Te fundit
VIDEO/ Ukraina pranon se ka goditur me dronë cisternën e naftës që shpërtheu në Detin e Zi
29 Nëntor 2025, 15:13Bota
TEMA
Ukraina ishte përgjegjëse për sulmet ndaj dy anijeve cisternave të naftës në Detin e Zi, të cilat besohet se transportonin fshehurazi naftë ruse të sanksionuar.
Lajmin e pohoi për AFP një burim i shërbimit sekret në Kiev. Dy cisternat, Virat dhe Kairos, janë goditur rëndë nga shpërthimet e ndodhura të premten vonë pranë ngushticës së Bosforit, sipas ministrisë turke të transportit.
Njëra prej anijeve cisterne, që thuhet të jenë pjesë e flotës hije të Moskës, u godit përsëri mëngjesin e sotem, thuhet në njoftimin e ministrisë.
Burimi nga radhët e shërbimit ukrainas të sigurisë SBU pohoi se anijet ishin shënjëstruar nga dronë detare të modernizuar Sea Baby.
Ishte pikërisht ai që ofroi videon, e cila tregonte momentin kur dronët detarë rrëshqitën drejt dy anijeve, përpara se të shkaktonin shpërthimet.
Sipas zyrtarit, dy anijet cisternë që ishin nisur drejt portit të Novorossiysk, një terminal i madh i naftës ruse, kanë marrë dëmtime aq të mëdha sa praktikisht, kanë dalë jashtë shërbimit.
“Kjo do t’i japë një goditje të konsiderueshme transportit rus të naftës”, u shpreh burimi.
Kievi ka kërkuar vazhdimisht masa më të ashpra ndërkombëtare ndaj ‘flotës në hije’ të Rusisë, për të cilën thotë se po e ndihmon Moskën të eksportojë sasi të mëdha nafte dhe të financojë luftën e saj në Ukrainë pavarësisht sanksioneve perëndimore.
???????? Sea Baby naval drones strike two sanctioned Russian “shadow fleet” tankers in the Black Sea.
— Special Kherson Cat ???????????? (@bayraktar_1love) November 29, 2025
Sea Baby naval drones operated by Ukraine’s Security Service (SSU) have struck two sanctioned tankers of Russia’s shadow fleet — KAIRO and VIRAT — in the Black Sea.
At the moment… https://t.co/06rWD5oQLS pic.twitter.com/fhfYOLtDTj
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
gjakosje per anijet turke qe transportojne mallra ruse lol cfare thote erdoqeni?