Te fundit
Vritet deputeti në Kenia, paralajmëroi vdekjen e tij pas kërcënimeve
1 Maj 2025, 15:04Bota
TEMA
Një deputet i parlamentit kenian, Charles Ong’ondo Were, është qëlluar për vdekje në rrugët e kryeqytetit Nairobi, në atë që dyshohet të ketë qenë një atentat i dyshuar.
Sipas policisë, sulmuesit e armatosur po udhëtonin me motoçikletë dhe kishin ndjekur automjetin e deputetit përpara se njëri prej tyre të zbriste dhe ta qëllonte atë nga afër.
“Natyra e këtij krimi duket të jetë si e synuar ashtu edhe e paracaktuar,” deklaroi zëdhënësi i policisë, Muchiri Nyaga.
Mediat lokale raportojnë se deputeti i opozitës kishte treguar dy muaj më parë për kërcënime me jetë.
Pas të shtënave, shoferi dhe truproja e tij, të cilët mbetën të padëmtuar, arritën ta transportonin deputetin në spitalin e Nairobi, por ai fatkeqësisht, u shpall i vdekur sapo mbërriti në urgjencë.
Motiv politik? Deputeti kishte paralajmëruar për komplot
Motivi për vrasjen ende mbetet i paqartë, por ligjvënësi i profilit të ulët publikisht kishte pohuar se disa “banditë të paguar” po komplotonin për ta vrarë, duke ia atribuar kërcënimet politikës lokale.
Në shkurt, ai shprehu shqetësim për dhunën dhe trazirat e përsëritura në ngjarje publike në zonën zgjedhore të Kasipul, në Kenian Perëndimore, të cilën ai e përfaqësonte.
“Kur të dëgjoni se jam vrarë, Kasipuli nuk do të jetë më i njëjti. Por e di që nuk do të më vrasin, sepse kam Biblën në telefon dhe një tjetër nën jastëk”, kishte thënë ai në atë kohë.
Të enjten, detektivët e vrasjeve vizituan vendin e ngjarjes, ndërsa Ministri i Brendshëm, Kipchumba Murkomen, deklaroi se hetimet kanë përparuar.
Were po shërbente mandatin e tij të dytë në parlament si anëtar i Lëvizjes Demokratike Portokalli, e udhëhequr nga politikani veteran Raila Odinga.
Në një deklaratë të tij, Odinga e dënoi vrasjen, duke thënë se deputeti u qëllua “pa mëshirë dhe me gjakftohtësi nga një vrasës”.
“Kemi humbur një bir të guximshëm të kësaj toke,” shtoi ai.
Odinga humbi ndaj Presidentit Ruto në zgjedhjet e vitit 2022, dhe i hodhi poshtë rezultatet për shkak të parregullsive të dyshuara.
Që prej atëherë, ai ka arritur një marrëveshje politike me Ruto-n, që ka çuar disa anëtarë të opozitës të bashkohen me kabinetin, në atë që njihet si “qeveria me bazë të gjerë”.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ore e keni mendjen cfar lajm po jepni apo skeni gje te mbushni faqet.