Te fundit
Mëngjes dhe drekë me 4 euro, turistët low-cost, pak fitim për Shqipërinë
22 Gusht 2023, 21:10Ekonomia
TEMA
Sokhana dhe Rokhaya Sylla, nga Franca kanë zgjedhur Shqipërinë për të kaluar pushimet e tyre verore, për shkak të çmimeve të ulëta. Jehona në mediat e huaja për Shqipërinë e bukur dhe me çmime të lira, ka bindur edhe këto dy motra të vizitojnë vendin tonë.
“Këtu është e përballueshme për të gjithë, kështu që është shumë mirë për ne”, tha Sokhna Sylla.
“Unë i vizitova vendet e tjera si Itali, Spanjë etj por Shqipëria ka një sharm tjetër. Çmimet nuk janë shumë të shtrenjta, ne mund të hamë për 4 euro ndërsa në Francë ky çmim do të ishte për 10 euro”, u shpreh Rokhaya Sylla.
Për të tjerë turistë, pritshmëritë e çmimeve, nuk ishin siç kishin dëgjuar në media në vendin e tyre.
“Ishin ndryshe çmimet në restorante më të shtrenjta, edhe pse mund të themi që haje shumë mire”, tregon Giada, turiste italiane.
Përveçse ka tërhequr një numër të lartë turistësh të kësaj kategorie, ky reklamim sipas operatorëve turistik mund të ketë efekte negative për imazhin e vendit tonë.
“Në përgjithësi një pjesë e madhe e këtyre turistëve kanë ardhur me këtë qëllim, janë ballafaquar me çmimet si në vendet e tyre, kanë ngelur të zhgënjyer, kanë thënë jo se nuk qenka e lirë. Reklama që ju bë Shqipërisë se është një vend i lirë, është e gabuar, është e barabartë me rajonin. Nëse i referohen marketit për të blerë gjëra të lira kjo është tjetër histori”, u shpreh Rrahman Kasa nga Unioni Turistik Shqiptar.
Teksa turistët “loë cost” nuk pritet të sjellin fitime të larta në sektorin e turizmit, për një turizëm elitar, sipas Kryetarit të Unionit Turistik, Rrahman Kasa duhen më shumë investime.
“Synimi jonë është të tërheqim turistët cilësor duhet të kemi shërbim cilësor, që për fat të keq shumë pak ofrohet. Kjo ka disa arsye por e para infrastruktura, duke filluar nga rrugët, ndriçimi kazanet etj”, tregoi ai.
Vet kryeministri Edi Rama në një intervistë për mediat italiane lajmëroi se turizmi me kosto të ulëta nuk do të zgjasë edhe për shumë gjatë. Sipas tij, Shqipëria duhet të bëhet gati për turizimin Elitar.
Sipas parashikimeve të shoqatave turistike numri i turistëve të huaj në Shqipëri pritet të arrijë deri në 9 milionë këtë sezon veror. (Marinela Lina)
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Shko hidh nje sy rotull te shikosh çfarë është turizmi elitar e pastaj jep intervista Zoti Rrahman!
Turizem elitar po te tjeret tu bine me dore
Turizem elitar po te tjeret tu bine me dore
O "biznesmene", duhet kuptuar nje gje : duhet ofruar turizem per te gjithe shtresat, nga ai qe ka mundesi te shpenzoje vetem10 euro, deri te ai qe shpenzon 1000 euro, Nuk mund te privohen nga pushimet ata qe nuk kane mundesi ekonomike dhe te ofrohen sherbime vetem per pasaniket. Djellin dhe detin natyra ua ka dhene te gjitheve.