Te fundit
Trump dhe aneksimi i Kanadasë: Harta e vendit e mbuluar nga flamuri amerikan
8 Janar 2025, 12:12Bota
TEMA
Presidenti i zgjedhur i Shteteve të Bashkuara të Amerikës, Donald Trump , rikthehet për të insistuar në aneksimin e Kanadasë.
Brenda natës, ai ndau një hartë të re të Shteteve të Bashkuara, e cila përfshin Kanadanë si territorin e saj.
Harta shoqërohet me shkrimin: “Oh Kanada!”.
Në një tjetër postim shihet imazhi i Shteteve të Bashkuara dhe Kanadasë të mbuluara me flamurin amerikan.
Dje, gjatë një konference për shtyp në Mar-a-Lago, Trump kërcënoi se do të përdorte “forcën ekonomike” për të aneksuar Kanadanë.
Ndërkohë, kryeministri kanadez Justin Trudeau ka hedhur poshtë sugjerimin e presidentit të zgjedhur të SHBA-ve, që ai të përdorë “muskujt ekonomikë” për ta bërë Kanadanë shtetin e SHBA-ve.
“Nuk ka asnjë mënyrë që Kanadaja të bëhet ndonjëherë pjesë e Shteteve të Bashkuara”, tha ai në një postim në X.
“Punëtorët dhe komunitetet në të dy vendet tona përfitojnë nga njëri-tjetri duke qenë partneri më i madh tregtar dhe i sigurisë së tjetrit”.
Trump, duke folur në Mar-a-Lago, u pyet nëse ai po konsideronte përdorimin e forcës ushtarake për të marrë Kanadanë.
“Jo, fuqi ekonomike”, u përgjigj ai.
Trump, i cili është ankuar prej kohësh për suficitin tregtar të Kanadasë me Shtetet e Bashkuara, u tha më parë gazetarëve se kufiri ishte një “vijë e tërhequr artificialisht”.
Trump ka kërcënuar se do të vendosë tarifa 25 për qind për importet nga Kanadaja, e cila dërgon 75 për qind të të gjitha eksporteve të mallrave dhe shërbimeve në jug të kufirit.
Vjen një përgjigje ndërkaq edhe nga diplomacia evropiane.
Franca “përjashton” BE-në duke lejuar vendet e tjera “të shkelin kufijtë e saj sovran”, tha ministri i Jashtëm francez, duke reaguar ndaj kërcënimeve të Trump për aneksimin e Groenlandës.
Groenlanda, tha Barrot, një territor autonom i Danimarkës, është “një territor i Bashkimit Evropian”.
“BE nuk mund të lejojë kombet e tjera, çfarëdo qofshin ato, të shkelin kufijtë e saj sovran”.
Presidenti i Qeverisë së Groenlandës, Mute Bourup Egede, do të pritet sot nga Mbreti i Danimarkës.
Takimi vjen në një fazë delikate në marrëdhëniet mes Copenhagen dhe Nuuk, kryeqyteti i Groenlandës.
Egede dhe Frederick mund të diskutojnë një marrëveshje të re në lidhje me marrëdhëniet midis Danimarkës dhe Groenlandës.
Sakaq, anëtarët e Asamblesë Legjislative të Costa Rica-s janë shprehur kundër kërcënimeve të presidentit të Trump, për të rimarrë kontrollin e Kanalit të Panamasë.
Propozimi, i nënshkruar nga gjashtë ligjvënësit e Frente Amplio, mori 29 vota pro dhe 17 kundër. Përveç mbështetjes së presidentit panamez, Asambleja hodhi poshtë “kërcënimet ndërhyrëse” të Trump dhe i kërkoi Ministrisë së Jashtme të shprehej në mbrojtje të sovranitetit të vendit të Amerikës Qendrore.
Qeveria daneze flet gjithashtu në mbrojtje të Groenlandës.
Grenlanda nuk shitet: ky është mesazhi që kryeministrja daneze Mette Frederiksen i dërgoi Donald Trump në të njëjtën kohë që djali i presidentit të zgjedhur, Donald Jr., mbërrin në Nuuk.
Ditët e fundit Trump ka deklaruar vazhdimisht se Groenlanda duhet të bëhet pjesë e Shteteve të Bashkuara, një dëshirë që Trump e ka shtrirë edhe në Kanada.
Duke folur për kanalin televiziv danez Tv2, Frederiksen tha se i takon groenlandezëve të vendosin për të ardhmen e tyre dhe pranoi se ishulli më i madh në botë mund të nisë rrugën drejt pavarësisë në vitet e ardhshme, duke e quajtur këtë perspektivë legjitime, ndërsa përsëriti shpresën për ta ruajtur Mbretërinë e Danimarkës e paprekur.
“Ne kemi nevojë për bashkëpunim shumë, shumë të ngushtë me Shtetet e Bashkuara. Nga ana tjetër, do të doja që të gjithë të respektonin faktin që groenlandezët janë një popull. Është vendi i tyre që është në rrezik”.
Të martën, ministrja e Jashtme kanadeze Melanie Joly tha se komentet e Trump “tregojnë mungesë të plotë të të kuptuarit të asaj që e bën Kanadanë një vend të fortë”.
“Ne kurrë nuk do të tërhiqemi nga kërcënimet”.
Trudeau gjithashtu do të japë dorëheqjen në muajt e ardhshëm pasi iu nënshtrua presionit të ligjvënësve të alarmuar nga jo popullariteti i Partisë së tij Liberale.
Zgjedhjet e ardhshme do të mbahen në tetor dhe sondazhet parashikojnë një fitore dërrmuese të konservatorëve të opozitës.
“Ne jemi një vend i madh dhe i pavarur”, tha udhëheqësi konservator Pierre Poilievre në një postim në X.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Gomar! Idiot! Injorant! Psikopat! I pabesë! I pështirë! Trap/Budalla!