Te fundit
Zjarr i përmasave të frikshme në SHBA, digjen shtëpi dhe evakuohen qindra banorë
19 Tetor 2024, 11:21Bota
TEMA
Një zjarr i shpejtë i ndezur nga erërat e forta dogji dy shtëpi të premten dhe dëmtoi disa të tjera në një lagje kodre në qytetin Oakland, ku rreth 500 njerëz u urdhëruan të evakuoheshin.
Zjarri ra rreth orës 13:30 të së premtes përpara një shtëpie në kodrat Oakland, ndërsa shërbimet e zjarrfikësve mbërritën pasi flakët u përhapën me shpejtësi nga erërat e forta.
Më shumë se 80 zjarrfikës dhe personel nga agjencitë e tjera lokale të zjarrit janë duke punuar në një lagje Oakland Hills për të luftuar zjarrin "i cili lëviz me shpejtësi" dhe është përhapur në 13 hektarë, duke djegur ndërtesa.
Më pak se 10 shtëpi të tjera u dëmtuan nga tymi dhe uji. Raportet fillestare flisnin për numër kontradiktor të strukturave të prekura.
Mediat ndërkombëtare bëjnë të ditur se ende nuk dihet shkaku i zjarrit.
Zjarri ishte afër autostradës 580, e cila lidh zonën e Gjirit të San Franciskos me Kaliforninë qendrore, duke shkaktuar bllokime trafiku, ndërsa njerëzit u përpoqën të largoheshin nga zona dhe tymi shpërtheu mbi qytetin me 440,000 banorë.
Rreth 16,000 konsumatorë ishin pa energji elektrike të premten pasi Pacific Gas and Electric mbylli energjinë në 19 qarqe në pjesët veriore dhe qendrore të shtetit.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Temperturat kur "ra" zjarri ishin normale apo te ulta, pervec dores se njeriut nuk mund te kete shkak tjeter.
Zjarr e tym kishte por jo i permasave te medha, si mund te quash nje gje te tille me nje zjarr ne 13 ha e ku ne Kaliforni qe kur bien zjarret djegin edhe 20 mije hakra e lagje te tera me shtepi mbi 500 te tilla e me rradhe.