Te fundit
Prezantoheshin si “punonjës të shtetit”, si ranë në pranga mashtruesit shkodranë pasi i vunë gjobë biznesmenit Salillari
9 Janar 2023, 09:41Kronika
TEMA
Policia arrestoi dje Jasmin Pepajn, Rezart Pepajn dhe Sherif Kadroviçin, të tre banues në Shkodër. Këta persona në bashkëpunim me njëri- tjetrin përfitonin miliona lekë nga bizneset në Tiranë, duke iu prezantuar si punonjës të rëndësishëm në strukturat e shtetit.
Personat e sipërpërmenduar u arrestuan pasi duke u prezantuar si punonjës të shtetit, i kishin vendosur gjobë biznesmenit Pëllumb Salillari.
“CNA” shkruan se pas këtij rasti Salillari ka bërë denoncimin në polici dhe kanë qenë forcat e rendit, të cilat pastaj kanë organizuar operacionin për arrestimin e tyre.
Biznesmeni priste që autorët të shkonin ta gjobisnin, kur në atë kohë në flagrancë është bërë edhe arrestimi i tyre.
“Në kuadër të operacionit policor të koduar “Signal”, këta shtetas u arrestuan në flagrancë, në tentativë për të përfituar me anë të mashtrimit, në një biznes në Tiranë, shumën prej 130 000 eurosh.
Gjatë kontrolleve të ushtruara në banesat e shtetasve të arrestuar, u gjetën dhe u sekuestruan, në cilësinë e provës materiale, 12 600 euro të tjera, të përfituara nga veprimtaria kriminale e mashtrimit. Në total, në kuadër të këtij operacioni, u sekuestruan në cilësinë e provës materiale, 142 600 euro” thuhej në njoftimin e policisë.
Pëllumb Salillari është drejtuesi i kompanisë “Salillari shpk”. Ai njihet si një nga ndërtuesit e infrastrukturës, por edhe pallateve në kryeqytet.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kjo eshte rrene qe se ha njeri . Nje oligarku si Salillari ska nepunes shteti ti veje gjobe se nuk ja mban . Mendoj qe eshte komplet dicka tjeter
O miq: vetem shkodran nuk jane ato mashtruese,ndofta banojn ne Shkoder e jan "ngulur" aty nga krahina e Tropojes(tropojan made in Vucidol).
U preke thelle ?, Ndjehemi shume keq per Ty, Mos u merzit. Merr dhe lexo ndonje liber se dicka ze.
hajde pall hajde po keta hajdutet profesionist deshen te genjenin e ti vidhnin eee sa kam qeshur
Mos u cudit,ka edhe loqe qe provojne.
Po ckeni me ta ,sic thote kryeministri yne, le te hane kokat me njeri-tjetrin.Te dy palet mashtues.