBA-së. Si ‘ndëshkim për mbështetjen e Izraelit, një nga rrugët më të rëndësishme tregtare ndaj Perëndimit, do të mbyllet’, shpjegon Neumann. Kjo është një përpjekje për t’i shkaktuar dëme të mëdha ekonomike Europës dhe Izraelit.

Por opsione të tjera janë gjithashtu të paimagjinueshme. Për shembull, se Irani dëshiron të provokojë një reagim nga amerikanët ose të testojë linjat e kuqe të SHBA. Është madje e imagjinueshme që rebelët Huthu vepruan vetë- pa udhëzime nga Teherani. Megjithatë, Irani do të komentojë së shpejti sulmin.

Eksperti ushtarak, Michael Horowitz, nga grupi i ekspertëve ‘Le Beck International’, gjithashtu paralajmëron kundër nënvlerësimit të rëndësisë së sulmeve.

“Numri i madh i sulmeve, disa prej të cilave kanë shënjestruar anijet amerikane- pavarësisht nëse Uashingtoni dëshiron ta pranojë apo jo- ngre pyetje nëse nivel aktual i përgjigjes është adekuat,” paralajmëron Horowitz në X.

Horowitz: SHBA duhet të reagojë

“Unë e kuptoj pse SHBA nuk duan të tërhiqen në një konflikt tjetër. Por ky është një nga rastet e shumta, kur mungesa e reagimit është bërë më e rrezikshme dhe e kushtueshme se e kundërta,” thotë ai.

Sipas Horowitz, aleatët arabë të SHBA në veçanti po vëzhgojnë sjelljen e Uashingtonit. “Nëse Uashingtoni nuk është në gjendje të garantojë lirinë e lundrimit, ata do të kthehen tek ata që munden,” analizon eksperti- edhe nëse kjo do të thotë t’i kthehen armikut të madh, Iranit.

SHBA mund të reagojë ushtarakisht në Detin e Kuq pas pasur nevojë të fillojë drejtpërdrejt një luftë kundër Iranit, shpjegon eksperti. Më i imagjinueshëm është një sulm ushtarak kundër rebelëve jemenas Huthi për t’i penguar ata nga sulmet e mëtejshme ndaj anijeve tregtare.

Por një reagim i fortë i SHBA është absolutisht i nevojshëm. Nëse kjo nuk ndodh, ‘Uashingtoni do të lërë edhe njëherë një vakum që sigurisht do të shfrytëzohet nga kundërshtarët e tij- sidomos nga Irani, por jo vetëm’, thotë Horowitz. (BILD)

1 Komente

  1. a
    anti25642654censurë

    "A po provokon Irani një luftë kundër SHBA-ve? " si fillim"SHBA-ve"nuk qëndron,sepse është një shtet dhe jo shumë shtete!!Shtetet e bashkuara të amerikës nuk janë shtet e bashkura të ameirkave!shkoni në faqen e presidencës amerikane dhe do të shikoni se shkruhet USA-United States of America-pa "s"!!por katnari që vetquhet gazekar,meqënëse janë shumë shtete që e përbëjnë amerikën,e bën në shuumës dhe emrin e saj!! pas kësaj vjen dhe titulli"A po provokon Irani një luftë kundër SHBA-ve? " që i drjetohet një personi,eksperti,a çdo lloj profesioni ka i/të intervistuari/arit!!para disa kohësh pash një intervistë me një shkencëtar krminiollog!intervistuesi i bën një pyetje që e shtrojnë shpesh alFredo kaCistët!i intervistuari i jep përgjigjen më të thjeshtë dhe më të shpejtë që mund të jepet në situata të tilla"mos vallë unë duhet me i mbush menjen çdo gomari që pëllet?"! një pyetje të tillë ""A po provokon Irani një luftë kundër SHBA-ve? " meriton një përgjigje të tillë!të itervistuarit kanë dhënë përgjigjet e tyre!ndoshta duan ti mbushin mëndjen tërë gomerëve!! ps:nuk ma merr mëndja se këtyre personave ju është shtruar kjo pyetje!kjo pyetje është shtruar si karrem në titull,dhe fjalët janë shkëputur për tu përshtatur me pyetjen!

    Lini një Përgjigje