Te fundit
"Ndotja në Kosovë", e përzgjedhur nga The Guardian si një nga "fotot më të mira"
1 Qershor 2022, 12:09Bota
TEMA
E përditshmja britanike “The Guardian” ka përzgjedhur një fotografi të bërë në Kosovë nga Armend Nimani, si më të mirën e ditës së martë.
Ndotja e ajrit në Kosovë që vjen si pasojë e prodhimit të energjisë elektrike nga qymyri është kryefjala e fotografisë.
“Obiliq, Kosovë – Një burrë kalëron kalin e tij pranë një termocentrali. Dy termocentrale me qymyr janë burimi kryesor i niveleve alarmante të ndotjes së ajrit në Kosovë”, thuhet në përshkrimin e fotografisë.
The Guardian ka përzgjedhur edhe disa fotografi të tjera ku e veçon një dyqan në Dubai të Emiratave të Bashkuara Arabe i cili u shërben vetëm qenve.
Kafeneja e parë në Dubai që ofron kafe dhe ëmbëlsira vetëm për qentë, në foto shihet duke i shërbyer një prej klientëve të saj.
Një tjetër fotografi e përzgjedhur është ajo e dy ushtarëve ukrainas që shijojnë pamjet e fshatit Stoyanka, pasi kanë përfunduar detyrën,
Fotoja e katërt e përzgjedhur nga “The Guardian”, vjen nga departamenti i zjarrëfikësve në Omaha, të Shteteve të Bashkuara.
“Zjarrfikësit punojnë për të shuar një zjarr pasi tymi fryhet në një fabrikë kimike”, thuhet në mbishkrimin e fotografisë.
Kurse në Kuala Lumpur, Malajzi, një mbarështues papagalli dhe zogjtë e tij shihen në kodrën Damai Perdana gjatë Ditës Botërore të Papagajve.
Këto ishin vetëm disa nga fotografitë që prestigjiozja britanike kishte zgjedhur për të ndarë me publikun ditën e martë.
Më të lexuarat
24 oret e fundit
Javen e fundit
Blog Tema
Lini një Përgjigje