Dronë të panjohur mbi bazat ushtarake belge

Për të tretën natë me radhë, dronë të panjohur janë parë duke fluturuar mbi bazën ushtarake Kleine-Brogel në Belgjikë, raportuan të dielën mbrëma disa media lokale të cituara nga Euronews.

Sipas transmetuesit kombëtar VRT, pas sinjalizimit nga personeli i bazës, u ngrit në ajër një helikopter për të ndjekur dronët, por ata kishin zhdukur tashmë dhe dyshohet se janë drejtuar drejt Holandës.

Incidentet e fundit pasojnë raportime të ngjashme të premten dhe të shtunën mbi të njëjtën bazë, e cila ndodhet në provincën e Limburgut. Ministri belg i Mbrojtjes, Theo Francken, deklaroi se është hapur një hetim zyrtar mbi ngjarjen.

“Nuk bëhej fjalë për një fluturim të zakonshëm, por për një mision të qartë që kishte në shënjestër Kleine-Brogel,” shkroi ministri në rrjetin X (ish-Twitter).

Sipas mediave belge, dronë janë vërejtur gjithashtu mbi terrenet ushtarake të Leopoldburg dhe Marche-en-Famenne, si edhe pranë aeroporteve të Deurne dhe Ostend.

Ngjarje të ngjashme janë regjistruar edhe muajin e kaluar, kur 15 dronë të paidentifikuar u panë duke fluturuar mbi bazën ushtarake të Elsenborn, pranë kufirit me Gjermaninë.

Autoritetet belge nuk kanë identifikuar ende se kush qëndron pas fluturimeve apo cilat janë motivet. Megjithatë, incidentet e përsëritura kanë shkaktuar shqetësim në Europë, ku disa shtete kanë rritur mbrojtjen ajrore dhe po diskutojnë mundësinë e ngritjes së një “muri dronësh” përgjatë kufijve lindorë të BE-së, për të parandaluar ndërhyrje të mundshme nga Rusia.

Në Rusi, armiqtë janë kudo

09:41 Bota

VIDEO/ A do të hyjë në luftë SHBA, me Venezuelën?

09:29 Bota

Punonjësi “hero” i hekurudhës angleze shpëton dhjetëra pasagjerë nga sulmi me thikë në tren

09:27 Bota

Si mund ta ndihmojmë Ukrainën?

08:50 Bota 2 komente

Gjithnjë e më pak njerëz po kërkojnë azil në Gjermani

08:10 Bota

VIDEO/ Tërmet i fuqishëm godet Afganistanin, viktima dhe të plagosur

07:34 Bota 1 koment

Hamas dorëzon trupat e tre pengjeve izraelite në kuadër të marrëveshjes për armëpushim

22:43 Bota 6 komente

Makiavelizmi. Kur politika ndahet nga morali

22:30 Bota

SHBA-të sulmojnë anijet në Karaibe

22:20 Bota 3 komente

Hakmarrje e karteleve? Ekzekutohet kryebashkiaku i qytetit meksikan mes festimeve për “Ditën e të Vdekurve”

21:41 Bota