Gjykata e Shkallës së Parë të Rrethit Gjyqësor Fier ka caktuar masën e sigurisë për 6 të arrestuarit, në kuadër të operacionit policor të koduar XUEX, për goditjen e skemave piramidale online.
Katër prej të arrestuarve janë lënë në burg, përkatësisht Arbër Çela, Marius Kodra, Brunilda Ndini dhe Brunilda Todi, kurse ndaj Emanuel Taullau dhe Flavio Mukaj u caktua masa "detyrim paraqitje".
Skema arriti te zbulohej nga agjentë të infiltruar të policisë ndërsa në ditët në vijim, pritet të arrestohen dhe persona të tjerë, ndërsa çifti i bashkëshortëve Erledio dhe Alma Shebeku janë ende në kërkim.
Mësohet se para togave të zeza, 6 të akuzuarit kanë thënë se janë viktima të situatës.
Mbi 6 të akuzuarit rëndojnë akuzat “Skema piramidale online” dhe “Mashtrim kompjuterik”.
Operacioni u shtri në disa qytete, por filloi dhe u finalizua në Qarkun Fier, ku rezulton edhe numri më i lartë i të mashtruarve, veçanërisht në Lushnje dhe Divjakë, ku pjesë e skemës kanë qenë edhe punonjës të administratës shtetërore.
Lini një Përgjigje