Te fundit
Moska kërkoi largimin e diplomatëve të huaj nga Kievi, gazetari nga Rusia: Mund të përdoren raketa ‘Kinzhal’ dhe ‘Oreshnik’
29 Maj 2026, 10:40Bota
TEMA
Gazetari Misha Pumo, në një lidhje direkte nga Moska në “Off the Record” me Andrea Dangllin në A2 CNN, foli për paralajmërimin e Rusisë ndaj trupit diplomatik dhe qytetarëve të huaj që të largohen nga Kievi përpara sulmeve të mundshme.
“Rusia rekomandoi, jo urdhëroi, që diplomatët dhe qytetarët e huaj të largohen sa më shpejt nga kryeqyteti ukrainas për shkak të sulmeve që mund të ndodhin së shpejti”, deklaroi Pumo.
Sipas tij, Moska mund të përdorë mjete të rënda luftarake, përfshirë raketat “Kinzhal”, “Iskander” dhe “Oreshnik”, si edhe qindra dronë luftarakë.
Gazetari theksoi se deklaratat zyrtare ruse flasin për goditje ndaj institucioneve shtetërore, njësive ushtarake dhe uzinave të prodhimit ushtarak në Ukrainë.
“Rusia ka paralajmëruar që qytetarët të qëndrojnë larg ndërtesave shtetërore dhe objekteve ushtarake. Flitet edhe për goditje ndaj ‘pikave të vendimmarrjes’, por pa specifikuar konkretisht cilat janë ato”, u shpreh ai.
I pyetur për mundësinë e një përplasjeje direkte mes Rusisë dhe NATO-s, Pumo tha se situata mbetet e tensionuar dhe nuk mund të përjashtohet një agravim i mëtejshëm.
“Nëse intensifikohen sulmet me dronë drejt territorit rus, sidomos në zonën e Balltikut, një përplasje më e gjerë nuk përjashtohet. Situata është si një tenxhere me presion që herë pas here lëshon avull”, tha gazetari nga Moska.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ky spiuni i KGBsë , për një rrogë mizerabël , për ca rubla të zhvleftësuar me ca kopekë, vihet në shërbim te kujtdo. Pse thoni gazetar ? Ai flet vetëm propaganden e diktatures se ROBQIRËVE të Kremlinit
VK o lal,gaforrja gafore mbetet deri ditën e fundit!!janë mësuar të mos njohin lirinë!ju plas zëmra për pakë diktaturë dhe kur është e huaj!!