Te fundit
SPAK kërkon dënimin me 39 vite burg të 7 zyrtarëve të dosjes '5D'
17 Shkurt 2026, 10:30Kronika
TEMA
Prokuroria e Posaçme ka lexuar konkluzionet perfundimtare p duke kërkuar dënimin e 7 zyrtarëve të Bashkisë së Tiranës në kuadër të “Dosjes 5D” që u gjykua me procedurë të zakonshme.
SPAK kërkoi dënimin e 3 drejtorëve të Bashkisë dhe 4 shtetasve të tjerë, përfaqësues të Bashkisë dhe kompanisë “5D”, përkatësisht:
Redi Molla 11 vjet burg, dënim potësues ndalim ushtrimi të funksioneve publike për 5 viteMariglen Qato 9 vjet burg, dënim plotësues ndalim ushtrimi të funksioneve publike për 5 vite
Taulant Tusha, 4 vjet burg, dënim plotësues ndalim ushtrimi të funksioneve publike për 5 vite
Albano Janku, 2 vite, dënim plotësues ndalim ushtrimi të funksioneve publike për 5 vite
Enton Punavija, 3 vjet burg, dënim plotësues ndalim ushtrimi të funksioneve publike për 5 vite
Julian Zanaj, 3 vjet burg, dënim plotësues ndalim ushtrimi të funksioneve publike për 5 vite
Nestor Muhametllari, 7 vjet burg, dënim plotësues ndalim ushtrimi të funksioneve publike për 5 viteI vetmi që ndodhet në burg nga emrat e mësipërm është Mariglen Qato. Ata akuzohen për korrupsion, pastrim parash dhe mosdeklarim pasurie. Redi Molla dhe Mariglen Qato thotë SPAK, kanë qenë pronarët “de facto” të shoqërisë 5D Konstruksion sh.p.k, duke përdorur pronarë fiktivë, ndërsa vetëm në këtë dosje të dërguar për gjykim kanë marrë 12 tendera duke përfituar rreth 2 milionë euro në periudhën 2016-2020.
Më herët, Gjykata e Posaçme ka shpallur fajtor duke dënuar katër prej të pandehurve që u gjykuan në proces të ndarë për dosjen “5D”, por që nuk do të bëjnë asnjë ditë burg. Drejtoresha e klubit shumësportësh, Deborah Keçi, me tre anëtarët e komisionit të vlerësimit të ofertave, Teuta Guri, Jetjon Mera dhe Renaldo Gjerazi u dënuan me shërbim prove për shkelje të barazisë së pjesëmarrësve në tendera. Sipas SPAK, ata krijuan kushte dhe privilegjuan kompaninë “5D” të drejtorëve të Bashkisë së Tiranës në mënyrë që të shpallej fituese në procedura tenderash.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Prap do paguajnë shqiptarët për kto nga 11 vjet që e kanë fshehur pasurine e vjedhur apo vetëm për mosbarazinë dënohen
Po pasurite e fituar ne menyre te paligjshme?
Ca lesh parash apo besove idiotet e Saliut? SPAK nuk ju ka gjet asnje lek, te gjithe denohen per shperdorim detyre apo korrupsion pasiv sa per te justifikuar qeline.
Kanë vjedhur apo s’kanë vjedhur se nuk merret vesh sa kanë vjedhur jo sa kanë fituar nga zbatimi i tenderit
Ku jane keto vjedhjet dhe kurrupsioni qindra milone eurosh i lali Erit me 5D? Se na u tha eshte banda e lali Erit dhe na e ben me hotel ne Durres. Asnje lek i sekuestruar dhe asnje prove per korrupsion. Thjesht denime qesharake per shperdorim detyre dhe te gjithe do marrin pafajesi dhe demshperblim.
Opo shumë pak vite paska kërkuar ASPAKU. Duhet të kishte kërkuar nga 100 vjet burg për secilin. Me mesazhet që kanë gjetur hetuesit e sigurimit të ASPAKUT e meritojnë nga 100 vjet burg dhe kur të dalin nga burgu në moshën 140-150 vjeçare të shkojnë në Tufinë dhe në Sharrë ti kërkojnë llogari ASPAKUT. Lumsi ne për drejtësinë e leshit që kemi.