Atentati në Elbasan, autori i veshur për Halloween, iu afruan fëmijë për të luajtur, por u zhduk në përrua

Tre persona mbetën të plagosur në Elbasan në një atentat me armë. Autori, megjithatë, nuk arriti të qëllonte mbi shënjestrën, por, i ndjekur nga një efektiv policie, la pistoletën me të cilën kreu sulmin. Pista kryesore e hetimit mësohet se është ajo e përplasjes mes grupimeve kriminale, nisur edhe nga zona ku u krye sulmi.

I veshur me xhup dhe i dyshuar se ishte maskuar me paruke, autori iu afrua verandës së një lokali në lagjen "Banesa" të Elbasanit, ku hapi zjarr me pistoletë.

Burime thanë se ai qëlloi shtatë herë. Të plagosur mbetën Renaldo Mançe, 31 vjeç, Armand Tomorrica, 32 vjeç, si dhe kamarieri i lokalit, 19-vjeçari Bjorgi Hoxha. Fatmirësisht, të tre ndodhen jashtë rrezikut për jetën.

Por asnjëri prej tyre nuk ishte objektivi i atentatit. Burime policore i thanë A2 CNN se shënjestra e autorit ka qenë një tjetër person që ndodhej në lokalin ku ndodhi sulmi dhe që arriti t’u shpëtonte plumbave. Burime bëjnë me dije se shënjestër dyshohet se ka qenë nipi i një personazhi të njohur të botës së krimit në Elbasan.

Autori u largua me shpejtësi nga vendi i ngjarjes, por në ndjekje të tij u vu një oficer policie, i cili në atë moment ndodhej jashtë shërbimit dhe po qëndronte me dy fëmijët e tij. Edhe pse pa armën e shërbimit me vete, efektivi u vu në ndjekje të autorit, i cili, gjatë largimit, hodhi në tokë pistoletën. Arma është sekuestruar nga grupi hetimor dhe do të shërbejë për identifikimin e autorit.

Ngjarja ndodhi në lagjen "Banesa", një zonë e njohur në Elbasan si problematike, ndërsa dyshimet janë se bëhet fjalë për një përplasje mes grupeve kriminale. Policia po vijon hetimet për kapjen e autorit, si dhe për zbardhjen e plotë të motiveve të atentatit.

Drogë me flamur serb në kuti bananesh, sekuestrohen 770 kg kokainë në Itali me vlerë 250 mln euro

17:00 Kronika

Gjykata e Lartë shpall kandidatët zyrtarë për KLGJ, përcaktohet edhe data e zhvillimit të zgjedhjeve

14:50 Kronika

Gjykata e gjobiti për mungesë në seancë, avokati Ndreca: E kisha njoftuar me shkresë zyrtare, shpresoj të mos jetë e qëllimtë, u prek liria e profesionit

14:40 Kronika 25 komente

Atentati me maskë silikoni dhe paruke grash në Elbasan: Kush tentoi ta vriste nipin e 'Oti Kilës', ja pista ku po hetohet!

13:55 Kronika 1 koment

Dosja e Kolonjës, GJKKO vendos më 9 shtator; Shkak mungesa e njoftimit të palëve në mënyrën e duhur

13:25 Kronika

Ilir Meta kundërshton mosfillimin e hetimeve nga Prokuroria, kërkon në Gjykatën e Tiranës hetim për kallëzimin ndaj punonjësve të paraburgimit 313

12:15 Kronika 18 komente

"Ka tre predha në trup, u larguan me skaf pas atentatit" - Artan Hoxha jep detaje për atentatin ndaj Thimjo Rubatit

11:45 Kronika 19 komente

U kap me tritol dhe granata në mes të Tiranës, Petrit Çeça “kyç” gojën para hetuesve

11:35 Kronika

THE TELEGRAPH: Të burgosurit shqiptarë bëjnë qindra telefonata në ditë për të 'drejtuar bandat'

10:55 Kronika 3 komente

Plagosja e Juxhin Hamajezit në Tiranë: Arrestohen dy bashkëpunëtorët e dyshuar të Klodian Kallos

10:35 Kronika