Te fundit

“Alarm ajror”, Rumania ngre dy aeroplanë për shkak të dronëve rusë pranë kufirit

4 Nëntor 2024, 12:44Bota TEMA
“Alarm ajror”, Rumania ngre dy aeroplanë për shkak të

Zona veriore e qarkut Tulcea në Rumani ka qenë sërish nën alarm ajror, pasi grupe dronësh u zbuluan që po shkonin drejt hapësirës ajrore të Ukrainës, pranë hapësirës ajrore të Rumanisë, mbrëmjen e së dielës.

Kjo situatë u raportua mbrëmjen e së dielës dhe si pasojë, dy aeroplanë F-16 u ngritën nga Baza Ajrore 86 Borcea për të monitoruar situatën.

Sipas Ministrisë së Mbrojtjes, Forcat e Armatosura të Federatës Ruse kishin kryer një seri sulmesh me dronë ndaj objekteve civile dhe infrastrukturore në Ukrainë, pranë kufirit me Rumaninë.

Alarmimi i situatës u bë rreth orës 23:34 dhe zgjati deri në rreth orën 00:45, kur aeroplanët F-16 u kthyen në bazën e tyre.

Sistemi i radarëve të Rumanisë nuk zbuloi ndonjë depërtim të mjeteve ajrore në hapësirën ajrore kombëtare, pavarësisht këtyre aktiviteteve.

Pas kësaj, forcat rumune do të kryejnë hetime në zonat e afërta me objektet e sulmuara nga forcat ruse.

Ministria e Mbrojtjes Kombëtare theksoi se vazhdon të informojë në kohë reale strukturat aleate për situatat e krijuara nga sulmet, duke dënuar këto veprime si të pajustifikueshme dhe në shkelje të normave të së drejtës ndërkombëtare.

 

Lini një Përgjigje

Më të lexuarat

Blog Tema

Powered by Tomorrow.io