Te fundit
Ju shpërtheu pajisjet e komunikimit, cili është mesazhi që Izraeli i dërgoi Hezbollahut?
18 Shtator 2024, 09:28Bota
TEMA
Një sulm i paprecedent dhe i padëgjuar më parë konsiderohet ai i Izraelit ndaj organizatës së Hezbollah që mbështetet nga Irani. Të martën, me mijëra pajisje të vogla komunikimi që përdoren nga anëtarët e Hezbollahut në Liban u shpërthyen njëkohësisht duke shkaktuar 9 të vrarë dhe rreth 2800 të plagosur.
Edhe pse zyrtarisht Izraeli nuk e ka marrë përsipër sulmin, CNN dhe të tjera media ndërkombëtare raportojnë se është pikërisht inteligjenca izraelite MOSSAD që fshihet prapa këtij organizimi.
Sipas CNN, ka qenë gjithçka e planifikuar prej disa muajsh nga MOSSAD-i dhe ushtria izraelite.
New York Times ka raportuar se anëtarët e Hezbollah kishin porositur këto pajisje të vogla komunikimi prej kohësh. Izraeli e kishte mësuar këtë gjë përmes shërbimeve të inteligjencës.
Porosia ishte bërë në një kompani në Tajvan. Operativë të Izraelit kishin arritur që të vendosnin brenda këtyre pajisjeve një sasi të vogël eksplozivi dhe një çelës për ta shpërthyer në distancë. Dhe kështu ndodhi. Të gjitha këto pajisje që ishin në duart e anëtarëve të Hezbollah shpërthyen në të njëjtën kohë, rreth orës 15:30 sipas kohës lokale ditën e martë në Liban.
Cili ishte qëllimi dhe mesazhi i sulmit? Analisti i sigurisë John Miller tha për CNN se Izraeli kishte për qëllim të përcillte këtë mesazh për anëtarët e Hezbollah: “Ne mund t’ju arrijmë kudo, në çdo kohë, në ditën dhe në momentin që ne duam dhe mund ta bëjmë atë me shtypjen e një butoni”.
Nga ana tjetër, Hezbollahu është zotuar të hakmerret ndaj Izraelit për këtë sulm masiv. Edhe Qeveria e Libanit e dënoi ngjarjen duke e konsideruar “agresion kriminal izraelit”.
Ka reaguar edhe kompania tajvaneze e këtyre pajisjeve të komunikimit, duke thënë se nuk është e përfshirë në këtë sulm, por se prodhimi i tyre ishte bërë nga një kompani europiane në Hungari.
Edhe një zyrtar i lartë i sigurisë në Tajvan tha për CNN se vendi i tij nuk ka dijeni dhe as të dhëna për këto pajisje që janë dërguar në Liban ose Lindjen e Mesme.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Evreos (suniteve,shiiteve): Here tjeter do tju shperthej kolotripida-t..... hahahaha!
"Operativë të Izraelit kishin arritur që të vendosnin brenda këtyre pajisjeve një sasi të vogël eksplozivi dhe një çelës për ta shpërthyer në distancë. Dhe kështu ndodhi. Të gjitha këto pajisje që ishin në duart e anëtarëve të Hezbollah shpërthyen në të njëjtën kohë, rreth orës 15:30 sipas kohës lokale ditën e martë në Liban." përsa kohë izraeli nuk e ka marrë përsipër këtë ngjarje,nuk mund ti mvishet autorësia!!këtu kemi disa të meta,disa vrima në "tullumbacin"që na servirni ju a cnn!nëse hezbollah i ka porositur këta pager vetëm për përdorim të brëndëshëm,pra vetëm për personelin e tij.mund të themi se kemi të bëjmë me një lëvizje të zgjuar të atyre që kanë kryer sulmin,dhe një idiotësi e hezbollistëve!!nëse këta pager kanë qënë për përdorim të përgjithshëm,hezbollistët do tregoheshin më të zgjuar po ta përdornin kështu,dhe civil,atëherë sulmi ka qënë më i komplikuar,për pasojë dhe më gjenial!!2800 shpërthime?duhen ditur emrat e personave që i përdorin,manipulimi i tyre dhe dhënja e sinjalit për shpërthim është i jashtëzakonshëm!!të presim për të dhënat e ardhëshme!!ndoshta do të jenë më të sakta!!