Te fundit
Xhevdet Mustafa, e vërteta e zbarkimit të përgjakshëm të vitit 1982 rrëfyer përmes dokumenteve të Sigurimit të Shtetit
8 Mars 2025, 09:33Dossier
TEMA
Nga Ferdinand Dervishi*
Natën e 25 shtatorit të vitit 1982, një skaf i vogël, i nisur nga brigjet e Italisë, zbriti në bregdetin e Divjakës një grup njerëzish të armatosur, që në pamje të parë drejtohej nga Xhevdet Mustafa një i arratisur në Shtetet e Bashkuara të Amerikës.
Qëllimi, sipas burimeve të kohës, ishte eleminimi fizik i diktatorit komunist, Enver Hoxha.
Ngjarja e pazakontë mobilizoi një shtet të tërë për asgjësimin e asaj që u konsiderua një “bandë terroriste”. Forca të shumta policore, ushtarake, e vullnetare rrethuan zonën, fotografia e Xhevdet Mustafës, u shpërnda pa kursim nga oficerët e Shërbimit Sekret të quajtur Sigurimi i Shtetit.
Një ditë më pas, rreth 20 kilometër më tej, në stacionin e trenit të Rrogozhinës, tre anëtarët e grupit të armatosur bien në përpjekje me policinë dhe pak kohë më pas neutralizohen.
Nga kjo kohë kanë kaluar vite e dekada, janë emetuar në media versione të ngjarjes, janë intervistuar dëshmitarë dhe paraqitur dokumente. Por, qëllimi i vërtetë të kësaj ndërmarrjeje vetëvrasëse, në asnjë rast nuk është zbardhur në formë përfundimtare.
Gjatë kohës së komunizmit, publikut ju servir versioni që thoshte se ata kishin ardhur të kryenin akte terroriste dhe se qëllimi final ishte eleminimi i udhëheqësit Enver Hoxha.
Po kështu, gjatë komunizmit, u tha se banda ishte investim i amerikanëve dhe jugosllavëve e të tjera të ngjashme.
Madje, pak kohë më pas, i arrestuari i vetëm i grupit, Halit Bajrami, do të përdorej për të rënduar në gjyq situatën e ish - ministrit të Mbrojtjes Hadri Hazbiu. Por çfarë thonë dokumentet e kohës për këtë ngjarje?
Cila është e vërteta e ardhjes së kësaj bande, për llogari të kujt u nis në Shqipëri dhe cilat ishin detyrat? Thënë të vërtetën, organizimi i këtij grupimi, për të depërtuar në territorin shqiptar, është ndjekur qysh në fillesat e tij nga policia politike e Enver Hoxhës, e njohur si Sigurimi i Shtetit.
Madje dokumentet e para të Sigurimit të Shtetit, që vërtetojnë se grupi i Xhevdet Mustafës po ndiqej me kujdes, sipas këtij informacioni të Drejtorisë së Parë, janë të 7-8 muajve para ngjarjes, nisur nga prilli 1982. Lënda e materialit janë masat që duhen marrë për zbulimin, prevenimin dhe goditjen e veprimtarisë terroriste të disa të arratisurve.
“Nga të dhënat e Drejtorisë së 3 rezulton se i arratisuri Xhevdet Mustafa nga rethi i Durrësit, që njihet si pjesëmarrës aktiv i organizatës reaksionare të Legalitetit të kryesuar nga Leka Zogu, ka ardhur nga Amerika në Romë dhe në bashkëpunim me të arratisurit Sabaudin Haznedari e Mentor Çoku – krerë të emigracionit reaksionar jashtë shtetit dhe që u shërbejnë si zbulimit italian dhe atij jugosllav – po interesohen të blejnë armë e pajisje të tjera për të kryer akte terroriste e diversioniste kundër vendit tonë”.
Ndërsa sipas këtij punimi të Mëno Dedajt – një zyrtari të lartë të Sigurimit të Shtetit, i arratisuri Xhevdet Mustafa fillimisht nuk është marrë me veprimtari kundër regjimit komunist të Tiranës.
Duhet veçuar fakti se informacionet e Mëno Dedajt për Xhevdet Mustafën, konsiderohen të besueshme nga njohës të historisë së Sigurimit të Shtetit. Kjo sepse, në të njëjtën periudhë kohore, Mëno Dedaj ka qenë i dërguar i Sigurimit të Shtetit në Nju Jork, i atashuar pranë misionit të Shqipërisë në Organizatën e Kombeve të Bashkuara.
“Gjatë periudhës që jetonte në Amerikë, Xhevdeti njihej nga ana jonë – Sigurimi i Shtetit. Në Informacione të disponuara shënjohej si kontrabandist e përdorues droge; survejohej nga FBI-ja . Ai ishte arratisur nga atdheu në vitin 1964. Formoi andej familje, banonte në Nju Jork. E reklamonte veten admirues të Leka Zogut. Bashkëpunonte me disa shqiptarë të ardhur nga trojet tona etnike në Jugosllavi. Nuk spikaste për propagandë kundër vendit tonë; në organizimet politike nuk qasej. Në Shqipëri kishte pjesën tjetër të familjes dhe të afërm”.
Sipas Mëno Dedajt, Xhevdet Mustafa ndryshon mentalitet dhe hidhet në veprimtari antikomuniste, pasi arrestohet nga policia amerikane për posedim apo trafik droge dhe pas dyshimeve se kishte rënë në vorbullën e spiunazhit jugosllav.
“Ngaqë u zhyt në ujëra të ndyra ku as dinte, as mundej të notonte, me kohë qëllimi i Xhevdetit u ngjyros me politikë antishqiptare. Ramë në gjurmë të kontakteve të tij të vazhdueshme me punonjës të misionit jugosllav pranë OKB-së.
U sigurua informata e besueshme për shoqërinë e këndshme që i falte një emisare e UDB-së e ardhur nga Jugosllavia, kohët e fundit dukej me të në Nju Jork, shëtisnin dhe nëpër qytete të ndryshme amerikane. Njësia e organit informative në Nju Jork sipas një plani të posaçëm e të detajuar ngjeshi skemën e kontrollimit me përparësi mbi kësi lloj lidhjesh”.
Në këtë periudhë kohore, për habi, Sigurimi i Shtetit arrin të grumbullojë një numër faktesh të rëndësishme lidhur me veprimtarinë e Xhevdet Mustafës. Mësohet se ai ka nisur të ushtrohet me pistoletë në një poligon privat, por më interesante janë të dhënat për pajisjen me një pasaportë amerikane false.
“Duke gjurmuar pa ndërprerje Xhevdet Mustafën, dikush zbuloi dhe na dërgoi haber se ky individ u pajis me pasaportë amerikane me emër të rremë Basri Lula, i panjohur për ne. Ju kushtua vëmendje e duhur një dëshmie si kjo.
Me anën e njohjeve tona... dhe nëpërmjet një përpunimi intensiv, i ramë në të se kush e ku, në ç’zyrë kundrejt 5200 dollarëve ia përgatitën pasaportën e falsifikuar”. Po sipas librit të Mëno Dedajt, fakti i pajisjes së Xhevdet Mustafës më pasaportë false, kishte vënë në lëvizje Sigurimin e Shtetit.
Më tepër njerëz ishin vënë në gjurmë të tij dhe ishte vërtetuar një udhëtim në Zelandën e Re ku Xhevdeti ishte takuar me një shqiptar të arratisur për shkak të regjimit komunist. Më tej, me alarm të shtuar, ishte monitoruar edhe udhëtimi i tij në Belgjikë. në shoqërinë e së njëjtës femër, të dyshuar si agjente e UDB-së.
Mbërritja e Xhevdet Mustafës në Europë shkakton alarm te njerëzit e Sigurimit të Shtetit. Dedaj shkruan se në këtë pikë, Sigurimi i Shtetit ndryshoi mënyrën e veprimit. Sipas tij, për të ndjekur nga pas veprimet e Xhevdet Mustafës “u zgjodhën dhe caktuan disa nga kuadrot më të zotë e më të përgatitur”.
Pas Belgjikës, Sigurimi i Shtetit, mëson lëvizjen e Xhevdet Mustafës drejt Italisë.
“Gjatë lëvizjes së Xhevdetit në Europë, u konstatua që sapo u shkëput prej shoqërueses udëbëiste, fluturoi drejt Italisë. Atje, në Romë, pikërisht, komunikoi me Sabaudin Haznedarin. Ja njihnim aktivitetin armiqësor, bashkëpunimin intensiv me UDB-në për trajtimin e bandës së Avdyl Banushit në mesin e viteve ’70, ndonëse, pas goditjes së Avdylit, nuk guxoi më të shfaqte shenja agresiviteti kundër vendit tonë. Mëgjithatë prej kohësh na tërhiqnin vëmendjen sidomos lidhjet e dyshimta që ky njeri mbante në Romë me njërin nga sekretarët e Ambasadës Jugosllave - Peter Palviç”.
Sabaudin Haznedari ishte një shqiptar i arratisur për shkak të komunizmit, i cili jetonte në Itali. Madje, sipas Dedajt, kreu i grupit të emërtuar si i Xhevdet Mustafës, që zbarkoi në brigjet shqiptare në shtator 1982, ishte Sabaudini dhe jo Xhevdeti.
Sabaudin Haznedari ishte i njohur dhe skeduar nga Sigurimi i Shtetit, sidomos pas aktit terrorist të datës 20 maj 1974, kur ai, së bashku me Avdyl Banushin, i vendosën lëndë eksplozive me veprim të vonuar ndërtesës së Ambasadës së Shqipërisë në Romë.
Në Itali grupit i bashkohen edhe dy shqiptarë të tjerë të arratisur, të cilët jetonin në Zelandën e Re. Njëri prej tyre, pikërisht Halit Bajrami, ishte lidhje e Sigurimit të Shtetit. Që të justifikonin përgatitjet apo operacionin që po organizonin, përballë dëshmitarëve të rastësishëm apo qoftë autoriteteve italiane, Xhevdet Mustafa e Sabaudin Haznedari hapin fjalë se e gjitha kishte lidhje me një thesar floriri.
“Duke ndjekur grumbullimet e lëvizjet e tyre në Itali, marrim vesh se ata po përpiqen të pajisen me armatim si dhe po orvaten të gjejnë një skaf me skafistë... Në Itali morëm përsëri të dhënën se grupi do të vinte në Shqipëri “për të marrë një sasi floriri të fshehur diku midis Tiranë dhe Durrësit. Por nga Nju Jorku informacioni vinte jo kaq i verdhë e kaq delikat: Do vinte në Shqipëri me një detyrë speciale për të takuar një person të rëndësishëm dhe do të strehohej në një bazë në Bllok, ose afërsi të tij”.
I frikësuar nga këto informacione, Sigurimi i Shtetit nxiton të futet në lidhje me Mafian italiane, me të cilën prej gati 10 vitesh bashkëpunonte në kontrabandën e cigareve MARLBORO të prodhimit amerikan. Sigurimi i Shtetit ishte i bindur Xhevdet Mustafa e të tjerët, do të përpiqeshin të shfytëzonin së pari këtë linjë komunikimi.
Pra pritej që ata të paguanin një nga mjetet e zakonshme të kontrabandës së Marlboros, ose së paku të joshnin një nga skafistët italianë të specializuar me udhëtimet në drejtim të brigjeve shqiptare.
“U shfaq një detyrë tjetër; të mbaheshin në vëzhgim të pandërprerë skafistët e kontrabandës së duhanit. U kërkuam kapove të tyre që me lëvizjet në det, për asnjë arsye të mos dilnin jashtë kuadratit të përcaktuar. U lejohej futja në radë në një korridor të caktuar me kusht të qendrohej vetëm pranë anijeve bazë. Nga organi i Zbulimit duke bashkërenduar veprimet me drejtuesit e kompanisë ALBTRANS u takuan personat përgjegjës dhe bashkërisht me ta u vendos; për të gjithë skafistët që do të vinin në këtë periudhë, të na dorëzohej më parë lista me emrat e tyre”.
Në të njëjtën periudhë, të gjithë drejtuesit e Flotës Ushtarake-Detare të kohës, si dhe të gjithë krerët e policisë së qyteteve bregdetare, u lajmëruan për një zbarkim të mundshëm që në atë kohë quhej “diversionist”.
Fotografia e Xhevdet Mustafës u shumëfishua dhe ju shpërnda personave më të besuar. Njëkohësisht roja bregdetare, që në këtë kohë kryhej nga flota ushtrake, përmes katerave silurues, u njoftua për mundësinë e një zbarkimi divesionist dhe u instriktua të mos ishte tolerante. Situata e acaruar, do të shkaktonte viktimën e parë, pikërisht nga ky kontigjent - mes skafistëve italianë të kontrabandës së Marlboros.
Më 25 korrik 1982, një kater silurues i bazës së Vlorës, hapi zjarr mbi një skaf të kontrandës së cigareve që nuk ju bind shenjave për të ndaluar. Ngjarja ndodhi në afërsi të gjirit të Gramës, në Karaburun. Drejtuesi i skafit, i quajtur Gilberto Moreti, humbi jetën. Ushtarakët shqiptarë, protagonistë të kësaj ngjarjeje, e kanë pohuar se gjithçka ndodhi për shkak të gatishmërisë dhe urdhrave striktë të dhënë për shkak të frikës së zbarkimit të Xhevdet Mustafës.
Ndërkohë Sigurimi i Shtetit arrin ta kontaktojë Halit Bajramin gjatë kohës që grupi gjendej në Romë. Atij ju morën informacione për qëllimet e grupit dhe u instruktua se si duhet të vepronte në vazhdim. Sipas një tjetër dokumenti të prillit 1982, për planet e Xhevdet Mustafës, Sigurimi i Shtetit kishte mbledhur të dhëna edhe nga të tjera burime.
“Nga të dhënat rezulton gjithashtu se në një firmë italiane që merret me tregtinë e anijeve është bërë porosia për ndërtimin e një anijeje të vogël, por shumë të shpejtë, e cila është e destinuar për tu nisur në Shqipëri. Ka shumë mundësi që kjo anije e porositur të jetë e lidhur me misionin që kërkon të kryejë i arratisuri Xhevdet Mustafa me grupin e tij terroristo-diversionit. Kjo argumentohet edhe me shprehjet e bëra nga vetë Xhevdeti ditët e para të prillit se: ”Do të shikoni se kush do të jem unë pas 2-3 muajsh!”
Nisjen për në Shqipëri do ta bajë nga Bari.
Më 22 korrik 1982, Ministria e Brendshme, saktësisht Drejtoria e Sigurimit të Shtetit, lëshon një udhëzim sekret për të gjitha degët e Punëve të Brendshme, duke paralajmëruar rrezikun e zbarkimit të Xhevdet Mustafës.
“Sipas të dhënave të zbulimit i arratisuri Xhevdet Mustafa nga Durrësi, element me aktivitet armiqësor aktual, përgatitet që së bashku me një grup të hyjnë ilegalisht në vendin tonë. Aktualisht qarkullon nëpër Europë me pasaportë false me emrin Basri Lula. Pas numrit të pasaportës ka një gërmë A.
...I përmenduri kërkon me çdo kusht të hyjë diversant në vendin tonë, prandaj është e nevojshme që mbi këtë bazë të forcohen masat e kontrollit në të gjitha Postat e kalimit Kufitar dhe sidomos gjallërimin e kërkimit. Kujdes ti kushtohet edhe kontrollit ndaj grupeve turistike...”
Por edhe pse Sigurimi i Shtetit kishte përdorur të gjitha mundësitë që të pengonte zbarkimin në Shqipëri të Xhevdet Mustafës dhe grupit të tij, edhe pse ishin bërë marrëveshje me mafian italiane, me të cilën shteti shqiptar organizonte prej vitesh kontarbandën e cigareve MARLBORO të prodhimit amerikan, udhëtimi u realizua.
Sipas Mëno Dedajt, atë e mundësoi UDB-ja apo shërbimi sekret jugosllav. Ish-oficeri i Sigurimit të Shtetit ka shpjeguar edhe enigmën se përse ata zbarkuan në Divjakë dhe jo në Golem të Durrësit, siç kishin planifikuar.
“Devijimi 60 kilometra më në jug të Durrësit erdhi sa për arsye të mosnjohjes mirë të terrenit nga skafistët, aq edhe për t’ju shmangur rënies në kurth; ndoshta edhe dyshuan te anijet tona të patrullimit në ujërat pranë kufirit shtetëror. Grupi terrorist e quante se bregdeti ku zbarkuan nuk kontrollohej. Gjykoi gabim!”
Xhevdet Mustafa, Sabaudin Haznedari dhe Halit Bajrami zbarkuan natën e 25 shtatorit 1982 në bregdetin e Divjakës. Duke kujtuar se e kishte kryer detyrën e vet, skafisti italian u largua pa humbur kohë. Porse, kur zbardhi dita, pjestarët e grupit e kuptuan se gjendeshin në një ishull rëre dhe se, për të shkuar deri në breg, u duhej me patjetër një tjetër mjet lundrues.
Diku para drekës, ata bien në kontakt me dy oficerë të policisë kufitare, Ëngjëll Agalliun dhe Sazan Zekën, të cilët po peshkonin në afërsi. Xhevdet Mustafa i vret pa asnjë paralajmërim.
“E pavëmendshme, patrulla as që kërkoi së paku identifikimin e tyre, mbasi i konsideroi peshkatarë. Edhe Xhevdet Mustafa, duke u paraqitur si peshkatar, i thirri patrullës dhe i “lypi ndihmë”, se gjasme ngecën të izoluar nga zbatica. Sapo u afrua motoskafi, sa nga frika e kapjes së bandës, aq edhe nën efektin e drogës, Xhevdeti vrau dy nga punonjësit e policisë”.
Pak kohë më pas, Xhevdeti dhe dy të tjerët, shohin që drejt tyre po afrohej një varkë me motorr. Sipër shquhej një tjetër oficer policie si dhe një civil. Sërish Xhevdet Mustafa qëllon pa asnjë mëdyshje mbi njeriun e veshur me uniformë ushtarake, ndërsa kursen njeriun e veshur me rroba civile, pa e mësuar kurrë se edhe ai ishte një punonjës policie.
Polici që edhe sot është shëndoshë e mirë dhe që quhet Sokrat Biti, atë ditë, fatmirësisht e kishte lënë uniformën në postë. Ja si e ka rrëfyer ai këtë pjesë të historisë përpara hetuesit Dilaver Bengasi.
“Në thellësi pamë dy vetë para dhe një rreth 100 metër mbas tyre, që po vinin drejt nesh dhe dy të parët na i bënë me dorë. Nëve zbritëm dhe kur ju afruam njëri-tjetrit, njëri prej tyre na tha të dorëzoheshim dhe nxorri automatikun para. Remziu futi dorën në brez për të nxjerrë pistoletën, por ai më i riu papritur shtiu me breshëri automatiku pa zë dhe Remziu ra i vdekur përtokë. Unë menjëherë u ula në gjunjë duke venë duart në kokë dhe thashë: Aman mos më vrisni se unë fshatar, punëtor jam!” Dhe ai i riu më tha: Hip në varkë dhe na nxirr nga ky vend në drejtim të atij hoteli. Në fakt ishte kampi i punëtorëve.”
Grupi i armatosur i drejtuar nga Xhevdet Mustafa e përdor civilin, të cilit i kurseu jetën, për të mos gabuar udhëtimin drejt Tiranës. Madje ata i ngarkojnë atij mbi shpatulla edhe një çantë të rëndë me armë e sende të tjera. Në pyllin e Divjakës, Xhevdet Mustafa vret edhe një punëtor të pyjores, që quhej Vlash Përboti dhe që kaloi pranë tyre me këtë biçikletë.
”Atje ai më i riu, që na kanoste gjithmonë për vrasje, mbasi i tha NDALO një djali me biçikletë, që kaloi aty pranë dhe ai nuk ndaloi, ai e kapi për biçiklete dhe unë dëgjova tre të shtëna të pistoletës dhe ai e vrau. Kjo ndodhi në ora 18:00 të datës 25 shtator 1982 dhe në datën 26 shtator kur shkova me shokët e policisë për t’jua treguar rrugën e kalimit, unë e gjeta të vrarin që ishte Vlash Përboti”.
Mes datave 25 dhe 26 shtator 1982 grupi udhëton për gjithë natën në këmbë paralel me rrugën automobilistike që lidh Divjakën me Rrogozhinën. Për habi, edhe pse pas kishin lënë 4 të vrarë, tre oficerë policie dhe një civil, askush nuk i pengon.
Sa duket kufomat ende nuk ishin gjetur për shkakun se gjendeshin larg zonave të frekuentuara nga njerëz të rastësishëm.
“...Më thanë ti çoja në drejtim të Rrogozhinës sepse më thanë që do të shkonin në Tiranë. Gjatë rrugës më thoshtë ai më i riu: Kalo përpara se kemi ardhur për të shpëtuar popullin që po e bëjnë të vuajë. Po ashtu, më pyeste ai më i riu: si është udhëheqësi kryesor, a është i sëmurë? Mehmet Shehun e vranë vetë këta të udhëheqjes dhe jo sikur thonë në gazetë – “vrau veten”.
Grupi kalon përmes qytezës së Rrogozhinës dhe mbërrin pa u pikasur në stacionin e trenit. Ata fshehin çantën me armë në një bunker ende të pamontuar dhe përzihen me udhëtarët. Më hollësisht këtë pjesë të historisë, Sokrat Biti, polici i marrë peng nga Xhevdet Mustafa, e ka rrëfyer në të vetmen dëshmi të tij, dhënë një gazete të përditshme.
“Diçka folën mes tyre dhe pashë dy të tjerët, Sabaudinin dhe Halit Bajramin të nisen me pamje të shpenguar drejt hyrjes së stacionit të trenit duke marrë me vete vetëm pistoletat, që i fshehën nën rroba. Ndërsa Xhevdeti nuk lëvizi nga vendi. Kuptohet që unë mbeta pranë tij, sepse ende i kishim duart të lidhura me tel.
Kaluan pak minuta, kur pamë Sabaudinin të dilte me vrik nga dera kryesore e stacionit dhe të drejtohej aty ku po rrinim ne.
Sabaudini dhe Haliti, kishin rënë në sy të një shitëseje byrekësh, pasi i kishin lënë 50 lekë bakshish. Menjëherë shitësja, kishte lajmëruar policin e stacionit, duke i shpjeguar se si dy të dyshimtë, që flisnin një shqipe të rëndë, i kishin lënë bakshish një shumë të madhe, se ata ishin të veshur me rroba të prodhimit të huaj, etj. Polici u ishte afruar të dyve, duke u kërkuar pasaportat, ndërkohë Haznedari, ishte larguar duke shpjeguar se duhet të shkonte jashtë lokalit, që t’i merrte letërnjoftimet, tek çanta”.
Ndërkohë plas pushka. Polici u kishte bërë me shenjë një grupi të armatosur forcash vullnetare, të cilët vënë në shënjestër Sabaudin Haznedarin e pozicionuar te bunkerët. Edhe pse përgjigjet me breshëri automatiku, Sabaudin Haznedarin e braktis shpejt fati. Një plumb e kap në kokë, pa i dhënë mundësinë që të merrte me vete, ndonjë të pafajshëm tjetër.
Ndërkohë Xhevdet Mustafa arratiset. Nën kërcënimin e pistoletës ai detyron shoferët e dy makinave të ndryshme ta çojnë në drejtim të Lushnjes. Dikur vendos të mbyllet në një shtëpi të fshatit Zhamë, rreth 4 kilometër në jug të Rrogozhinës. Muharrem Berberi, në atë kohë një nga të rinjtë e shkathët të fshatit Zhamë, bëhet dëshmitari më interesant i vijimit të historisë.
Duke e kuptuar se diçka e madhe ishte duke ndodhur, Muharremi kishte ndjekur me vrap nga pas mjetet e trupat e ushtrisë, që i drejtoheshin vreshtit të fshatit, në afërsi të të cilit gjendej banesa ku ishte ngujuar Xhevdet Mustafa.
“Deri në këtë kohë Xhevdet Mustafa kishte qëlluar dhe vrarë të zotin e shtëpisë, Mersin Sulën, që ishte duke zier rakinë në bahçe. Pak minuta më pas, Mustafa, me një plumb të vetëm kishte vrarë edhe një oficer ushtrie, Tomorr Zykajn, i cili i ishte afruar shtëpisë me një tricikël, përmes një rruge të vreshtit. Në brendësi gjendeshin vetëm Xhevdet Mustafa dhe pesë fëmijët e mitur të familjes, pasi e ëma e tyre ende nuk ishte kthyer nga puna në fermë.”
Me të mbërritur, Muharremi kërkon të bëjë protagonistin. I kërkon një armë një oficeri ushtrie duke i thënë se do të futej nën çatinë e shtëpisë me qëllim që të vriste diversantin. Për habi, oficeri ja plotëson dëshirën.
Muharremi arrin të heqë disa tjegulla dhe të futet në tavan.
“Ishte i frikshëm. Dukej sikur ishte dy metra i gjatë, i fuqishëm, veshur sipër me një bluzë të zezë të thjeshtë prej pambuku dhe i armatosur vetëm me një pistoletë me silenciator. Kishte zhvendosur një bufe në drejtim të derës duke e pozicionuar diagonalisht, pra pa e bllokuar krejtësisht atë… Qendronte në mes të dhomës, i rrethuar nga pesë fëmijët, më i vogli prej të cilëve nuk kishte mbushur as dy vjeç. Ndërkohë nga jashtë kishin nisur tratativat për të mundësuar lirimin e fëmijëve. “Dikur Xhevdeti pranoi t’ia dorëzonte, vetëm nënës, dy nga fëmijët, më të voglin në moshë si dhe një nga vajzat, e cila ishte plagosur në këmbë. Nga një tjetër pozicion pashë nënën e fëmijëve, Sheje Sulën, të afrohej dhe më tej edhe dy fëmijët t’i bashkoheshin. Më pas, mësova se një polic i kishte dhënë gruas, para se të futej në banesë, një pistoletë të mbushur, por ajo kishte refuzuar.”
Sipas rrëfimit të Muharremit, dikur, mes zërave që negocionin për lirimin e fëmijëve, ishte dëgjuar edhe zëri i Ministrit Mbrojtjes, Kadri Hazbiu.
Xhevdeti e pyet se kush ishte dhe pasi merr përgjigjjen, reagon me fjalët: Ku je o mace e zezë!
Ndërkohë Xhevdet Mustafa e zbulon njeriun që e vëzhgonte përmes një vrime në tavan.
“Pas lirimit të dy prej fëmijëve, dëgjova Xhevdetin të thoshte: Shikoni, ai që është në tavan nuk është shqiptar, por anglez. Kur ta shihni, më thoni. Dhe sa herë që unë vija syrin në vrimë, fëmijët i tregonin: jaaa ku është! Britma shoqërohej me një tjetër vrimë në tavan, të bërë nga pistoleta pa zhurmë e Mustafës. Por unë, sapo fëmijët më vinin re, largohesha në një tjetër kënd të tavanit. Xhevdeti më qëlloi vetëm tre herë, sa duket kursente municionet. Unë vetë nuk qëllova pasi kishte frikë se mos lëndoja fëmijët.”
Përkundër shumë versioneve, Muharrem Berberi, djaloshi nga Zhama që ndiqte lëvizjet e Xhevdet Mustafës në shtëpinë ku ishte ngujuar dhe bënte rezistencë, dëshmon me bindje të plotë se ai kreu vetëvrasje. Sipas tij, Xhevdeti zgjodhi këtë fund vetëm kur pa se nuk kishte asnjë mundësi për të ti shpëtuar rrethimit.
“Pas pak çastesh blinda goditi me trupin e vet dhe rrëzon cepin e banesës. Në të njëjtën kohë pashë vëllanë e të zotit të shtëpisë të shqyente më një bajonetë derën e hyrjes. Situata u rëndua. Zgjata vështrimin në vrimën e tavanit dhe pashë Xhevdetin të rrëzonte bufenë që kishte vendosur diagonalisht në anën e derës. Kur ajo ende nuk kishte lëshuar zhurmën e rrëzimit, ai drejtoi pistoletën drejt kokës dhe ja hoqi vetes”.
Faktin se Xhevdet Mustafa kishte vrarë veten u mbajt i fshehtë nga regjimi komunist i Enver Hoxhës. Në këtë kohë regjimit i interesonte që populli të besonte se Xhevdet Mustafa ishte ekzekutuar nga ushtria apo policia, siç edhe u kujdesën ta bënin.
Gjithçka ishte në funksion të propagandës. Për popullin u manipulua madje edhe njoftimi që u lexua në televizionin e vetëm, atë shterëror, ku thuhej se “terroristët nuk arritën të shihnin lindjen e diellit shqiptar, qoftë për një ditë të vetme”.
Për habi mjekësia ligjore nuk ka falsifikuar asgjë, edhe pse fakti që Xhevdet Mustafa ka vrarë veten është shkruar si të ishte detaj pa ndonjë rëndësi, diku nga mesi i akt-ekspertizës zyrtare që përfund mban emrin e ekspertit mjeko-ligjor, Fatos Harito.
“Në trupin e Bastri Lulës janë bërë gjashtë qitje, prej të cilave: A) plaga me vrimë hyrjeje në tëmthin e djathtë dhe vrimë daljeje në tëmthin e majtë është shkaktuar në distancë të afërt – brenda veprimit të faktorëve plotësues dhe me drejtim nga e djathta në të majtë:”
Por edhe fotografia e kufomës së Xhevdet Mustafës e dëshmon vetvrasjen. Plaga në tëmthin e tij të djathtë ka të gjitha karakteristikat e një qitjeje me puqitje. Ndërkohë interesante paraqitet edhe akt-ekspertiza zyrtare për shkakun e vdekjes së Sabaudin Haznedarit. Mes të tjerave, ajo vërteton se ai ka humbur jetën nga një predhë e gjuajtur nga larg.
“Dëmtimet e sipërme janë shkaktuar nga tri qitje me armë zjarri...
...Distanca e qitjes, në bazë të kqyrjes së teshave dhe të mungesës së faktorëve plotësues të qitjes për rreth vrimave të hyrjes, ka qenë e largët”.
Pesë ditë më pas, më 30 shtator 1982, kufomat e Xhevdet Mustafës dhe Sabaudin Haznedarit janë varrosur në një vend të panjohur. Mes dokumenteve për ngjarjen, interesnte paraqiten edhe procesverbalet e sendeve të kapura.
Kështu, mes të tjerave, në stacionin e trenit të Rrogozhinës, grupi i Xhevdet Mustafës kanë pasur me vete edhe 3 automatikë STEN MK3 të prodhimit britanik, të çmontuar, dy pistoleta BRAUNING 9 milimetërshe të prodhimit amerikan, një kamera të formatit të vogël, e të tjera.
Vite me pas, automatikët e vegjël britanikë të tipit STEN, që u kapën në këtë ngjarje, u çmontuan dhe kopjuan për të krijuar një armë hibride, që është quajtur rëndom kopje e automatikut të Xhevdet Mustafës.
Pas ngjarjes, drejtuesit e shtetit komunist shqiptar duket se kanë qenë tepër kuriozë për jehonën ndërkombëtare të saj. Pikërisht në këtë periudhë rezulton që ata të kenë përgjuar pothuaj të gjithë diplomatët e huaj të atashuar në Tiranë.
Mes të tjerave, interesant paraqitet zbardhja e një përgjimi të datës 30 shtator 1982, mes dy diplomatëve grekë, të cilët duket se kanë informacione të sakta për ngjarjen.
“Në përgjigje ambasadori grek tha: Këtu ka diçka të re, por me rëndësi është fakti se shqiptarët e prisnin këtë bandë, çka do të thotë se ata ishin të tradhtuar. Në qoftë se do të jetë e vërtetë, se në dërgimin e këtyre bandave ka dorë Italia në bashkëpunim me amerikanët, atëherë marrëdhëniet Itali-Shqipëri marin një drejtim tjetër”.
Po sipas përgjimeve, italianët janë shfaqur gjakftohtë. Bindja krijohet nga përgjigjja që, ambasadori Françesko Xhentile, i ka dhënë një gazetari italian në datën 20 tetor 1982.
“Italia është një vend i lirë dhe kushdo mund të marrë një varkë e të shkojë ku të dojë, pa u kontrolluar nga organet tona”.
Në vijim, në një tjetër përgjim të datës 20 tetor 1982, Sigurimi i Shtetit ka quajtur të rëndësishme edhe bisedën e sekretarit të parë të ambasadës greke, Nikolla Krisogjellos:
“Kam lexuar një intervistë të Leka Zogut, ku thuhet se këta janë trimat e tij që kanë zbarkuar me iniciativë në bregdetin shqiptar, por ai vetë nuk ka qenë dakord. Banditët me këtë veprim treguan një provë ndaj Leka Zogut”.
Gati një vit më pas, në korrik 1983, Halit Bajrami, i infiltruari i Sigurimit të Shtetit në grupin e Xhevdet Mustafës, do të përdorej si dëshmitar i rremë në gjyqin ndaj ish-ministrit të Mbrojtjes, Kadri Hazbiu.
Edhe pse pa ndonjë peshë të madhe në vendimin e gjykatës, dëshmia e tij do të ishte lajmi i fundit i lidhur me ngjarjen e bujshme të shtatorit 1982.
Më tej, për shumë kohë dhe për shumëkënd, ngjarja do të mbeste pa kokë dhe pa kuptim, pasi versioni, “se erdhën në Shqipërinë e rrethuar me tela me gjemba për të eleminuar Enver Hoxhën”, ishte dhe mbeti i pabesueshëm.
Vetë Leka Zogu, i konsideruar si Mbreti i Shqiptarëve në mërgim, në intervsitat për mediat e huaja, i ishte larguar autorësisë. Në një shkrim të United Press International, të publikuar në Johanesburg të Afrikës së Jugut, në datën 29 shtator 1982, pra vetëm 3 ditë pas ngjarjes, ai ishte shfaqur i mërzitur, në thonjza, për puçin e dështuar të shtetit për të rrëzuar regjimin komunist të Enver Hoxhës.
Sipas gazetarit Richard Roy, Leka i kishte thënë gazetës franceze “SOIR” se lideri komandove, i identifikuar nga autoritetet shqiptare, pas zbarkimit të penguar si Xhevdet Mustafa, ishte një nga mbështetësit e tij.
“Përgjegjës për një grup luftëtarësh që i përkisnin Ushtrisë sonë të Çlirimit Kombëtar”, tha Leka, “ai organizoi një operacion që neve na u duk tërësisht vetëvrasës, prandaj ne kërkuam ta shtynte, në mos ta anulonte fare”.
Pra, edhe vetë Mbreti Leka dhe njerëzit që e këshillonin, e dinin se çdo lloj misioni i ngjashëm, në drejtim të Shqipërisë së izoluar, do të ishte vetëvrasës dhe kjo e bën edhe më tepër enigmamike ngjarjen.
Po atëherë përse u ndërmorr ky mision vetëvrasës? Gjithçka duket se ka lidhje me Xhevdet Mustafën dhe marrdhëniet e tij me ligjin në Shtetet e Bashkuara të Amerikës.
Sa duket, i ndjekur nga pas nga drejtësia amerikane për trafik apo shpërndarje narkotikësh, ai kërkon të rregullojë biografinë përmes kryerjes së një akti të bujshëm patriotik. Më tej ka edhe detaje që nuk duhen nënvleftësuar që thonë se ai mund të jetë mbështetur e shtyrë në aventurën e tij nga shërbimi sekret Jugosllav - UDB.
Përpara zbarkimit në brigjet shqiptare, këtë thotë edhe dëshira e Xhevdet Mustafës për t’ju mburrur shqiptarëve që takonte nëpër Europë: “Do të më shikoni se kush do të jem unë pas 2-3 muajësh!”. Në fakt, edhe pse në një aventurë të palogjikshme, edhe pse vrasjet e njëpasnjëshme të policëve dhe civilëve, që kreu me dorën e tij, klasifikohen si terrorizëm, Xhevdet Mustafa së paku arriti të linte pas një emër të bujshëm.
Shkrimtari amerikan Thomas Mateo, në një libër me titullin “Staten Island”, ku sjell biografinë e disa prej njerëzve më të famshëm që kanë jetuar në këtë pjesë të Nju Jorkut, ka përfshirë edhe atë të shqiptarit kokëkrisur Xhevdet Mustafa. Biografia e Mustafës renditet mes biografive të Henry Longfellou, Donald Trump, Giuseppe Garibaldi, Maksim Gorki e të tjerë.
*Marrë nga emisioni HiStory, në Report TV
25 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Vazhdoni ti bini legenit në mënyrë shumë të mërzitshme!!! Bath, bath një kokërr! Sa ishte gjalle Enver Hoxha askush nuk arriti tja merte pushtetin. As bëheshe fjalë për lëvizje politike. Por edhe ordinerët që sot I shikoni me adhurim dhe i quani të “fortë” ju shpëtonin pordhët në brek nga frika po ti shikonte me vëmendje polici. Një pulë po të vidhnin në pulari, jua varnin në qafë dhe i nxirnin fotografi te bodeci! Tani rrini aty e ta gëzoni këtë shtet të degraduar nga korrupsioni dhe indiferentizmi.
Numri i koqeve dhe legeneve shqiptare shtohet nga dita ne dite. Secili prej tyre ben shkrime per t'u dukur dhe per te marre para dhe thuajse te gjithe kendojne te njejten " muzike ", muziken e genjeshtrave, mashtrimeve dhe turpit. Vini re kete gazetarin ketu: Gjithkund shprehet se nuk e beson versionin shteteror te atehershem por askund nuk sjell prova pergenjeshtruese. Dhe, jo vetem kaq, por nje kriminel dhe terrorist si Xhevdet Mustafa, trafikant droge dhe i denuar me burg te gjate ne SHBA, i cili vjen dhe vret 5-6 shqiptare te pafajshem, gazetari pa moral Dervishi, si te gjithe dervishet e tjere, na e paraqet si figure te madhe, madje krahas Maksim Gorkit, Donald Trampit etj. Xhevdet Mustafa, ashtu si leka Zogu ( te cilin ky dervishi pa mjekerr na e shet si mbret te shqiptareve, ( ha,ha, haaa ) kane qene thjesht terroriste. leka Zogu dhe kelyshet e tij e kane pohuar se kane organizuar akte terroriste kunder disa ambasadave shqiptare ne bote dhe kishin planifikuar edhe te hidhnin ne ere Aeroportin e Gibonit ne nje rast nese policia e atij vendi do ta arrestonte Leken e gjate dhe mendjelehte per armembajtje pa leje dhe trafiqe armesh. Ndersa Mustafa ka qene thjesht nje horr, te cilin amerikanet e burgosen dhe kur iu nevoit ( si element i besueshem terrorist, si shume te tjere qe i kane perdorur neper bote ) e nxoren nga burgu, e trajnuan dhe e nisen te kryente akte terroriste. Kur, nje dite te hapen sadopak arkivat e huaja apo ndonje agjent i penduar i zbulimeve te huaja te shkruaj ndonje liber, do te merret vesh qarte si e ku dhe kush ishte realisht pas kriminelit Xhevdet Mustafa. Kaq per sot per Dervishin dhe dervishet pa mjekerr e pa nder dhe as moral.
Jo vetem kaq, por ky bythec gazekar na e paraqit Xhevdetin si hero kamikaz, i cili nuk ra ne duart e armikut por vrau veten... duket qe ka lexuar shume histori me partizan, por a mund te krahasohen partizanet me halabaket ordiner. Ferdiu i dervishit qose na Berati do te na behet si ai loqja qe vjedh dokumentet e arkivit te shteti dhe i publikon per te fituar pare. Aq i perkushtuar ky loqe sa qe do na e hyje bashke me llapajn nga mbrap me lepirje (po u be deputet) sa qe dju knaq te tereve. Po ti permendni Xhevdeti edhe do jua marri ne goje. THJESHT PROVINCIAL
Ferdinant ! Ju shkruani,sepse me shkrime fitoni te ardhurat,ne komentojm dhe hedhim dyshime jo per te ardhura monetare por per Shqiperin ton,sepse ne e kemi ndjesi shpirterore dhe morale . Kur dikush te futet ne Shtepi nga Porta dhe jo nga muri rrethues ( sic u fut Xhevdeti) perse nuk hetohet ai qe ju hapi porten ,por krijojn alibi dhe hamendesime ?! Si ka mundesi te zbarkoi Xhevdet Mustafa ne Divjak posht Llokacionit ne Gur te Gomares ?! Ne sa filtra te Sigurimit duhej te kalonte biografia (jo e nje komandanti Poste kufitare) por e Komandantit te zones me strategjike te Shqiperis te kontrollit te detit nga Sazani deri ne Durres ? A ishte Komandant i Llokacionit ne Gur te gomares ku ju zbarkoi Xhevdet Mustafa nje Minoritar Grek (Vangjeli) ,i cili per tu ber anetar Partie ne ate koh mohoi origjinen e tij Greke ?! Nuk kishte objekt te futej ne Shqiperi,pa u kapur nga impulset e Llokacionit ,dhe komikja e kesaj historie esht se Xhevdeti te zbarkoi posht Antenes ( dmth erdhi dhe e hapi deren sepse ishte i sigurt ,dhe nuk i duhej te futej "nga Muri rrethues" )! Radiometristi i raportonte Ministris se Mbrojtjes ne Tiran cdo 20 minuta per objektet qe ndodheshin ne det,dhe si ka mundesi qe nje skaf i thjesht civil ti afrohet ujrave tona , pa u kapur nga valet e Antenes ?!!! Perse i duhej Komandant Vangjelit (Zhaba i thonin me urrejte Marinaret ndermjet tyre) te korruptonte me kryesoret e komandes qendrore ne Durres ?! Te vetmit qe shkonin per kontroll ne Llokacioni e Lushnjes ,ishin dy Oficerat e Sigurimit njeri me origjin nga Fieri dhe tjetri nga Dibra,te dy te futur ne thes dhe te korruptuar nga Vangjeli,i cili pasi merrte radiogramin se do vinin per kontroll,ju bente gati qantat e shpines te mbushura me konserva per ata dhe per Eproret e tjer ne komanden qendrore te Durresit ,dhe keto Canta duhej ti mbanin Marinaret ne shpin (per dy or ) dhe ne kemb nga Remasi deri ne Gradisht tek Treni per te shoqeruar Shefat me duar ne gjepa (viti (1990)! Si ka mundesi pas nje incidenti te ndodhur ne repartin e Gur gomares (sherr ,rrafje ndermjet marinareve) vim perforcime me Oficera nga Komanda e Durresit per te qendruar disa jav derisa situata te normalizohej,i jepet veretje e rend me mas disipinore Vangjelit ( ne ate mbledhje Vangjeli nga tronditja doli jasht dhe filloi te vidhte gjak)dhe pas pak muajsh ky Komandant dergohet me ngritje nga Lushnja ne Komanden e Durresit . Pertej propagandes Mediatike se ne kishim Ushtri.... me falni per shprehjen por un do te thoja se kishim nje M.t , perderisa shikoje te gjith kupolen drejtuese te Marines se Durresit ,(pervec Komandantit Robert Balit,dhe Komisarit te saj te pa korruptueshem) te vraponin si Hienat neper repartet e Komandes me qantat e tyre te shpines per ti mbushur me cfar.... me normen ushqimore te vjedhur nga racioni i Marinareve ! Shqiptari nuk don nje Shqiperi hipotetike per emisione dhe shkrime gazetash,por nje Shqiperi per ne Shqiptaret, ku ta jetojm si token ton e cila nuk nxirret ne ankand,dhe i ofrohet fituesit te tenderit .
Mua me eshte treguar nje muaj para zbarkimit nje foto me ngjyra e Sabaudin Haznedarit dhe ne foto, poshte fotografise, ishte me shkrim dore "Sabaudin Durrësi". Zbulimi shqiptar e kish zbuluar me kohe qellimin e tyre...;
E mo ferdi ngele shume fshatar Sidomos jeni shume mashtrues kur kallzon 21 janarin historine e vrasjeve ne Tropoje shkruan sipas shijes se sali gerdecit.
Na e cave trapin o ferdi Plase mor duke luftu sigurimin e shtetit dhe duke mbrojt terroristet e spiunat e sherbimeve te huaja Po kerkoni mo se kush politikan ka qen spiun i cias apo udb apo dhe asfalis greke Kerko mo kush ka qene spiun ne sherbim te te huajve dhe ka vrar ushtar e oficera te ushtris popullore si dhe polica Cfar do te thuash ti mor hajvan keto banda pas clirimit me vran xhaxhan ne lule te rinis 24 vjec ishte dhe keta kriminela ma vran Dhe pas 1991 keta spiuna moren demshperbim pse vran policat e ushtaret
Te pathenat (por jo te panjohurat) e Ferd Dervishit - Xhevdet Mustafa i "arratisur" ne 1963 dhe familja jetonte rehat ne Durres pa asnje persekucion, madje i vellai i tij ishte deri ne ardhjen e tij ne 1982...Drejtor i Hekurudhes (!) Per ata qe e kane jetuar ate kohe e kuptojne pra se ai fare Xhevdeti ishte nje i Pleher i derguar i Sigurimit te Azbiut jashte e kur mbeti pa honoraret andej, zbarkoi ketej.
Durrsi halo Durrsi... ai sigurim fatekeqe per te gjithe shqiptaret ! ne disa raste per te krijuar halibi qe i ka derguar shteti i sigurimit per tu Aratisur ! nuk i prekte me qellim Familiet e tyre ! qe ne Opinion te krijohej mendimi qe i ka derguar shteti ! ku ne fakte ata ishin Aratisur vete.... dhe jo te derguar nga shteti... normal ka patur raste qe i ka derguar shteti ! si ne rastin e vrasjes te ndjerit Aleksander Konto ! ku deshmitaret tregojne per ata dy vellezerit e Aratisur te derguar nga sigurimi i shtetit ! ngjarja ne Hotel ne Jugosllavi ... ku ishin ne pritje per te shkuar ne USA... Gjithsesi eshte dhimbje per te humburit qe u vrane ne kete ngjarje ! por dhe i ndjeri Xhevdet Mustafa ashtu ju krijua momenti ! gjithsesi i ndjeri Xhevdet Mustafa u tregua i vendosur deri ne fund , nuk pati rrugezgjidhje dhe ja futi vetes.....me Trim dhe me i vendosur ne shume Histori ka qene i ndjeri Avdyl Banushi.... Ai ka qene trim dhe i vendosur .... vetem qe fatekeqesisht nuk pati suksese....edhe ne Burg kure Drejtroi i Sigurimit te shqiperise i afroi lirinine nga Burgu ! ne kembim qe te futej ne loje te dyfishte...Ai u pergjigje : sa here te me nxjeresh nga ketu... une ashtu do te verpoje perseri....tani problem shqiptareve nuk ka mabruar me keto lloje kriminelelsh politikane... qe 33 vite , vrane , urdheruan vrasjet, dogjen nej shqiperi, vodhen te gjithe pasurite e shqiperise... dhe akoma ata Recitojne dhe bejne Analiza ne TV ! kjo eshte habi..... kane humbur Trimat si i ndjeri Avdyl Banushi apo i ndjeri Xhevadte Mustafa.. Dhe ish spiunat e sigurimit nje pjese ,si atehere edhe sote punojne me te gjitha krahet e krimineleve..keni shembull penecilinen Egzemplarin e kriminelit ! e shume te tjere Biznesmene qe jane sote ..... si me Origjine Greke apo shqiptare puro apome origjine Jugosllave..
"I ndjeri Xhevdet Mustafa"...??? Ik more kokekar! Xhevdeti sihte nje kriminel, drogaxhi e vrases ordiner, nje bastard. C'far do misioni te kishte ndermarr, ai Hale vrau njerez te pafajshem, u tregua trim me njerez te pafajshem... Te gjithe ata qe permend ti, pavarshisht se perpiqesh ti nxjerresh si njerez te ndershem dhe "patriot" ishin vrases dhe kriminel ordiner... Te gjithe ne/ata qe e kan perjetuar diktaturen e regjimit komunist e din shume mire se nuk rrezohej regjimi pa le pastaj te behet fjale te vrisnin Dullen, nje band me 3tre apo kater veta, qe eshte nje aventur qesharake.
Tarras lala karin o bytbeqir i vogel. Ti as sa kari xhevdetit sje. Ti qifte xhoda tan te vdekmit
Mire xhepist, por paske qene edhe bythqim. Kaq shume u merke me karin e Xhevdetit, pse vetem ate ke provu???? Xhepistooo, u eksitove sa pe ëmrin Tarras.... por s'Tarras njeri more sumqim se vjen pak era mut dhe shurre. Shko laje brimen me ndonje hale te SHQUP-IT se qe andej ke dale dhe ke shume kurva\baxhella si vetja.
Durrsi halo Durrsi... ai sigurim fatekeqe per te gjithe shqiptaret ! ne disa raste per te krijuar halibi qe i ka derguar shteti i sigurimit per tu Aratisur ! nuk i prekte me qellim Familiet e tyre ! qe ne Opinion te krijohej mendimi qe i ka derguar shteti ! ku ne fakte ata ishin Aratisur vete.... dhe jo te derguar nga shteti... normal ka patur raste qe i ka derguar shteti ! si ne rastin e vrasjes te ndjerit Aleksander Konto ! ku deshmitaret tregojne per ata dy vellezerit e Aratisur te derguar nga sigurimi i shtetit ! ngjarja ne Hotel ne Jugosllavi ... ku ishin ne pritje per te shkuar ne USA... Gjithsesi eshte dhimbje per te humburit qe u vrane ne kete ngjarje ! por dhe i ndjeri Xhevdet Mustafa ashtu ju krijua momenti ! gjithsesi i ndjeri Xhevdet Mustafa u tregua i vendosur deri ne fund , nuk pati rrugezgjidhje dhe ja futi vetes.....me Trim dhe me i vendosur ne shume Histori ka qene i ndjeri Avdyl Banushi.... Ai ka qene trim dhe i vendosur .... vetem qe fatekeqesisht nuk pati suksese....edhe ne Burg kure Drejtroi i Sigurimit te shqiperise i afroi lirinine nga Burgu ! ne kembim qe te futej ne loje te dyfishte...Ai u pergjigje : sa here te me nxjeresh nga ketu... une ashtu do te verpoje perseri....tani problem shqiptareve nuk ka mabruar me keto lloje kriminelelsh politikane... qe 33 vite , vrane , urdheruan vrasjet, dogjen nej shqiperi, vodhen te gjithe pasurite e shqiperise... dhe akoma ata Recitojne dhe bejne Analiza ne TV ! kjo eshte habi..... kane humbur Trimat si i ndjeri Avdyl Banushi apo i ndjeri Xhevadte Mustafa.. Dhe ish spiunat e sigurimit nje pjese ,si atehere edhe sote punojne me te gjitha krahet e krimineleve..keni shembull penecilinen Egzemplarin e kriminelit ! e shume te tjere Biznesmene qe jane sote ..... si me Origjine Greke apo shqiptare puro apome origjine Jugosllave..
Shum e vërtet. Kjo ishte loja për të goditur ata që qoftlargu i shpallte armiq dhe I burgoste edhe I pushkatonte na mbytën mashtrusat dhe nostalgjikët harrian se SaliMutajn e kemi peshqesh nga qoftlargu R.Alia . Edhe ky nji m.t si paraardhësi I tij. Ska memorje Shqiptari thua. I brohorasin horrave me pardesy tipik sigurimsa . Sa të persekutuar politik mbetën jasht zyrave tu kërku pronat? Po SaliMutaj ku I gjet pronat në bregdet ? O popull po hani m.tin e politikanve. Sot e 34 vjet e prap se keni kuptuar lojën e srbis. Nuk na do njeri të jemi të bashkuar. Rrini zihuni kafeneve e shkoni votoni kot se asgjë ska për të ndryshuar pa u zhdukur kjo klas politike 34vjeçare.
Dikur kishte shtet, jo sot që as ka shtet as ka respekt as dashuri për atdheun e kombin. Ai shkoj si qeni nrrush. Shteti ishte i përgatitur për gjithçka në atë kohë.
Xhevua ishte ne burg ne USA dhe solo qe andej me nje garanci 1 million $. Kush e paguajti kete garanci ? Ky eshte problemi,te tjerat Jane gati ne dosje.
Mundoheni të devijoni të verteten por nuk arrini dot.CIA amerikane ka bashkëpunuar me UDB jugosllave mbi 40 vite duke keqëperdor shqiptarë tradhtarë për ta bërë Shqipërinë Republikë të shtatë të Jugosllavisë.Veqem pas demonstratave të 1981cnë Kosovë CIA e pa se Kosova shqiptare nuk do lejonte të futen edhe troje tjera shqiptare nën Jugosllavi.Tani edhe UDB e ka arrit qëllimin ajo mbikëqyr,kontrollon e vepron në çdo segment të politikës jetës e ekonomisë në Shqipëri.Shqipëria është bërë protektorat i Serbisë punon për interesat e saja dhe ndjek fatkeqësisht politikë anti shqiptare.
Kush e pagoi 1 milion dollareshin ?! Nasho Jorgaqi ju thonte Mergata e Qyqeve ! Keta te sotmit qe i perfaqesojn Kujtim Gjuzi,Selami Jenisheri,Majlinda Halilaj ju thon KERPERATA ! Shteti yn monist per ti dhen rendesi sistemit,na thonte se ne ishim hal ne sy per Fqinjet,por e verteta ishte krejt ndryshe sepse as Greqia dhe as Jugosllavia nuk ruanin Kufijt e tyre,ata dini me hollesi cdo gje per Shqiperin ! Te arratisurit nga Shqiperia habiteshin kur Jugosllavet ju vinin mbi tavolin harten mbi vendodhjen e reparteve tona ! Interesimin e disa kompanive ,apo individeve per te zhvatur nga ana monetare Oborrin "Mbreteror Zogist" Hoxha yn na e shiste sikur jan interesa te shteteve imperialiste ! Vet Neozelandezi "Privati" qe organizoi grupin e Xhevdet Mustafes,"dhe do te vinte edhe ai vet me mision ne Shqiperi " thonte se fliste dhe raportonte tek Zelanda,Anglezet,dhe Amerikanet ! Nje Mision i dekonspiruar qe ne fillimet e saj,sepse parapagesa ishte ber ! Nje pjes e mir e Shqiptarve pa krenari dhe indetitet ishin Ballista,u ben Armiq te Kllases ,dhe sot ne "demokraci " jan te pushtetshem ! Perse u dashka te kemi sherbim sekret te marr para nga buxheti i shtetit,kur ne 35 vite nuk ke asnje te denuar per tradheti ?! Po ku ti qosh ata qe shiten Kombin, se edhe ne stadiume po ti fusesh, nuk ke kapacitete kaq shum qe jan !
Në Shqipëri gjithmonë e tani më së shumti ka pas agjentë serb.Tani thjesht Serbia kontrollon shtetin shqiptar .
Xhevdeti Mustafa ishte shnderrusr ne nje vrases profesionist dhe kerkohej nga kater shtete europiane.Gjeti strehee ne SHBA SHBA ku eshte marre Edhe me trafik droge.Nuk Ka qene as i sigurimit,as vellait i tij nuk Ka qene drejtori hekurudhe,por...nuk Jane persekutuar Asnjehere.Sabaudin Haznedari Ka qene oficeri sigurimit,madje ne Durres e dinin si te derguar nga sigurimit.Vellai i tij po,Ka qene drejtori ne Durres.Emri i tij Naim.Sabaudini u lidh me UDB dhe me pas me CIA.Madje Ka qene Edhe instruttor ne bazar e CIA ne kanalin e panamase ,ku sterviteshin komando per luften ne xhungel.Por nuk Ka qene i derguar i sigurimit.Halit Bajrami Ka qene zv.shef sigurimit ne divizionit e korces.I pakenaqur per karieren e tij lidhet me Sabaudinin,shok lufte si partizane ne Pezze dhe vendosen te arratisjen.Ne 1956ose 1957 vjen nga Zelanda ne Itali,lidhet me zbuluesit shqiptare ne ambasade e Romes ,pranoni te punojne me zbulimin shqiptar,e paisin me dokumentat fallso dhe e bijen ne Shqiperi,ku plotesoi dhe pranoni te gjitha kushtet.Eshte pritur nga Kadri hasbiu.Nga grupi ishte i vermi qe njihej personalisht me Kadri Hazbiun,ndaj missioni i tij ne grup ishte lidhja me Kadriun.Kryetar grupi Ka qene Sabaudinin,por drejtimin e Ka marre Mustafa sepse ishte tre dite pa' marre kokaine dhe ishte bere shume i acaruar,Pra Ka kercenuar per te marre drejtimin.Policia e Ushtrise kishin ngritur nje shtab operativi te PSV ne Durres.Zbarkimi ishte parashikuar ose ne gjirin e Lalesit ,ose ne Golem.Por per shkak te njohjes se masave te marra nga informacionet e spiuneve tecUDB si Kadriun me te tjeret,Plani i zbarkimit ndryshoi gjate lundrimit nepermjet lidhjet me radio me komanduesit e operacionit te UDB ne Peskara Jo ne Bari.Ata i dinin mire vendosjen e batalioneve te nderhyrjes se shpejte te policise:- 2 kompani ne batalionin e kembeShresorise ne shenavlashi,ku ishte Edhe komanda e batalionit te policise,dhe nje kompani e po' ketij batalionin ne golem.Ne divjake ishte nje tjeter batalion.Komandanti i ketij batalionin qe u vra nga Xhevdeti Mustafa,nuk kish Dale per peshkum,por per inspektor te pritave te ngritura ne buzen e ujit.Gjate udhetimit ne pyllin e divjakes Kane vrare nje djalosh 14 vjecare qe kish nxjerre l'open per kullote.,komshi me policine e marre peng.Djaloshi njohur komshiun dhe e pershendeti.-"e njeh?-pyeti Xhevdeti pengun.-po e njoh ,e kam komshi-iu pergjegj polici.Xhevdeti qelloi me pistole te me silenciator.Dhe historia vazhdon.Por rendersi Ka nje gje-nuk mund te mohehet missioni i grupit.Atentat para pallatit te sportit me snaiper nga Xhevdeti,kur Enverit te mberrinte per te marre pjese ne kongrwsit e Rimise.Varianti i dyte ishte futja ne bllok.Ne te dy rastet afrimi ne Tirane nga nje bazen e tyre ne Burrel,do te behej me makinen e kadri Hazbiut.I meshoni shume faktit se u vra,apo u vetevea.Ne te dy rastet Hero nuk e beni dot.Ka qene terroriste i pergatitur nga CIA per interesat e saj.Ndaj dhe u pergatiten dokumentat amerikane me emer fallso me kaq lehtesi.Banda eshte financuat Ng UDB dhe Leka Zogun.Te verteten nuk e mohon dot kush.
Kush pagoi lirimin e Xhevdetit nga burgut ne USA ,1 million dollars??? Kete gjeni se te tjerat I di edhe Qorri.??
Po' e perseris:- Xhevdeti Mustafa Ka qene terroriste ,vrases profesionist i pergatitur nga CIA.Edhe pasaporte me emer falso eshte dhene nga CIA.Asnje tjeter nuk mund ta realizonte ne SHBA kete.Kerkohej nga kater shtete europiane ndaj dhe u fsheh ne Amerike me pasaporte me emer tjeter.
Jo or tej,Xhevdetit ka qene I denuar per tentative te vrasjes se president Regan.
Ferdinando Dervishi,derrit nuk i thuhet daje.Ti Ke marre persiper ,megjithe median ku punon ,ti kthesh derrate ne daje.Ne fakt,ne fytyren i ngjan derrit,ku i Dihet me Ke te Ka zene jot eme.Fashistet dhe bashkepuntoret e tyre pi i propogandoni si luftetare lirie,spiunet e diversantet po' ashtu.Ndersa ATA qe clieuan vendin,qe e transformuan Shqiperine feudale ,me 85%analfabete ne vend me universiteti,me intelegjence e akademiste shkencore,me industri ,bujqesi e mbrojtjen moderne i shpallni kriminele.Haku i ketij vendi do Ju zere me sigurimit,do ua jape zoti ne koken tuaj,atje ku Ju dhemb me shume.Sepse Populli sakrifikoi per ate Shqiperi dhe ato arritje nuk beheshin " me urdher te peshkut dhe me dashjen e Ferdinando Xhaferrit".
Ramut Alia na e la peshqesh edhe salimutajn edhe edvin drogaxhiun or taj. Për kë do votosh zotrote ? Ata vidh e pasurohu ti pret pensionin dhe bonot 50 usd çdo 6 muaj. Or taj shko lidh lopën se at pun e bën mir gjith jetës i shtypur u dogje nga qumshti e i feyn kosit. Je thjesht shtet pa shtet nga 45 e deri sot kos me buk misri e trroj partia se ne bar ham e dorën nuk ja shtrij kërkujt. Hahaha qesh nga injoranca që ka pllakosur popullin tim . Kurr se ka njoft lirin e as ka për të njoft tashti që horrat u bën biznesmena dhe inteligjenca nga syt këmbët . Dembela e pijaneca hani nkurriz të mërgimtarve ...