Diplomacia izraelite përplaset me shefin e OKB-së, kërkohet dorëheqja e tij

Ministri i Jashtëm i Izraelit, Eli Cohen të martën ka denoncuar shefin e OKB-së Antonio Guterres për kritikat e tij ndaj fushatës së Gazës, duke rrëfyer detaje grafike të sulmeve të Hamasit ndaj civilëve dhe duke përmendur emrat e fëmijëve të rrëmbyer nga grupi terrorist.

“Zoti Sekretar i Përgjithshëm, në çfarë bote jetoni?”, i thotë Cohen Guterres në anglisht në një seancë të posaçme të Këshillit të Sigurimit mbi krizën. “Padyshim që kjo nuk është bota jonë”.

Cohen foli pasi Ministri i Jashtëm i Autoritetit Palestinez Riyad al-Maliki të martën shprehu keqardhje për mosveprimin e Këshillit të Sigurimit të OKB-së për të ndaluar “masakrat” në Gaza nga Izraeli.

“Masakrat e vazhdueshme që po kryhen qëllimisht, sistematikisht dhe në mënyrë të egër nga Izraeli – fuqia pushtuese kundër popullatës civile palestineze nën pushtim të paligjshëm – duhet të ndalen”, tha Maliki.

Ambasadori i Izraelit në OKB, Gilad Erdan kërkoi dorëheqjen e Sekretarit të Përgjithshëm të OKB-së pasi ky i fundit tha se sulmet e Hamasit nuk ndodhën në vakum.

“Nuk ka asnjë justifikim apo pikë për të folur me ata që tregojnë mirëkuptim për aktet më të tmerrshme të kryera kundër qytetarëve të Izraelit – as më pak nga një organizatë e shpallur terroriste”, tha ai.

Izraeli po proteston pasi Guterres u duk se po përpiqej të shpjegonte shtysën pas sulmeve të grupit terrorist Hamas ndaj Izraelit në një takim të Këshillit të Sigurimit të OKB-së për Izraelin-Hamasin.

“Është e rëndësishme të pranohet gjithashtu se sulmet nga Hamasi nuk ndodhën në vakum”, tha Guterres. “Populli palestinez i është nënshtruar pushtimit mbytës për 56 vjet. Ata e kanë parë tokën e tyre të gllabëruar vazhdimisht nga vendbanimet dhe të rrënuar nga dhuna; ekonomia e tyre u mbyt; njerëzit e tyre të zhvendosur dhe shtëpitë e tyre të shkatërruara. Shpresat e tyre për një zgjidhje politike të gjendjes së tyre janë zhdukur”.

Guterres shtoi se “ankesat e popullit palestinez nuk mund të justifikojnë sulmet e tmerrshme të Hamasit. Dhe këto sulme të tmerrshme nuk mund të justifikojnë ndëshkimin kolektiv të popullit palestinez.

I dërguari izraelit në OKB Gilad Erdan i quan deklaratat e Guterres “tronditëse”, “të tmerrshme” dhe “krejtësisht të shkëputura nga realiteti i rajonit tonë”.

“Komentet e tij… përbëjnë një justifikim për terrorizmin dhe vrasjen”, thotë Erdan. “Është e trishtueshme që një person me pikëpamje të tilla është kreu i një organizate që u ngrit pas Holokaustit”.

Vështirësitë e Biden për të ruajtur balancën për Lindjen e Mesme

16:32 Bota 1 koment

Kryeministri izraelit: Nëse Hamas fiton, e gjithë bota do të jetë në rrezik

16:11 Bota 7 komente

Macron: Koalicioni kundër ISIS të luftojë edhe Hamasin

15:19 Bota 12 komente

Djali i Netanyahu në Miami, ushtarët izraelitë të revoltuar: Ai po shijon jetën, ne në luftë

14:38 Bota 2 komente

Putini i sëmurë rëndë dhe përdor një sozi në vend të tij? Ja çfarë thotë Kremlini

14:18 Bota 8 komente

Izraeli shpërndan fletëpalosje në Gaza, u kërkon qytetarëve ndihmë për gjetjen e pengjeve

13:30 Bota

“Isha në ferr”, flet e moshuara që u lirua nga Hamasi

12:12 Bota 1 koment

Si funksionon dhe a është vërtet e pathyeshme Kupola e Hekurt e Izraelit?

12:08 Bota

Rrëfimi i terroristëve të Hamasit të arrestuar: Na premtuan 10 mijë dollarë dhe një apartament për çdo peng

11:36 Bota 3 komente

Pse Katari është ndërmjetësi ideal midis Izraelit dhe Hamasit?

10:32 Bota