Te fundit
Publikuan videon e arrestimit të “Ujkut të Cërrikut”, e pësojnë keq policët në Elbasan
1 Nëntor 2023, 17:08Kronika
TEMA
Publikimi i një video, ku shihet Saimir Rexhepi, personazhi i njohur në rrjetet sociale me pseudonimin “Ujku i Cërrikut” duke u shoqëruar nga policia, pak pas finalizimit të megaoperacionit “Tempulli”, gjatë të cilit ranë në pranga disa persona për shpërndarje të lëndëve narkotike, u ka kushtuar shtrenjtë disa efektivëve të policisë së Elbasanit.
Burime pranë policisë së Elbasanit thanë për A2CNN së ndaj efektivëve që kanë marrë pjesë në arrestimin e tij është aplikuar një masë ndëshkimore, duke iu shtyrë afatin e gradimit me një vit.
Gjatë operacionit të trumbetuar edhe nga ministri i Brendshëm ranë në pranga 246 persona, ndërsa u pretendua se u shkatërruan 23 grupe kriminale.
Në total u sekuestruan 134 kg kanabis, 1.2 kg kokainë dhe tableta ekstazie.
Droga e sekuestruar sipas policisë shitej në afërsi të shkollave, por “Ujku i Cërrikut” ka rezultuar se nuk është pjesë e 23 grupeve kriminale të pretenduara nga uniformat blu.
Policia ndoshta nuk e njihte, por u kujdes që video nga momenti i shoqërimit në komisariat të shpërndahej në media si një prej arrestimeve të “Tempullit”, ku “Ujku i Cërrikut” shihet teksa del nga automjeti i prangosur dhe me kurorë në kokë.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Keshtu do t'a pesojne edhe ata pak police te ndershem qe kane mbetur ne policine e shtetit. Kush ben detyren dhe arreston te droguar denohet.
Si vajti puna keshtu...arresto cakallin milioner me kapele,s'te hyn gjemb ne kembe.Arresto ujkun pa dhembe...te denojne!! Do te ketë ndonje njohje te shoqata e mbrojtes se kafsheve ky ujku !
Na doli i forte ujku.
23 grupe kriminale, me 123 kg hashash?!!!! Jeni mire nga trute e kokes ore gazetare? I takon qe nje grup kriminal paska shitur 5 kg hashash. Tallje trapi
Sa i ngjan ujkut te tirones arjn çanit, ky ujku i cerrikut!Sikur me e pas vella.