Te fundit
Mori ryshfet për të mos hequr tendën e një lokali, vetëdorëzohet në polici punonjësi i IMT-së
30 Gusht 2025, 10:22Kronika
TEMA
Është vetëdorëzuar në polici punonjësi i IMT-së së Tiranës, Klajdi Zhilla, i cili ishte në kërkim pasi mori ryshfet për të mos hequr tendën e një lokali në Kombinat.
Mësohet se ai është paraqitur në polici ditën e djeshme i shoqëruar nga avokati Andi Skënderi.
Zhilla ka pretenduar se është vënë në dijeni nga media se ishte në kërkim dhe është vetëdorëzuar për të sqaruar pozicionin e tij.
Ndërkohë, këtë të shtunë në orën 10:00, në Gjykatën e Posaçme ka nisur seanca për vlerësimin e masës së sigurisë ndaj inspektorit tjetër të IMT-së, Geraldo Fuçia, i cili u arrestua më herët në kuadër të së njëjtës çështje.
Sipas burimeve zyrtare, hetimet për këtë rast nisën nga Policia e Tiranës dhe më pas u referuan pranë SPAK, pasi një qytetar, pronar i një lokali, ka kallëzuar inspektorët duke i akuzuar se i kishin kërkuar 1,000 euro ryshfet për një tendë të vendosur pa leje.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Jeni të gjithë të degjeneruar dhe hajdutë të korruptuar.
Ky hajduti injorant qe ka vetem dy muaj pune ka marre per avokat njerin prej avokateve te studios se Alket Hysenit… Ta kete gjetur valle thua? Kaq i mencur eshte? Apo ja kane dhene?? Konkluzionet ti nxjerri SPAK-u…