Putin pret “miqtë e ngushtë” për Vitin e Ri

Presidenti rus Vladimir Putin ka pritur me përgatitje të mëdha liderët e Komonuelthit të Shteteve të Pavarura (CIS) teksa bëhej gati për një samit informal që mbahet në Shën Petersburg.

Kryeministri armen Nikol Pashinyan, presidenti i Kazakistanit, Kassym-Jomart Tokayev, presidenti i Kirgistanit, Sadyr Japarov, presidenti i Taxhikistanit Emomali Rakhmon, presidenti Turkmen Serdar Berdymukhamedov dhe presidenti i Uzbekistanit Shavkat Mirziyoyev mbërritën të martën në Pallatin Pavlovsk, ku patën mundësinë që të bënin një tur në ish-rezidencën mbretërore ruse.

Turi i liderëve u pasua nga një koncert me muzikë klasike.

Kryeministri armen Nikol Pashinyan dhe presidenti i Azerbajxhanit Ilham Aliyev pritet të takohen në margjinat e samitit në Shën Petersburg për herë të parë që kur Baku rifitoi kontrollin e territorit të Nagorno-Karabakut.

Kujtojmë se samiti jozyrtar i thirrur nga Putini është një traditë që lideri rus e ndjek në fundvit. Kjo mbledhje ka qenë prej shumë vitesh një format i zakonshëm komunikimi mes krerëve të shteteve në ditët e fundit të dhjetorit.

Përpara këtij samiti joformal, Putin kryesoi një takim të Këshillit të Lartë Ekonomik Euroaziatik në Shën Petersburg.

Zëdhënësi i Putinit, Dmitry Peskov, theksoi se Putini do të ketë një mundësi shumë të mirë për t'u përfshirë në diskutime, veçanërisht me Pashinyan-in.

Kinezët shpikin “Vellon e Artë” që mashtron radarët e SHBA

17:08 Bota 7 komente

Rusia pushton qytetin kyç pranë Donetsk

16:58 Bota 2 komente

Ministri izraelit i Mbrojtjes: Jemi në një luftë me shumë fronte

16:00 Bota

Netanyahu tregon tre kërkesat për paqen në rajon

15:10 Bota

Përmbytje masive në Gjermani, evakuohen qindra banorë

13:50 Bota 1 koment

“Sulmi ukrainas dëmtoi luftanijen ruse në Detin e Zi”

13:09 Bota

Navalny reagon pas burgosjes në Arktik: Jam i qetë, mos u shqetësoni

12:03 Bota

Nismë e re arabe për paqen?

12:00 Bota

Selçuk Bayraktar, trashëgimtari teknologjik i shekullit turk

11:40 Bota 2 komente

Lideri i Hamasit: Nuk do t’i nënshtrohemi kurrë Izraelit

11:29 Bota