Te fundit
"S'bëjmë tregti me shtetet gjenocidale" - Tension midis Izraelit dhe Spanjës pas deklaratave të Sanchez
17 Maj 2025, 11:23Bota
TEMA
Një krizë e re diplomatike ka shpërthyer midis Spanjës dhe Izraelit , pas deklaratave të kryeministrit Pedro Sanchez në Parlamentin spanjoll, ku ai foli për një "shtet që kryen gjenocid".
Këto komente shkaktuan zemërim në Izrael dhe Ministria e Jashtme e Izraelit thirri ambasadorin spanjoll në Izrael për ta “qortuar”.
"Pas deklaratave të ashpra të kryeministrit spanjoll Pedro Sanchez, ambasadori spanjoll në Izrael është thirrur për të marrë pjesë në një takim qortimi nesër në Ministrinë e Jashtme në Jerusalem", tha Ministria e Jashtme izraelite në një deklaratë të enjten, e cituar nga El Pais.
Të mërkurën, kryeministri spanjoll, duke iu përgjigjur republikanit Gabriel Ruffian, deklaroi se qeveria e tij nuk bën tregti "me një shtet që kryen gjenocid".
Ruffian e kishte kritikuar më parë Sanchez për shitjet e vazhdueshme të armëve midis Spanjës dhe Izraelit gjatë luftës në Gaza, të cilat qeveria i mohon.
“Do të sqaroj një gjë, z. Ruffian. Ne nuk bëjmë tregti me një shtet që kryen gjenocid. Nuk e bëjmë, z. President. Ju përmendët disa gjëra që nuk ishin të vërteta”, u përgjigj Sanchez.
Spanja ka kohë që kundërshton sulmet e Izraelit në Rripin e Gazës dhe Bregun Perëndimor dhe ishte një nga vendet e para që njohu shtetin palestinez.
Qeveria e Sanchez kohët e fundit anuloi një kontratë për të blerë municione për policinë e saj nga një kompani izraelite dhe u zotua të ndalojë shitjen e armëve në Izrael pas 7 tetorit 2023.
Megjithatë, disa media spanjolle, si El Pais, kanë vënë në dyshim deklaratat e kryeministrit spanjoll, duke raportuar se "Spanja bëri 88 dërgesa armësh dhe municionesh me vlerë 5.3 milionë euro në Izrael midis 7 tetorit 2023 dhe 31 marsit 2025", gjë që Sanchez e mohon dhe e quan informacion të rremë.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ska gje se ben qeveria jone pa kellqe, ku me statistika ka dale qe kemi bere dergesa armatimesh,kryesisht fisheke.
Izraeli po perpiqet qe te na "Shese" Viktimen me Gjenocidin qe po bene ne Gaza..kunder nje Popullsie te Pambrojtur.. 1-Distancohemi nga Aktet Terroriste te Hamasit..por kjo nuk duhet te Justifikoj Bombardimet Shkaterruese te ushtrise me te forte ne Bote kunder..Objekteve Civile...duke shkaktuiar mijra Viktima kryesishte Gra dhe Femije.. 2-Ne gjemani Njerezit e thjeshte por edhe shume Intelektual Flasin nene ze..per Gjenozidin Izraelite...Mjafte eshte Mhafte..lol
Nji bote Fashiste qe shesin genjeshtra kurse jane kunder gjenocidit Izraelit Jo te gjith e kan mbyllur gojen kurse pazaret dhe trgtia vazhdon ,asnji shtet deri me tani nuk i nderpreu lidhjet dipllomatike por ma qesharake jane shtetet arabe ku i japin lejen per spastrimin etnik ne shekullin 21 pra tju vjen turp kur flasin per te drejtat e njeriut ku nuk ekzistojne ,Poshte Fashizmi Demokratik.