Te fundit
Lokale dhe pika alkooli pranë shkollave, Policia paralajmëron mbyllje: Grumbullojnë elementë kriminalë
5 Shtator 2025, 11:22Kronika
TEMA
Policia ka paralajmëruar mbylljen e lokaleve dhe pikave ambulante për tregtimin e pijeve alkoolike pranë institucioneve arsimore në prag të nisjes së vitit të ri shkollor ku nxënësit do të rikthehen në banka.
Blutë informuan se lokalet dhe pikat ambulante shërbejnë për grumbullimin e shtetasve me precedent kriminal, përdoruesve të pijeve alkoolike dhe lëndëve narkotike.
Gjithashtu theksoi se kthehen në burim rreziku për prishje të rendit publik apo veprime të tjera të dhunshme ndaj personelit mësimdhënës dhe nxënësve të shkollave.
“Në bashkëpunim me Inspektoratin Shtetëror Shëndetësor, AKU-në dhe pushtetin vendor, do të punohet për mbylljen apo largimin e lokaleve të tregtisë dhe pikave ambulante të shitjes që tregtojnë pije alkoolike, produkte ushqimore të skaduara pranë shkollave, të cilat jo rrallë herë shërbejnë dhe si pika të grumbullimit të shtetasve me precedent kriminal, përdoruesve të pijeve alkoolike dhe lëndëve narkotike, si dhe burim rreziku për prishje të rendit publik apo veprime të tjera të dhunshme ndaj personelit mësimdhënës dhe nxënësve të shkollave”, informuan blutë.
Më të lexuarat
24 oret e fundit
Javen e fundit
Blog Tema
Lini një Përgjigje