Te fundit
Sejko: Kalimi drejt një ekonomie pa para fizike është kyç për modernizimin financiar
26 Qershor 2026, 15:50Ekonomia
TEMA
Guvernatori i Bankës së Shqipërisë, Gent Sejko, mori pjesë në workshopin “Cashless Albania”.
Një ekonomi pa përdorimin e parasë fizike: a jemi gati?”, të organizuar nga Akademia e Shkencave e Shqipërisë, me pjesëmarrjen e përfaqësuesve të institucioneve publike, sektorit bankar, akademisë dhe organizatave ndërkombëtare.
Workshop-i synoi të krijojë një forum diskutimi mbi perspektivat e kalimit të Shqipërisë drejt një ekonomie pa para fizike, duke vlerësuar progresin e deritanishëm, sfidat ekzistuese dhe prioritetet për zhvillimin e mëtejshëm të ekosistemit të pagesave digjitale në vend.
Në fjalën e tij, Guvernatori theksoi se kalimi drejt një ekonomie me pagesa elektronike përbën një element kyç të modernizimit të sistemit financiar shqiptar dhe një proces që kërkon bashkëpunimin e të gjitha institucioneve dhe aktorëve të tregut. Ai nënvizoi se Banka e Shqipërisë ka qenë promotore e reformave në fushën e digjitalizimit të pagesave, duke ndërtuar kuadrin ligjor dhe infrastrukturën e nevojshme për zhvillimin e pagesave elektronike.
Sejko evidentoi ndër arritjet kryesore transpozimin e kuadrit evropian PSD2, zhvillimin e konceptit të bankingut të hapur, miratimin e ligjit për llogarinë bazike të pagesave, modernizimin e sistemeve kombëtare të pagesave dhe anëtarësimin e Shqipërisë në Zonën e Vetme të Pagesave në Euro (SEPA), i cili u mundëson qytetarëve dhe bizneseve shqiptare të kryejnë transferta në euro me kosto ndjeshëm më të ulëta dhe sipas të njëjtave standarde si në vendet e Bashkimit Evropian.
Në përfundim, Guvernatori Sejko nënvizoi se suksesi i këtij transformimi varet jo vetëm nga zhvillimi i infrastrukturës dhe kuadrit rregullator, por edhe nga edukimi financiar i qytetarëve dhe bashkëpunimi i ngushtë ndërmjet institucioneve publike, sektorit financiar dhe akademisë. Në këtë kuadër, ai vlerësoi kontributin e Akademisë së Shkencave të Shqipërisë në nxitjen e dialogut shkencor dhe mbështetjen e reformave që promovojnë një kulturë më të avancuar financiare dhe digjitale në vend.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mos u nxito Sejko. Paraja fizike eshte vaji i ekonomise. Ke qene ndonjehere ne Vjene? Te ka qelluar te thone vetem kesh ne restorant? He pra......me ngadale. Jo flamurtare.
Na falni , po keta specialistat a e kane menduar se si do te behet "pagesa e korrupsionit" nese hiqet paraja fizike ?........apo do legalizohet me banke ???!!!!
Jo s jemi gati se s na ka rënë lekë në dorë që ta pastrojmë , të mbarojmë dhe ne hallet si ju edhe flasim . Shkoni mor qihuni ju që do na vini dhe çip në dhëmballë gjer në fund . Na bëni si zvicra me shërbime e me mjekësi siç i ka hije njeriut e pastaj kërkoni qiqra në hell . Y ju qr legena!
duhet te kesh automatizuar sistmemin e prodhimit perapa se te kerkosh sistetm financiar pa para kesh