Te fundit
FOTOT/ Gruaja e kreut të inteligjencës ushtarake të Ukrainës në spital pas tentativës së helmimit
28 Nëntor 2023, 16:13Bota
TEMA
Bashkëshortja e kreut të inteligjencës ushtarake të Ukrainës gjendet në spital pas një tentative për ta helmuar, njoftonin sot mediat vendase.
30 vjeçarja Marianna Budanova, raportohet se ishte helmuar gradualisht e qëllimisht me metale të rënda por tashmë është duke u rikuperuar në spital, shkruan rrjeti vendas Babel duke cituar burime të inteligjencës.
Budanova është bashkëshortja e gjeneralit Kyrylo Budanov, 37 vjeç, i cili ka drejtuar operacionet luftarake me dronë në luftën me Rusinë, ndërsa elementë rusë dyshohet dhe për tentativën e fundit të helmimit.
Natyra e saktë apo stili i helmimit nuk bëhet i ditur, por është një ngjarje e përsëritur pas disa helmimeve të dyshuara të zyrtarëve të inteligjencës.
Burimet thonin se helmi ishte hedhur rregullisht në ushqim.
Rrejti vendas ‘Ukrainska Pravda’ citonte një burim ushtarak të thoshte: “Është i vërtetë helmimi i gruas së Budanov, e cila prej disa javësh ankohej se nuk ndjehej mirë dhe e vërteta u zbulua pas testimeve. Me shumë gjasa helmi ishte hedhur në ushqim”.
“Ajo është më mirë tani pasi ka kaluar fazën e parë të trajtimit. Meqënëse gruaja e Budanov është me peshë të vogël , dëmtimi u manifestua me shpejt te ajo”.
Edhe në vitin 2004, kandidati presidencial ukrainas Viktor Yushchenko u dëmtua në mënyrë të përhershme pas një helmimi me dioksinë, shenjat e të cilës i ka edhe sot.
Marianna punonte si ndihmëse e kryebashkiakut të Kievit Vitalii Klychko, por prej nisjes së konfliktit kishte banuar me të shoqin në ambjentet ushtarake.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ne lufte jane, jeta e ksaj nuk eshte me e vlefshme se bijat dhe bijt e popullit te thjeshte ukrainas qe vdesin nga te ftohtit e ne front...
Epo nese ka banuar gjith kohes me te shoqin ne ambjente usthtarake, dhe helmin ja paskan hedh ne ushqim, me siguri esht burri qe do me e heq qafe. Se nuk vajti Saliu ta helmoje. Lajm koti
Gruaja e Budalles eshte objekti i dyte, por kontrolloni dora vete Budallen si eshte, apo ushqimet e tij i ka ngrene e shoqja.