Ligjvënësit amerikanë kërcënojnë me veprime ligjore ndaj Pam Bondi për dosjet Epstein

Dy ligjvënës amerikanë kanë kërcënuar me veprime ligjore kundër Prokurores së Përgjithshme të SHBA-ve, Pam Bondi, pasi afati për publikimin e plotë të dokumenteve qeveritare që lidhen me Jeffrey Epstein u respektua vetëm pjesërisht.

Publikimi i dosjeve nga Department of Justice (DoJ) ishte pritur me interes të lartë publik, por në praktikë vetëm një pjesë e materialeve u bë publike, me shumë redaktime dhe informacione të tjera të mbajtura sekret. Kjo ka shkaktuar zemërim si te ligjvënësit, ashtu edhe te të mbijetuarit e abuzimeve të Epstein.

Republikani Thomas Massie, një nga figurat kryesore që ka shtyrë për publikimin e plotë të dosjeve, deklaroi se po shqyrton nisjen e procedurave për “mosbindje ndaj Kongresit” kundrejt Bondit. Sipas tij, DoJ po “shkel si frymën, ashtu edhe shkronjën e ligjit”.

“Rruga më e shpejtë dhe më efikase për të siguruar drejtësi për viktimat është përdorimi i konceptit ‘inherent contempt’ ndaj Pam Bondi dhe kjo nuk kërkon ndërhyrjen e gjykatave”, tha Massie për programin Face the Nation në CBS. Ky mekanizëm ligjor, i cili mund të përdoret nga Dhoma e Përfaqësuesve ose Senati, nuk është aktivizuar prej gati një shekulli, sipas Shoqatës Amerikane të Avokatëve.

Massie shtoi se po punon për këtë nismë së bashku me demokratin Ro Khanna, i cili gjithashtu ka qenë një zë i fortë për transparencë. Khanna deklaroi se po ndërtohet një koalicion dypartiak dhe se masa do të parashikonte gjobitjen e Bondit për çdo ditë vonesë në publikimin e dokumenteve.

Ligji që detyron publikimin e plotë të dosjeve Epstein u nënshkrua në nëntor nga presidenti Donald Trump, pas presionit nga mbështetësit e tij dhe anëtarë të Partisë Republikane. Afati për publikimin ishte dita e premte, por DoJ ka deklaruar se materiale të tjera do të publikohen në javët në vijim.

Zëvendësprokurori i përgjithshëm, Todd Blanche, reagoi ashpër ndaj kërcënimeve nga Kongresi, duke thënë se departamenti po vepron në përputhje të plotë me ligjin. “Po flasim për rreth një milion faqe dokumente, pothuajse të gjitha që përmbajnë informacion për viktimat”, tha ai për NBC News, duke argumentuar se mbrojtja e tyre kërkon kohë dhe redaktime të kujdesshme.

Nga ana tjetër, senatori demokrat Tim Kaine i quajti përpjekjet për procedura ndëshkuese apo shkarkim “të parakohshme”, duke sugjeruar se Kongresi ka mjete të tjera ligjore për të ushtruar presion ndaj DoJ.

Debati është përshkallëzuar edhe pas heqjes dhe më pas rikthimit të disa materialeve nga faqja e DoJ, përfshirë një imazh që përmbante një fotografi të Trump, veprim që autoritetet e justifikuan me shqetësime të ngritura nga viktimat.

Çështja e dosjeve Epstein po shndërrohet kështu në një përplasje të fortë politike dhe institucionale në SHBA, ku përballen kërkesat për transparencë të plotë me detyrimin ligjor për mbrojtjen e viktimave.

Vrasja e gjeneralit, “një goditje” për ushtrinë ruse

17:26 Bota

Zelensky paralajmëron paketa të reja sanksionesh kundër Rusisë

16:14 Bota 2 komente

Bisedimet për Ukrainën: Zelensky dhe Witkoff shohin përparim

15:20 Bota 2 komente

VIDEO/ Kosova dhe Gaza, Vjosa Musliu mbi paaftësinë për të parë veten në tragjedinë e tjetrit

14:26 Bota

Kërkon ta bëjë pjesë të SHBA, Trump emëron guvernatorin e Luizianës të dërguar special në Groenlandë

13:10 Bota

Detaje të reja nga masakra në Sydney, para sulmit autorët hodhën 4 bomba

12:30 Bota

"Do e paguajë shtrenjtë" - Si ia doli kryeministri belg të mposhtë makinerinë e BE-së

11:51 Bota

Si e mori veten Rusia

11:32 Bota 6 komente

Izraeli alarmon SHBA-të: Stërvitjet iraniane mund të fshehin një sulm të papritur

10:59 Bota

Franca ndërton aeroplanmbajtësen më të madhe në Evropë

10:38 Bota 14 komente