Te fundit
Aleati i Putinit paralajmëron fuqitë europiane: Rusia mund të përdorë marinën për të mbrojtur anijet e saj
17 Shkurt 2026, 12:00Bota
TEMA
Një aleat i ngushtë i presidentit rus, Vladimir Putin, ka paralajmëruar se Rusia mund të dislokojë forcat e saj detare për të penguar sekuestrimin e anijeve ruse nga fuqitë europiane dhe se Moska mund të hakmerret ndaj anijeve europiane nëse ato konfiskohen.
Deklaratat janë bërë nga Nikolai Patrushev, këshilltar i Kremlinit dhe kryetar i Bordit Detar të Rusisë, i cili citohet të ketë thënë se Perëndimi po shkon drejt një përshkallëzimi të rrezikshëm në det.
Shtetet perëndimore kanë vendosur mbi 30 mijë sanksione ndaj Rusisë, me synimin për ta shkëputur nga tregtia globale dhe për të dobësuar financat e saj, si pasojë e luftës në Ukraine. Po ashtu, ato kanë tentuar të bllokojnë cisterna nafte të dyshuara se transportojnë naftë ruse. Në janar, Shtetet e Bashkuara sekuestruan një cisternë me flamur rus, në kuadër të përpjekjeve për të frenuar eksportet e naftës së Venezuela.
Putin i ka cilësuar këto veprime si “pirateri”.
“Nëse nuk u japim një kundërpërgjigje të fortë, atëherë së shpejti britanikët, francezët dhe madje edhe vendet baltike do të bëhen aq arrogantë sa do të përpiqen të bllokojnë aksesin e vendit tonë në dete, të paktën në pellgun e Atlantikut”, deklaroi Patrushev për median ruse Argumenty i Fakty.
Sipas tij, garancia më e mirë për sigurinë e lundrimit mbetet marina ushtarake.
“Në zonat kryesore detare, përfshirë rajone larg territorit të Rusisë, duhet të jenë të dislokuara në mënyrë të përhershme forca të konsiderueshme, të afta për të ftohur entuziazmin e piratëve perëndimorë”, theksoi ai.
Deklaratat sinjalizojnë një rritje të retorikës kërcënuese të Moskës dhe rrezikun e përplasjeve të reja në det, në një kohë kur tensionet mes Rusisë dhe Perëndimit mbeten në nivele të larta.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Atëherë do sekuestrohen dy anije. Ndoshta ajo ushtarakja do kërkoj azil politik.
është shumë e mundur,gano,por më e sakta është se do rriten shpenzimet dhe do ulen fitimet!!edhe nëse muzhikëria do kishte aq anije sa të shoqëronte 600 rrangallet që përdor për trasportin e naftës,prapë është pa leverdi!!tashti po shesin gati falas prodhimin e tyre të naftës,me harrxhimet e shtuara do dalin me humbje!!varju carët se dava pianecësh janë,nuk dinë çfarë bëjnë e aq më pak çfarë thonë!!sidoqoftë dhe kjo është një nga "vijat e kuqe" që duhet me ja pshurr!!
mos haro edhe nje brisk per tja ruajtur edhe Ukraines edhe Evropes