Te fundit
Pezullohen 5 policë të Rrugores: Vendosnin gjoba arbitrare dhe ndryshonin të dhënat në radar
9 Korrik 2022, 13:06Kronika
TEMA
Pesë punonjës të Policisë Rrugore janë pezulluar nga detyra nga Drejtoria Rajonale e AMP. Rezultoi se policët në fjalë kanë shpërdoruar detyrën pasi vendosnin gjoba arbitrare.
Në njoftim thuhet se ata falsifikonin të dhënat e radarit duke sjellë si pasojë dëm të konsiderueshëm ekonomik dhe cenimin e interesave të ligjshëm të shtetit.
Drejtoria Rajonale e AMP Tiranë ka zbatuar urdhrin e Prokurorisë për ekzekutimin e vendimit të Gjykatës së Rrethit Gjyqësor Tiranë, e cila ka caktuar masën e sigurimit personal me karakter ndalues “Pezullim i ushtrimit të një detyre a shërbimi publik” për kryerjen e veprës penale “Shpërdorim detyre” ndaj 5 punonjësve të policisë pranë Komisariatit Rajonal të Qarkullimit Rrugor Tiranë:
– Inspektor A. M., 33 vjeç, me detyrë trupë shërbimi pranë Komisariatit Rajonal të Qarkullimit Rrugor Tiranë;
– Inspektor E. M., 31 vjeç, me detyrë trupë shërbimi pranë Komisariatit Rajonal të Qarkullimit Rrugor Tiranë;
-Inspektor I. K., 40 vjeç, me detyrë trupë shërbimi pranë Komisariatit Rajonal të Qarkullimit Rrugor Tiranë;
– Inspektor G. SH., 26 vjeç, me detyrë trupë shërbimi pranë Komisariatit Rajonal të Qarkullimit Rrugor Tiranë;
– Inspektor J. M., 27 vjeç, me detyrë trupë shërbimi pranë Komisariatit Rajonal të Qarkullimit Rrugor Tiranë.
Në vijim të hetimeve për procedimin penal nr. 5333/2021, pas arrestimit në flagrancë të 2 punonjësve të Policisë Rrugore në datë 03.03.2022 dhe analizimi i të dhënave/fotografive të realizuara nga radari i sekuestruar, u administruan prova dhe fakte se punonjësit e mësipërm të policisë, në kohë dhe vende të ndryshme, gjatë ushtrimit të detyrës së tyre funksionale si agjent verifikues pranë Komisariatit të Qarkullimit Rrugor Tiranë, kanë shpërdoruar detyrën duke ndëshkuar me masa administrative në mënyrë arbitrare, si dhe duke falsifikuar të dhënat e fiksuara nga radari në kundërshtim me ligjin, duke sjellë si pasojë dëm të konsiderueshëm ekonomik dhe cenimin e interesave të ligjshëm të shtetit.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Me kujtohen policet ne kohen e sals, te ndaloshin pa asnje arsye dhe kerkoshin 5000 lek te vjetra, i pyetshe per çfar arsye, ku e shkela rregulloren? Pergjigjia ishte, jane per shefin. Vetem ne Shqiperi shef polic ma te gjane se te gjate. Edhe sot. Turp.
Po Pete Arredondo, qe eshte edhe ai me i gjere se i gjate, ku punon(te) si polic, di gje?
Këta PEDERASTET duhet të shkojnë në burg... Jo shkarkim nga detyra edhe pastaj në gjendje të lirë.... Këto veprime tregojnë poshtërsitë e një shteti... Një qytetar të thjeshtë e shkatërrojnë në burg ndërsa një punëtor administrate thjesht e lirojnë nga detyra... Shtet kurve