Te fundit
Ka ekzekutuar 6 gra në tre muaj, policia në kërkim të vrasësit të rrezikshëm serial
5 Qershor 2023, 21:40Bota
TEMA
Shtetet e Bashkuara të Amerikës janë tronditur nga një seri krimesh monstruoze, ku vetëm gjatë tre muajve të fundit, 6 gra nga mosha 22 deri në 40 vjeç janë gjetur të vdekura në vende të ndryshme të izoluara në zonën e Portland, Oregon.
Autoritetet po hetojnë mundësinë se ato mund të jenë viktima të të njëjtit vrasës serial, ndërsa policia u ka bërë thirrje të gjitha grave të kenë kujdes.
Vdekjet e grave përshkruhen si “misterioze” nga autoritetet, pasi trupat e tyre u gjetën në Portland, në një distancë prej afërsisht 160 kilometra nga njëra-tjetra, në anë të rrugëve, në pyje ose në zona të izoluara rurale.
Sipas CNN, trupi i fundit u gjet më 7 maj nga një burrë që peshkonte në një liqen në zonën Eagle Creek të Portland. Ishte 22-vjeçarja Ashley Real, e cila ishte raportuar e zhdukur që prej 27 marsit.
Një grua e dytë, Joanna Speaks, e cila ishte zhdukur në të njëjtën kohë, u gjet e vdekur më 8 prill. Shkaku i vdekjes së saj ishte trauma e fortë në kokë dhe qafë, sipas Zyrës së Ekzaminuesit Mjekësor të Qarkut Clark.
Autoritetet vendase po bashkëpunojnë, duke shkëmbyer informacione për gjashtë gratë e vdekura, por nuk kanë dhënë detaje lidhur me misteret e vrasjeve të tyre.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nuk ka Zhakline Lakatari atje prandaj livadhisin vrasesit serial te grave... Dergoni Zhaklinen ne Oregon dhe keni per te pare qe vrasesi serial do vrasi veten...