Te fundit
Katër “qytete fortesa” kyçe, që Vladimir Putin i do me patjetër
18 Gusht 2025, 17:04Bota
TEMA
A do të varet fati i Ukrainës nga Sloviansk, Kramatorsk, Druzhkivka dhe Kostiantynivka?
Këto emra mund të mos jenë të njohur për shumicën, por ato janë katër “qytete fortesa” kyçe në pjesët e mbetura të rajonit të Donetskut, që sipas raportimeve, Vladimir Putini po i kërkon si çmim për paqen.
Megjithëse detajet mbeten ende të paqarta, duket se korniza e një marrëveshjeje paqeje, e rënë parimisht dakord mes Putinit dhe Trumpit, do të parashikonte që rusët të pranojnë ngrirjen e vijës aktuale të frontit.
Madje mund të kthejnë ndonjë pjesë të vogël të rajoneve Sumy dhe Kharkiv që kanë pushtuar, në këmbim të dorëzimit nga ana e Kievit të pjesës shumë më të madhe të rajonit të Donetskut që ende e kontrollon.
Kjo do të ishte një pilulë e hidhur për t’u kapërdirë në shumë nivele. Nuk është vetëm çështja se territori në fjalë – rreth 30% e rajonit, mbi 15.000 kilometra katrorë – është shumë më i madh sesa zona që do të lirohej sipas “shkëmbimit” të lavdëruar nga Trump. Është gjithashtu çështja e vlerës së tij strategjike. Brenda këtij territori ndodhet i ashtuquajturi “brezi fortifikues”, i përbërë nga qytetet e përmendura më parë, të mbrojtura mirë, dhe disa qytete e vendbanime të tjera që shtrihen nga veriu në jug përgjatë autostradës N-20 Kostyantynivka-Slovyansk.
Duke qenë se Kievi me të drejtë do të kishte frikë nga një agresion i ri rus, cilado qoftë marrëveshja, bëhet edhe më e rëndësishme që këto linja mbrojtëse të jenë në anën e tyre të vijës së frontit. Për më tepër, ky është një territor i lagur me gjakun e mijëra ushtarëve ukrainas dhe ka një rëndësi simbolike: Sloviansku është qyteti që u kap nga nacionalisti rus Igor ‘Strelkov’ Girkin, kur – sipas vetë fjalëve të tij – “shkrepte këmbëzën” e kryengritjeve që nisën luftën e pashpallur në Donbas, e cila më pas çoi në pushtimin e vitit 2022. Në këto rrethana, madje mund të shtrohet pyetja nëse ushtria do të pranojë urdhrat për t’u tërhequr.
Megjithatë, Putini duket se e ka ridrejtuar debatin. Duke e vënë në qendër pyetjen nëse ky dorëzim është i pranueshëm apo jo, ai në fakt ka bërë që Perëndimi të pranojë se territoret e pushtuara aktualisht janë të humbura. Ndoshta një ditë, përmes mjeteve ushtarake ose politike, ato mund të rikthehen, por nuk ka një teori të besueshme të fitores që e parashikon këtë për Kievin në një të ardhme të afërt – përveçse nëse ndodh ndonjë zhvillim i papritur, si kolapsi ekonomik i Rusisë ose vdekja e afërt e Putinit. Për më tepër, linja e Putinit është, me shumë gjasë, që ky territor është i humbur për Kievin gjithsesi – qoftë për një muaj, një vit apo më gjatë, një ditë forcat e tij do të kalojnë me gjak dhe zjarr përmes brezit fortifikues. Refuzimi për të bërë një marrëveshje tani do të thotë vetëm më shumë vdekje dhe mjerim për të gjithë, përpara të pashmangshmes.
Putini mund të jetë gabim dhe mund të tregojë gatishmëri për ta braktisur këtë kërkesë, por nuk do ta bëjë këtë lehtë apo lirë. Pushtimi territorial nuk ka qenë kurrë objektivi i vërtetë i Putinit, por nënshtrimi i Ukrainës. Megjithatë, duke qenë se ai nuk e parashikoi kurrë që do të futej në një luftë të madhe, të kushtueshme dhe pa fund, Putini mund të jetë i gatshëm të pranojë një marrëveshje që mund ta paraqesë si një fitore në sytë e opinionit publik rus. Nga ana tjetër, Ukraina mund ta ndjejë gjithashtu si një lloj fitoreje nëse arrin të sigurojë garanci të qëndrueshme sigurie dhe ndihmë për rindërtim, që ta ndihmojnë të bëhet një shtet vërtet sovran, demokratik dhe i qëndrueshëm jashtë ndikimit të Moskës.
Kjo, në fund të fundit, është pika ku ka gjasa të përqendrohen negociatat më të vështira. Ajo pjesë e Donetskut ka rëndësi, por është mjedisi në të cilin ukrainasit do të rindërtojnë vendin e tyre që do të jetë vendimtar. Putini do që t’i lërë ata të pambrojtur dhe të përçarë (madje, një pjesë e vogël e arsyes përse ai kërkon Donetskun është pikërisht për të detyruar Zelenskyn ose të dënojë popullin e tij me më shumë luftë, ose të marrë një vendim jashtëzakonisht të papëlqyeshëm në emër të paqes).
Pyetja është se sa larg janë të gatshëm aleatët e Ukrainës të shkojnë për të ofruar garanci serioze dhe të besueshme sigurie dhe për ta detyruar Putinin t’i pranojë ato. Mund të jenë të tunduar të qëndrojnë te mantrat boshe si “Putini nuk mund të lejohet të fitojë”. Ukrainasit, që luftojnë në vijën e parë dhe fshihen nga dronët rusë në strehimore antiajrore, kanë plotësisht të drejtë të zgjedhin të qëndrojnë dhe të rezistojnë ndaj një marrëveshjeje kaq të shëmtuar. Megjithatë, duke qenë se aleatët evropianë të Ukrainës janë qartazi (dhe me të drejtë) të padëshiruar për të futur ushtarët e tyre në rrezik, mund të vihet në pikëpyetje morali i qëndrimit të tyre kur inkurajojnë Zelenskyn të rezistojë – thjesht për të shmangur ballafaqimin me kompromiset e pista morale që do të kërkonte paqja. (The Spectator)
10 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Strategjia e Putinit eshte e ngjashme me strtegjine e Hitlerit: do te marre te gjitha ish-republikat sovjetike dhe pastaj do t'i bjere SHBA-se, Kanadase dhe Groenlandes.
Ama jo do i bjere Amerikes. Po amerika ja shkerdhen ca ka para e mbrapa. Ku ka pith motre te sulmoje Ameriken. Ai po hiqet zvarre ne Ukraihine do i bjeri Amerikes hahahaha
I do dhe do i mari se po ja jep psikopati budalla trump..... Zeneli ukraines kujtoi se lufta ishte komedi dhe donte BE e NATO si Shqiperia
Ne ca katundi heron se ketu ne Amerike vetem flamure te Ukraines shikon. Te qifsha rusine
Akoma se paske mësuar qe në ukrain eshte amerika qe lufton o te Vraft kolera (Vk)
Nese zhelja , bideja dhe klubi pede i BE do kishin ndaluar vrasjen e ruseve ne ukraine, do i kishin ndenjur marveshjes se bushit me gorbacovin qe ukraina te ishte ushtarakisht asnjanese as nuk do ishin vrare njerez dhe as nuk do lodheshin gzetarucet te jepnin mendje.
Ky robqiri deklaroi se do e merrte Ukrainen per 3 ditë, prandaj e quajti "operacion special" me ligj ,se rusia e kishte për ofendim ta quante luftë. Rusia eshte shtet i falimentuar.NUk ka ujë të pishëm nepër shtëpija dhe WC ndodhet në një gropë në fund të baçes.Por investon gjithshka në armatime. Populli rus eshte këlysh i rrahur nga Lenini,Stalini e kështu me rradhë.Kur rriten dhe shkojnë në shkollë firmosin se nuk do kenë asnjë pretendim (perëndimor) vetëm mos arrestohen,ose fluturojnë nga dritarja e zyrave të Ljubiankës.
dhe pidhit te valbones me kar thiu
America dhe Europa po tallin bythen me Rusine dhe Ukrainen sepse perendimit i intereson qe lufta te vazhdoje. Preferojne qe ti japin armatim dhe pare Ukraines qe te mbajne Rusine ne lufte.
Lufta dote vazhdoj ne nji menyre tjeter ky samit nuk ka aspak lidhje me paqen por si te armatoset Ukraina me 100miljard blerje armesh nga SHBA dhe perdorimin e nenit 5 te Natos si garanci per mbrojtjen e Ukraines dhe cka dote bej Ukraina dote vrovokoj Rusine dhe keshtu dote filloj nji lufte tjeter me Naton dhe keshtu i mbushen kushtet e Zelenskit qe Natoja te futet ne lufte me Rusine qe mund te ndodhe fundi i njerezimit ne Rusi dhe ne Evrope.kjo dote ndodhe pse kete ruge zgjodhen Fashistet e Perendimit.