Te fundit
“Po nxjerrin emigrantët nga shtëpitë”, Trazira dhe sulme raciste në Irlandën e Veriut, digjen banesa dhe automjete!
10 Qershor 2026, 10:10Bota
TEMA
Një valë protestash dhe incidentesh të dhunshme ka përfshirë disa zona të Irlandës së Veriut gjatë mbrëmjes së së martës, pas arrestimit dhe akuzimit të një 30-vjeçari sudanez për tentativë vrasjeje lidhur me një sulm me thikë të ndodhur në Belfast, ku një person mbeti i plagosur rëndë.
Situata më e tensionuar u regjistrua në Belfast, ku protestat degraduan në akte vandalizmi dhe zjarrvënie. Një autobus u përfshi nga flakët në zonën e Newtownards Road në lindje të qytetit, ndërsa disa banesa aty pranë u dogjën. Shërbimet e emergjencës ndërhynë për të shpëtuar një familje që ndodhej brenda një prej shtëpive të prekura nga zjarri.
Incidente të ngjashme u raportuan edhe në veri të Belfastit, pranë Crumlin Road, ku disa banesa u sulmuan dhe u dogjën. Sipas pastorit Jack McKee, i cili ndodhej në vendngjarje, familje me origjinë afrikane u detyruan të largoheshin nga shtëpitë e tyre për shkak të ngjyrës së lëkurës.
“Po nxirren nga shtëpitë e tyre, po sulmohen dhe po u thyhen dritaret vetëm sepse janë me ngjyrë. Janë njerëz të mirë dhe pjesë e komunitetit prej shumë vitesh”, deklaroi ai.
Dhuna u përhap edhe në zona të tjera të vendit. Automjete u dogjën në Newtownabbey, një makinë policie u shkatërrua nga flakët në Portadown, ndërsa një berberhane turke u sulmua në Ballyclare.
Megjithatë, në disa qytete të tjera, përfshirë Antrim, Ballymena, Londonderry, Larne dhe Bangor, protestat u zhvilluan në mënyrë paqësore. Demonstrata u mbajtën gjithashtu në Glasgow, Edinburg dhe Southampton në pjesë të tjera të Mbretërisë së Bashkuar.
Ngjarjet janë dënuar ashpër nga drejtuesit politikë të Irlandës së Veriut. Kryeministrja Michelle O’Neill e cilësoi dhunën si “banditizëm të hapur” dhe dënoi sulmet ndaj familjeve.
“Grupe burrash të maskuar që djegin familjet në shtëpitë e tyre nuk janë asgjë tjetër veçse frikacakë të neveritshëm”, deklaroi ajo.
Edhe Zëvendëskryeministrja Emma Little-Pengelly bëri thirrje për qetësi, duke theksuar se veprimet e një individi nuk mund të justifikojnë sulmet ndaj komuniteteve të tëra.
Ndërkohë, Sekretarja britanike për Irlandën e Veriut, Hilary Benn, tha se trazirat po rrezikojnë jetët e qytetarëve të pafajshëm dhe po dëmtojnë komunitetet lokale.
“Nuk ka asnjë justifikim për këtë nivel shkatërrimi dhe dhune”, u shpreh Benn.
Autoritetet kanë konfirmuar se 30-vjeçari i akuzuar për sulmin me thikë do të paraqitet përpara gjykatës të mërkurën në mëngjes, ndërsa policia vijon hetimet për incidentet e dhunshme që pasuan në disa zona të Irlandës së Veriut.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Epo i bie që gjithë të sëmurët mendor nga bota (përfshirë edhe Shqiptarë e Ballkanasit), të shkojnë ne Britani. Qeveria o të marrë masa, ose ta qepi gojën. Pa zgjidhje konkrete situata do vazhdojë të degradojë kam frikë. Sa është limiti si shifër që një shtet mund të mbajë njerëz nga gjithë bota?
car flet or idiot apo ke shkruar me chat gpt
dite te veshtira per muslimon brothers...... allah uakbar!
ja pasojat e atij gabimi qe bene bastardet e korruptuar politikanet evropiane, dekada me pare, tani po vjelin frutet, nuk thote kot populli ç'do mbjellesh do korresh, kete gabim po ben edhe ky i ç'menduri i surrelit, qe po e mbush shqiperine me bythezinj aziatike, arabe e afrikane, ne emer te punesimit dhe zhvillimit. prisni edhe pak se jane pakice ata nuk ndjehen, kur behen pak shumice do shifni se ç'fare jane ne gjendje te bejne keta bastarde. hiena nuk sulmon kurre kur eshte vetem, hienat sulmojne gjithmone ne grup.
Debim per gjithe muslimanet
mos i shaj se te kane bere koken