Te fundit
SHBA shton numrin e trupave në Lindjen e Mesme, kryeparlamentari i Iranit: Ejani, po ju presim
29 Mars 2026, 15:24Bota
TEMA
Kryetari i Parlamentit të Iranit, Mohammad Bagher Ghalibaf, deklaroi se forcat iraniane janë në gatishmëri dhe “po presin” trupat tokësore amerikane, në një kohë kur raportimet për një përshkallëzim të mundshëm ushtarak po shtohen.
Deklarata vjen pas një raporti të Washington Post, sipas të cilit Pentagoni po përgatitet për javë të tëra operacionesh tokësore në Iran, megjithëse mbetet e paqartë nëse një vendim i tillë do të miratohet nga presidenti amerikan, Donald Trump.
Nga ana tjetër, mesazhet nga administrata amerikane kanë qenë të përziera. Më herët këtë muaj, Trump deklaroi se nuk planifikon të dërgojë trupa, por shtoi se nuk do ta bënte publike një vendim të tillë nëse do të merrej.
Ndërkohë, Sekretari i Shtetit, Marco Rubio, theksoi se Shtetet e Bashkuara mund të arrijnë objektivat e tyre pa përdorimin e trupave tokësore, duke nënvizuar se vendosjet ushtarake të fundit synojnë t’i japin presidentit fleksibilitet për t’u përshtatur me situata të paparashikuara.
Në të njëjtën kohë, Komanda Qendrore e SHBA-së konfirmoi mbërritjen në rajon të anijes luftarake USS Tripoli, e cila drejton një njësi prej rreth 3,500 marinarësh dhe marinsash, duke shtuar praninë ushtarake amerikane në zonë.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Fodulle e deshtake.. po i prisni ashtu sic pritet ne fillimet e sulmeve qe u zhduket qe ne oret e para dhe nuk dinit se ku ishit... do te vijne dhe do te shihni se kush jeni ju "trimat " e paradave , keni per ta bere 100m per 5 sekonda....nqs do te jetoni...
Bravo Iran pushkatoni te gjith ata qe nuk duhet te jene aty.
Ameriken e pret nje Vietnam i dyte nese fut trupa tokesore
Poshtë Ajatullahet. Rroftë populli ï Iranit