Te fundit
Policia-PD: S'marrim përsipër tubimin, por do ketë masa pasi ka informacione se mund të ketë dhunë
20 Shkurt 2026, 12:30Kronika
TEMA
Policia e Tiranës i ka bërë me dije PD-së se nuk e marrin përsipër zhvillimin e tubimit të sotëm bazuar në analizën e riskut, por po ashtu thuhet se janë marrë masat për garantimin e rendit dhe sigurisë në protestë.
Në një përgjigje nga Policia e Tiranës për A2CNN thuhet: “Po do të sigurojmë mbarëvajtjen pavarësisht refuzimit. Lëvizjen e lirë. Do të mbrojmë institucionet, jetën e qytetarëve si çdo aktivitet masiv".
Sakaq, disa rrugë kryesore që lidhen me bulevardin “Dëshmorët e Kombit”, ku do të grumbullohen protestuesit, janë bllokuar.
“Përfaqësues të subjektit politik Partia Demokratike e Shqipërisë kanë njoftuar Policinë e Tiranës, për zhvillimin e një tubimi, më datë 20.02.2026, në orën 18:00, para Kryeministrisë. Bazuar në analizën e riskut dhe duke marrë parasysh faktin që në protestën e kaluar ka patur shtetas të maskuar të cilët kanë hedhur bomba molotov dhe lëndë piroteknike duke dëmtuar punonjës policie, si dhe nga informacionet e marra se mund të ketë veprime të dhunshme në protestën e sotme, Policia e Tiranës i ka kthyer përgjigje subjektit politik, se nuk e merr përsipër zhvillimin e tubimit”, thuhet në njoftim.
“Pavarësisht kësaj, Policia e Tiranës ka ndërmarrë të gjitha masat, në bazë të ligjit “Për tubimet”, me qëllim garantimin e rendit dhe sigurisë, në rast se do të zhvillohet tubimi. Në zbatim të këtyre masave, ditën e sotme, do të kufizohet lëvizja në disa akse/segmente rrugore, konkretisht: -Nga ora 15:00 e datës 20.02.2026, deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”, vijon njoftimi.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Cfare do te thote kjo pergjigje e policise? Pa na e deshifroni nje here???!!!
Pse nuk vendosni postbllogje ne hyrje te bulevardit dhe te kontrollohen gjithe njerezit qe hyjne aty? Kush kapet me sende te rrezikeshme, merret bran dhe ne biruce.
Bravo, jo 1 por 4 pika te orjentuara nga do hyet per ne shesh, ashtu sic behet edhe ne ndeshjet e kombetares. Fare thjeshte dhe paster... biles edhe ato bushtrat si puna e Hotit te kontrollohen deri thelle edhe ne vendet intime
Herën e kaluar, radikalët ekstremist demokrat, i dogjën lesht një kameramani të news 24, shpresojm që policia të arrestoj 500 protestues ( nëse s'ka vënd në komisariatet e kryeqytetit) ti shpërndaj në rrethe, të arrestoj deputet të opozitës, antar të familjes Berisha, adoleshent, qytetar problematik, nëse është e nevojshme., dhe Berishën.Duam të mbizotroj ligji. Votuam më 11 maj 2025 për të shtypur kriminelët e selis blu, dëshira jon është urrdhër.
Lajm i mire,per ruajtjen e jetes se efektiveve te policise.