Popullariteti i Putinit bie në nivelin më të ulët që nga nisja e luftës në Ukrainë

Mbështetja për presidentin rus Vladimir Putin po vazhdon të bjerë, duke arritur nivelin më të ulët që nga fillimi i luftës në Ukrainë.

Sipas një sondazhi të fundit të zhvilluar nga qendra ruse e kërkimeve të opinionit FOM, përkrahja për Putinin ka rënë me 5 pikë përqindje brenda një jave, nga 71% në 66%.

Një rënie e tillë nuk ishte regjistruar që nga shtatori i vitit 2022, kur Kremlini u detyrua të shpallte mobilizimin e pjesshëm ushtarak për të përforcuar frontin në Ukrainë.

Edhe pse niveli i mbështetjes për Putinin mbetet ende më i lartë se para nisjes së pushtimit të Ukrainës, ekspertët vërejnë se po zbehet efekti i njohur si “grumbullimi rreth flamurit”, kur qytetarët priren të bashkohen rreth udhëheqësit të tyre gjatë një lufte.

Sipas Denis Volkov, drejtues i institutit të sondazheve Levada, rënia e mbështetjes nuk prek vetëm presidentin, por edhe institucionet e tjera shtetërore. Shkaku kryesor lidhet me përkeqësimin e standardit të jetesës dhe problemet ekonomike.

Një nga shqetësimet kryesore të qytetarëve rusë është bërë kriza e karburanteve, e shkaktuar nga sulmet ukrainase ndaj rafinerive ruse. Në disa rajone çmimet e benzinës janë rritur ndjeshëm, ndërsa në zona të tjera karburanti është kufizuar dhe janë krijuar radhë të gjata në pikat e furnizimit.

Mediat ruse raportuan edhe rastin e një 80-vjeçari në qytetin Lysva, në rajonin e Permit, i cili humbi jetën pasi u ndje keq ndërsa priste në radhë për të marrë karburant. Sipas tyre, ky ishte rasti i dytë i ngjashëm brenda më pak se një muaji.

Megjithatë, pavarësisht rënies së mbështetjes ndaj Putinit, kritikat publike ndaj tij mbeten të rralla për shkak të presionit ndaj zërave kundërshtues.

Së fundmi, blogeri kritik ndaj Kremlinit, Ilya Remeslo, u arrestua nën akuzën për përhapje të “lajmeve të rreme” për ushtrinë ruse, një vepër që në Rusi mund të dënohet deri në 10 vite burg.

Remeslo, i cili më parë kishte pasur qëndrime më afër qeverisë, tërhoqi vëmendjen pasi kritikoi hapur luftën në Ukrainë dhe kërkoi dorëheqjen e Putinit. Para arrestimit, ai kishte shkruar se situata në Rusi mund të shkonte drejt një momenti ku edhe një tronditje e vogël mund të sillte humbjen e pushtetit nga presidenti rus.

Hungaria drejt reformës kushtetuese, Magyar mbështet uljen e moshës së votimit në 16 vjeç

17:40 Bota

Tensionet në rritje, Irani: Memorandumi i Mirëkuptimit është pezulluar pasi SHBA-të shkelën angazhimet e tyre

17:00 Bota

Europa në alarm nga moti ekstrem! Zjarre, stuhi dhe temperatura deri në 44°C, viktima dhe mijëra familje pa energji

16:40 Bota

Skandal në Gjermani: Politikani i njohur kritikohet pas lindjes së fëmijës me nënë surrogate në SHBA

16:20 Bota

Irani godet edhe Kuvajtin, sulme ndaj centraleve të energjisë dhe objekteve të naftës!

16:05 Bota

Joan Capdevila i kërkon ndihmë Trump pas refuzimit të hyrjes në SHBA për të ndjekur finalen e Botërorit

15:30 Bota 1 koment

Mbi 5,000 të vdekur nga tërmetet në Venezuelë, FMN shpërndan 346 milionë fonde për rindërtim

14:20 Bota

“Fija e Kuqe” izraelite, barriera 22 kilometra që po izolon palestinezët

12:50 Bota 2 komente

Irani: Disa raketa amerikane goditën pompat e ujit të shkripëzimit në Bonji, 20 fshatra pa ujë

12:10 Bota 2 komente

Ukraina godet një nga asetet strategjike të Rusisë, dëmtohet bombarduesi Tu-95

11:40 Bota 2 komente