Te fundit
VIDEO: Trazira dhe protesta anti-Macron në Francë, protestuesit përleshen me policinë
10 Shtator 2025, 12:12Bota
TEMA
Protestuesit organizuan demonstrata në të gjithë Francën të mërkurën, duke ndërprerë trafikun, duke djegur kazanë plehrash dhe duke u përleshur me policinë në një përpjekje për të "Bllokuar Gjithçka" në shenjë zemërimi ndaj klasës politike dhe shkurtimeve të planifikuara të buxhetit.
Forcat e sigurisë u vendosën në të gjithë vendin për të hequr çdo bllokadë sa më shpejt të ishte e mundur, thanë zyrtarët, që do të thotë se Franca, për momentin, nuk ishte e bllokuar. Dhjetëra protestues u arrestuan dhe pati disa përleshje me policinë, shkruan "Reuters".
Demonstratat u zhvilluan në një kohë trazirash politike: dy ditë pasi parlamenti rrëzoi kryeministrin Francois Bayrou në një votë besimi mbi planet e tij për të zbutur borxhin në rritje të vendit.
Të martën, Presidenti Emmanuel Macron emëroi kryeministrin e tij të pestë në më pak se dy vjet, duke zgjedhur një aleat të ngushtë, Sebastien Lecornu, gjë që zemëroi politikanët e krahut të majtë.
Në Paris, zjarrfikësit hoqën objekte të djegura nga një barrikadë e ngritur nga studentët për të bllokuar trafikun pranë një shkolle të mesme. Policia e Parisit tha se 132 persona ishin arrestuar në demonstratat atje deri më tani.
"Është e njëjta gjë, është e njëjta gjë, është Macron ai që është problemi, jo ministrat", tha Fred, një përfaqësues i degës së transportit publik RATP të sindikatës CGT në një protestë në Paris.
"Ministrat, është një problem, por është më shumë Macron dhe mënyra e tij e punës, që do të thotë se ai duhet të largohet."
Në qytetin perëndimor të Nantës, protestuesit bllokuan një autostradë me goma dhe kontenierë të djegur. Policia përdori gaz lotsjellës për të shpërndarë njerëzit që përpiqeshin të pushtonin një rrethrrotullim në të njëjtin qytet.
Ndërkohë, në Montpellier, në jugperëndim, policia u përlesh me protestuesit që kishin ngritur një barrikadë për të bllokuar trafikun në një rrethrrotullim. Një protestues mbante një banderolë ku shkruhej: "Macron jep dorëheqjen".
Policia përdori gaz lotsjellës për të shpërndarë protestuesit, disa prej të cilëve hodhën objekte të ndryshme drejt tyre.
Lëvizja "Blloko Gjithçka" pasqyron pakënaqësinë popullore me atë që protestuesit e konsiderojnë një elitë qeverisëse jofunksionale që predikon një ungjill të dhimbshëm të kursimit.
Ministri i Brendshëm Bruno Retailleau u tha gazetarëve herët të mërkurën se rreth 50 persona me kapuçë ishin përpjekur të fillonin një bllokadë në Bordeaux, ndërsa në Tuluzë, një zjarr me kabllo që ishte ndaluar shpejt kishte arritur të prishte trafikun midis Tuluzës dhe Auch në Francën jugperëndimore.
Retailleau shtoi se 80,000 forca sigurie ishin vendosur në të gjithë vendin, përfshirë 6,000 në Paris. Mediat franceze kishin raportuar se 100,000 njerëz pritej të merrnin pjesë në demonstrata.
“Ne rrezikojmë të kemi një mobilizim që do të çojë në veprime në të gjithë vendin”, tha Retailleau./ TemA (S.P)
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Rusia I organizon me iranin e kinen
Popull trim. Shqiptaret skane buke te hajne jane vetem me 2 ore uje ne 24 ore. Dhe rrine te strukur nga frika.E nga kush nga nje nudist me origjine vlleho-çobane si Edi Rama.Dhe nga nje qeveri ku minsitrat e saj shkembejne grate e tyre ne shoqerine e njeri tjetrit.