11 dhjetori përfundimtar/ Nga intervistat te votimi, si do të përcaktohet drejtuesi i ri i SPAK-ut

Më 11 dhjetor 2025, ora 09:00, Këshilli i Lartë i Prokurorisë (KLP) do të zhvillojë intervistat me kandidatët, sipas rendit alfabetik, si dhe do të vijojë me zgjedhjen e drejtuesit të Prokurorisë së Posaçme kundër Korrupsionit dhe Krimit të Organizuar (SPAK).

Katër kandidatët, Adnan Xholi, Doloreza Musabelliu, Elvin Gokaj dhe Klodian Braho do të paraqesin platformat e tyre për drejtimin e Prokurorisë së Posaçme.

Sipas rregullores, pas intervistimit, anëtarët e Këshillit të Lartë të Prokurorisë (KLP) duhet të zhvillojnë edhe procesin e votimit për zgjedhjen e kreut të ri të SPAK.

Pasuesi i Altin Dumanit do të zgjidhet në 11 dhjetor 2025, ndërsa detyrën pritet ta marrë zyrtarisht më 19 dhjetor, datë kur do të bëhet edhe ceremonia e kalimit të kompetencave nga drejtuesi aktual te ai i riu, zakonisht përmes një konference për shtyp.

Kreu i ri i SPAK do të ketë kompetencën të zgjedhë dy shefat e seksioneve: atë të Korrupsionit, si dhe atë të Krimit të Organizuar dhe Terrorizmit. Aktualisht, shef i seksionit të Korrupsionit është Klodian Braho, ndërsa shef i seksionit të Krimit të Organizuar dhe zv/drejtues i SPAK është Adnan Xholi. Po ashtu, drejtuesi i ri do të zgjedhë edhe koordinatorin e marrëdhënieve me jashtë, post që aktualisht mbahet nga prokurorja Dorina Bejko.

Këto pozicione emërohen drejtpërdrejt nga drejtuesi i ri i SPAK, i cili zgjedh ekipin me të cilin do të punojë dhe bashkëpunëtorët më të afërt.

Kreu i SPAK zgjidhet me shumicën e votave të anëtarëve të KLP-së.

Për zhvillimin e mbledhjes duhet të jenë të pranishëm të paktën 7 anëtarë të Këshillit. Sipas rregullores, kandidatët kanë një kohë të përcaktuar për prezantimin e platformave dhe më pas i nënshtrohen pyetjeve nga anëtarët e KLP-së.

I rezistoi 12 orë RENEA-s, Hamza Uka me histori të gjatë radikalizmi! Prokurori që e hetoi në 2019-n: Na kërcënoi në sallën e gjyqit

17:26 Kronika 4 komente

Gara për kreun e SPAK, Këshilli i Lartë i Prokurorisë vendos datën kur do pyeten kandidatët

16:54 Kronika

U shpall non-grata nga Greqia, Artan Hoxha zbulon çfarë ndodhi në kufi: Më kërkuan gjurmët e gishtave dhe…

16:18 Kronika 1 koment

I shpallur në kërkim për prodhim të narkotikëve, arrestohet 33-vjeçari në Muriqan

15:33 Kronika

Shpërndante lëndë narkotike në Vorë, arrestohet 48-vjeçari! Në pranga edhe një tjetër

14:09 Kronika

Ishte shënjestra e atentatit në Lushnje, Julian Sulo hesht në Komisariat, shoqërohen 6 persona

13:55 Kronika 2 komente

‘Juli i Pashakos’ nën shënjestër sërish: Çfarë dihet për të dhe historiku në Lushnjë

12:50 Kronika

U përdor nga autorët në atentatin ndaj ‘Julit të Pashakos’, çfarë u gjet në makinën me targa greke

12:11 Kronika

Dy të akuzuarit për terrorizëm nuk pranojnë të flasin përpara policisë: Ju jeni shejtani

11:49 Kronika 6 komente

Afera ‘Partizani’, GJKKO shtyn sërish seancën gjyqësore

11:30 Kronika 12 komente