Te fundit
Atentati mafioz në Athinë, si u ekzekutua në sy të gruas e djalit të mitur 32-vjeçari, armik i Ervis Martinajt
10 Maj 2024, 08:57Kronika
TEMA
Një i ri shqiptar u ekzekutua mbrëmjen e djeshme në një atentat mafioz në kryeqytetin grek Athinë. Ai është identitikuar si Roan Brahimi, armiku i Ervis Martinajt.
32-vjeçari ishte në makinë me bashkëshorten Katerina Beqo dhe djalin e mitur kur dy persona me motor i janë afruar dhe e kanë qëlluar me 3 plumba. 37-vjeçarja është lënduar lehtë ndërsa Brahimi ka humbur jetën në vendin e ngjarjes.
Ngjarja ka ndodhur pak pas orës 21:30 të mbrëmjes në kryqëzimin e rrugëve “Messolonghiou” dhe “Tsaldari” ku çifti kishte shkuar për të marrë djalin nga parku i lojrave.
Roan Brahimi është një emër i njohur për policinë shqiptare, i shpallur në kërkim për atentatin e 22 korrikut 2022, ku shpëtoi Ylli Brahimi dhe u vra Klisman Preçi.
Atentati ndodhi kur të dy po ktheheshin në shtëpi me makinë të blinduar.
Ata u qëlluan me breshëri kallashnikovi.
Nga masakra e Fushë Krujës ku u vra Brilant Martinaj te atentati ndaj Ylli Brahjas, kush ishte Roan Brahimi
Roan Brahimi është një nga personat që dyshohet se ka pasur gisht në atentatin ndaj Ylli Ibrahimit, ku vdiq Klisman Preçi. “Në Shënjestër” në News 24, zbuloi në dhjetor të vitit 2022 se policia ka ushtruar kontroll në banesën e Brahimit alias Sidorel Prendi, në fshatin Pllanë të Lezhës.
Në banesë, policia gjeti vetëm babain e tij, Gjovalin Prendi, i cili tha se nuk kishte asnjë dijeni se ku ndodhej djali i tij, të paktën prej një viti. Roan Brahimi është shpallur në kërkim për terrorin që shkaktuan në një lokal në Zejmen të Lezhës ku u futën të armatosur me kallashnikov duke kërkuar pronarin, ngjarje e ndodhur në vitin 2021. Si autorë të së njëjtës ngjarje, janë shpallur në kërkim edhe nipi i deputetit të Partisë Socialiste Rrahman Rraja, Ramazan Rraja dhe Alesio Dobrozi.
Roan Brahimi ishte në kërkim policor edhe për ekzekutimin e Brilant Martinaj dhe miqve të tij, në mbikalimin e Fushë-Krujës, më 17 korrik 2022. Por pse grupi hetues po investohej kaq shumë në emrin e Roan Brahimit, si një nga personat më të mundshëm të dyshuar për atentatin ndaj Ylli Brahjas dhe mikut të tij tashmë të ndjerë, Klisman Preçit.
Sipas dokumentave sekrete të policisë, gjithçka thuhet se lind pas një konflikti që Roan Brahimi kishte me Ylli Brahjan. Ku ky i fundit, sipas dokumentave të prokurorisë, mendohet se e ka çuar Roan Brahimin në një nga bazat ku ishin Ervis Martinaj dhe njerëzit e tij të besuar.
Bazë që ndodhet në afërsi të Fushë Kuqes, ku mendohet se Rohan Brahimi është dhunuar në mënyrë barbare. E gjitha kjo. për borxhet që lidheshin me lojërat e fatit. Me daljen e tij gjallë nga aty, ai thuhet se ka paralajmëruar Ylli Brahjan se “nuk ja falte kurrë atë që i kishte bërë”. Por a është ky motivi i vërtetë i atentatit ndaj Ylli Brahjas, mbrëmjen e 22 korrikut 2022, në qendër të Milotit.
Si ndodhi atentati?
Klisman Preçi dhe Ylli Ibrahimi po lëviznin me një mjet të blinduar, por 108 plumba blindshpues arritën që u futen brenda mjetit. 28-vjeçari Preçi u qëllua i pari, në momentin që ka zbritur nga makina. Pas tij, Ylli Brahimi ka hapur derën dhe ka tentuar të dalë nga mjeti në të cilin ishte si pasagjer, por përballë të shtënave pa ndërprerje që kanë zgjatur afro 3 minuta, ai ka hyrë sërish në makinë për t’u mbrojtur nga plumbat. Preçi humbi jetën ndërsa Ibrahimi mbijetoi. Para prokurorëve, Ibrahimi nuk ka dhënë asnjë detaj nga ngjarja e ndodhur.
Më të lexuarat
24 oret e fundit
Javen e fundit
Blog Tema
Lini një Përgjigje