Kamerat e sigurisë nxjerrin zbuluar bashkëpunëtorët e vrasjes së Nikulajt/ Policia kontrollon shtëpinë e Edmond Haxhisë, çfarë dëshmoi e ëma

Policia ka kryer sërish kontrolle në shtëpinë e Edmond Haxhisë, që dyshohet se është porositësi i vrasjes së Ardian Nikulajt.

Kontrollet u kryen pasi 300 metra pranë banesës, në lumin Kakarriq u gjet motori që ekzekutori portugez përdori për të shkuar në lokalin ku vrau biznesmenin dhe për t’u larguar pasi kreu porosinë.

Në pyetje është marrë sërish nëna e Haxhisë, e cila i ka qëndruar deklaratave të mëparshme se nuk ka dijeni për ngjarjen e ndodhur. “Kjo ngjarja dhe përfshirja e djalit ka tronditur familjen”, është shprehur ajo para bluve.

Ndërkohë, pamjet e kamerave të sigurisë kanë nxjerrë zbuluar bashkëpunëtorët e këtij krimi, të cilët kanë qëndruar në hotelin dhe lokalin e Nikulajt për disa javë. Gazetarja Brixhilda Deda ka siguruar videot, ku duket qartë identiteti i autorëve, të cilët hiqeshin si turistë. Ata janë identifikuar si Edmond Haxhia, shtetas shqiptaro- britanik; Harry Simson, shtetas britanik, Harriet Bridgeman, shtetase britanike;  Thomas Mithan, shtetas britanik dhe Steven Hunt shtetas britanik.

Dyshohet se Haxhia ka porositur vrasjen, me qëllimin e hakmarrjes. Ai është nipi i Elton dhe Klodian Lestakajt, të cilët ishin në gjak me Nikulajn. Vrasja dyshohet se është planifikuar në Londër, ku këta shtetas jetojnë.

Zbatimi i planit nisi para 3 muajsh, kur Edmond Haxhia mbërriti në Shqipëri dhe nisi të studionte lëvizjet e objektivit dhe rrugët që do të ndiqnin pas kryerjes së vrasjes.

Pas Haxhiajt, më 14 shkurt në Shqipëri mbërriti ekzekutori portugez Ruben Saraiva, i cili qëndroi në Shkodër për gati dy muaj në një banesë të marrë me qira dhe shpesh herë është kapur nga kamerat e sigurisë dhe pranë lokalit “Coral” në Shëngjin duke ndjekur objektivin e tij. Në pjesën më të madhe të rasteve, ai lëvizte me të njëjtat rroba dhe me të njëjtin maskim.

Ndërsa në muajin mars, mbërritën 3 britanikë mes tyre dhe një vajzë që kryenin rolin e vëzhguesit duke u fshehur mes dukjes si turistë. Ata kanë shkuar edhe brenda lokalit që konsiderohej vendi më i sigurt për Ardian Nikulajn dhe kishin fotografuar ambientet dhe studiuar daljet. I fundit në Shqipëri ka mbërritur Steven Hunt, i cili erdhi nga Rinasi më 11 prill dhe dyshohet se ishte personi që njoftoi Ruben Saraivën se objektivi ishte i vetëm në tavolinë dhe mund të vepronte.

Të gjithë lanë Shqipërinë brenda 2 ditëve pasi kryen vrasjen por nuk mundën të fshehin gjithë gjurmët e lëna pas. Dëshmi të personave që kanë ndjekur lëvizjet dhe takimet e ndodhura mes tyre në javët e qëndrimit në shtëpi, mjetet e marra me qira, si dhe sende të përdorura prej tyre shërbyen për identifikimin e tyre dhe dokumentimin e autorësisë në vrasje.

Bashkëjetuan për 2 muaj me të, banorët e Kakarriqit flasin për "killerin" portugez: Lëvizte lirisht në fshat, na përshëndeste në shqip

11:48 Kronika

I nxorën fotot si vrasës i Nikulajt, portugezi reagon në TikTok: S'jam unë ai që përmendni në lajme! Zbulon shtetin ku ndodhet

11:36 Kronika 17 komente

Rihapet dosja e vrasjeve të Tropojës nga Berisha? Motra e Fatmir Haklajt shkon në SPAK

11:28 Kronika 31 komente

Pistoleta “TT” që vrau Nikulajn është hedhur në lumë, kërkime në Shkodër për bazën e dytë të Haxhisë

11:02 Kronika

Hetimet: Informatori anglez s’u regjistrua me emër në hotel, u identifikua nga tërheqja e parave në bankë

10:35 Kronika

Koçole dhe shoku i tij u vranë në Vrinë, arrestohet S.B, njeriu që i gjeti “strofkën” në Nivicë grupit kriminal

09:19 Kronika

Kjo është “spiunia” britanike që mori pjesë në vrasjen e biznesmenit Nikulaj

09:11 Kronika 8 komente

"Edmondin e takova një ditë pas vrasjes së Nikulajt", Nertila Haxhia: E penduara e drejtësisë do ishte më e sigurt në burg

09:09 Kronika 9 komente

'Do të doja të isha në vendin e tij', 21-vjeçari shqiptar pendohet për vrasjen e të riut grek

22:00 Kronika 2 komente

Prokurori Pali Deçolli përballet pa probleme me vetingun

21:30 Kronika 1 koment