Te fundit
VIDEO/ Rrugëtim vizual: Donald Trump, nga biznesi në politikë dhe rikthimi si presidenti i 47-të i SHBA
6 Nëntor 2024, 19:10Bota
TEMA
Donald J. Trump lindi më 14 qershor 1946 në lagjen Queens të Nju Jorkut, në një familje me pesë fëmijë.
I ati, Fred Trump, drejtonte një kompani ndërtimi të suksesshme, e cila operonte në lagjet jashtme të Nju Jorkut. Ai u bashkua fillimisht me biznesin e tij në vitin 1968, por u shkëput shpejt për të ndërtuar biznesin e tij.
Më pas erdhën kazinotë, godinat, fusha golfi dhe hotelet, nga Atlantic City, Çikago, Las Vegas e deri në Indi, Turqi dhe Filipine.
Stili madhështor i Donald Trump e ndihmoi atë të dallohej në botën e biznesit të Nju Jorkut dhe të shndërrohej në një yll të botës së argëtimit me shfaqjen televizive, “The Apprentice”.
Trump është martuar tre herë dhe ka pesë fëmijë. Ai u martua për herë të parë në 1977 me Ivana Zelníčková.
Trump u martua me gruan e tij të tretë Melania Knauss në vitin 2005. Kur u takuan shtatë vjet më parë, ai ishte 52 vjeç dhe ajo 28.
Karriera e tij politike filloi në vitin 2015 kur ai njoftoi se do të kandidonte brenda partisë republikane për të qenë më pas kandidati i tyrë për Shtëpinë e Bardhë.
Motoja e tij: “Bëni Amerikën përsëri të madhe”.
Pas një fushate të hidhur të karakterizuar nga polemikat, ai mundi kandidaten demokrate Hillary Clinton dhe u betua si presidenti i 45-të i Shteteve të Bashkuara në 2017.
Presidenca e tij ishte një kohë e pasigurtë për aleatët e SHBA-së, shpesh duke u përplasur hapur me liderët e huaj. Ai u tërhoq nga marrëveshjet kryesore të klimës dhe tregtisë dhe nisi një luftë tregtare me Kinën.
Viti i fundit i presidencës së tij u dominua nga kritikat për trajtimin e tij ndaj pandemisë Covid. Trump u detyrua të bënte një pushim gjatë fushatës së tij zgjedhore 2020 pasi u diagnostikua me virusin.
Trump humbi garën presidenciale të vitit 2020 ndaj Joe Biden, por refuzoi të pranonte rezultatin, duke pretenduar se zgjedhjet ishin manipuluar. Ai mblodhi mbështetësit në Uashington më 6 janar duke i nxitur ata të marshonin drejt Kongresit.
Tubimi u përshkallëzua në trazira dhe veprimet e tij atë ditë janë në fokus të dy çështjeve penale.
Karriera e tij politike dukej e mbaruar, por ai shpalli një tjetër kandidim për president dhe shpejt u bë kryesuesi i Partisë Republikane.
Trump filloi fushatën zgjedhore të përgjithshme duke u përballur me 91 akuza për krime.
Në maj të vitit 2024 ai u shpall fajtor për 34 akuza për mashtrim në lidhje me paratë e heshtura të paguara për aktoren e filmave për të rritur Stormy Daniels përpara zgjedhjeve të 2016-ës.
Përsëri në gjurmët e fushatës gjatë verës, një person i armatosur 20-vjeçar u përpoq ta vriste atë në një tubim në Butler, Pensilvani.
Ditë më vonë në Konventën Kombëtare Republikane, ai u konfirmua si kandidati presidencial i partisë.
Pas një fushate plot ngjarje, nganjëherë të furishme, Trump ka fituar zgjedhjet presidenciale të vitit 2024 në SHBA.
Konfirmimi i tij si president do ta bëjë atë udhëheqësin më të vjetër të vendit. Ai do të jetë 82 vjeç në fund të mandatit të tij.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
nëse je dështak në jetë!?futju politikës se aty e ke suksesin të pamasë!një përmbledhje të jetës së trapit amerikan!!në kurrizin tonë e pamë se si funksionon!na prekën direkt xhepin tonë ,në '97!?kapëm armët!na vodhën me anë të shtetit!?ju japim votat dhe ulërasim si idiotë çdo ditë!amerikanët nuk i dhanë paratë e tyre invesuesit tramp,për shkak të dështimeve të tij,por i japin shtetin,sepse "nuk është i tyre"!