Pse Zelensky po ndryshon qeverinë në Ukrainë?

Presidenti ukrainas Volodymyr Zelensky ka nisur një riorganizim të thellë të qeverisë, një lëvizje që shihet si përpjekje për të përmirësuar komunikimin dhe marrëdhëniet me presidentin amerikan Donald Trump dhe administratën e tij.

Parlamenti ukrainas miratoi të mërkurën dorëheqjen e kryeministrit Denys Shmyhal, duke çuar automatikisht në shpërbërjen e kabinetit. 

Në vend të tij, Zelensky ka propozuar zëvendëskryeministren Yulia Svyrydenko si kryeministre të re, ndërsa Shmyhal pritet të marrë postin e ministrit të Mbrojtjes, duke zëvendësuar Rustem Umerovin.

Riorganizimi vjen në të njëjtën kohë kur presidenti Trump njoftoi një program të ri për shitjen e armëve në Ukrainë, një prej deklaratave më të forta të mbështetjes për Kievin që nga rikthimi i tij në Shtëpinë e Bardhë.

Svyrydenko, e cila njihet për marrëdhëniet e mira me administratën amerikane, ka luajtur një rol kyç në negociatat e mëparshme me Uashingtonin. 

Ndërkohë, media ukrainase raporton edhe ndryshime të tjera në kabinet, përfshirë zëvendësimin e ministrit të Energjisë German Galushchenko dhe konsolidimin e ministrive të ekonomisë, bujqësisë dhe ekologjisë, megjithëse këto nuk janë konfirmuar ende zyrtarisht nga Zelensky.

“Një ambasador i ri, një kryeministër i ri, një qeveri e re… kjo është pjesë e përpjekjeve për të përdorur të gjitha kanalet e mundshme për të forcuar lidhjet me administratën Trump”, tha një ish-zyrtar i lartë ukrainas për mediat, në kushte anonimiteti për shkak të ndjeshmërisë së temës.

Në një postim në rrjetet sociale, Svyrydenko deklaroi se prioritetet e qeverisë së re do të jenë “forcimi i potencialit ekonomik të Ukrainës, zgjerimi i mbështetjes për qytetarët dhe rritja e prodhimit të armëve”.

Zelensky theksoi se përvoja e gjatë e Shmyhal do të jetë e vlefshme për postin e ministrit të Mbrojtjes, duke e quajtur atë një figurë kyçe në forcimin e mbrojtjes së vendit.

Dëshmia e djalit të "El Chapos" mund të trondisë qeverinë meksikane

18:05 Bota 1 koment

Spitalet gjermane përgatiten për skenarë lufte

17:48 Bota 6 komente

Moska hedh poshtë ultimatumin e Trump: Nuk pranojmë kërcënime! Zëdhënsja e Ministrisë së Jashtme: Furnizimi i Kievit me armë, sinjal për vijimin e masakrës

17:18 Bota 2 komente

Starmer pritet të nënshkruajë marrëveshje me Gjermaninë, ja çfarë përfshin

16:56 Bota

Meloni: Sulmet e ushtrisë izraelite ndaj kishës në Gaza janë të papranueshme

16:48 Bota 3 komente

Yulia Svyrydenko emërohet kryeministre e Ukrainës

16:05 Bota

Mbretëria e Bashkuar do të ulë moshën e votimit në 16 vjeç

14:53 Bota 1 koment

Irani: Vetëm një nga 3 objektet bërthamore u shkatërrua nga sulmet amerikane në qershor

14:15 Bota 1 koment

Lufta Rusi-Ukrainë, Kremlini: Ka mirëkuptim nga të dyja palët për të mbajtur një raund të tretë negociatash

14:06 Bota

Senati e kalon planin e Trumpit për shkurtimin e ndihmave amerikane në botë në vlerë 9 miliardë dollarë

12:50 Bota