Te fundit
Tre gjeneralë të rinj i shtohen lidershipit të Forcave të Armatosura
31 Janar 2026, 07:30Kronika
TEMA
Në mjediset e Shtabit të Përgjithshëm u zhvillua ceremonia e gradimit të tre gjeneralëve të rinj të Forcave të Armatosura.
Grada madhore “Gjeneral Brigade”, me dekret të presidentit të Republikës Bajram Begaj, iu akordua kolonelëve Razije Mehmeti, Fatmir Neziraj dhe Edmond Voci, në vlerësim të kontributit të tyre në drejtimin dhe zhvillimin e Forcave të Armatosura.
Në ceremoni morën pjesë ministri i Mbrojtjes Pirro Vengu, shefi i Shtabit të Përgjithshëm të Forcave të Armatosura, gjenerallejtënant Arben Kingji, si dhe drejtues të tjerë të lartë ushtarakë dhe civilë.
Ministri i Mbrojtjes Pirro Vengu u shpreh se tre gjeneralët e rinj që iu shtuan niveleve drejtuese të Forcave të Armatosura, përfaqësojnë tre rrugëtime të veçanta në forcë dhe tre profesionistë të dedikuar ndaj uniformës dhe Atdheut.
“Niveleve drejtuese të Forcave të Armatosura i shtohen sot 3 gjeneralë të rinj. Tre rrugëtime të veçanta në forcë, tre profesionistë dhe shërbyes të dedikuar ndaj uniformës dhe Atdheut. Suksese në këtë përgjegjësi të re: Gjeneral brigade Razije Mehemeti, Gjeneral brigade Fatmir Neziraj, Gjeneral brigade Edmond Voci. Me përkushtimin tuaj t’i shtoni vlera Forcës dhe të shërbeni si shembull frymëzimi për ushtarakët e rinj!”, shkruan Vengu.
Gradimi i tre gjeneralëve konsiderohet një hap i rëndësishëm në forcimin e kapaciteteve drejtuese të Forcave të Armatosura dhe në vijimin e procesit të modernizimit të tyre.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po si nuk keni turp more me keto uniforma si të ushtrisë së Mao-Ce Dunit! A keni parë ndonje gjenral të NATO-s me uiforma si ish Komunalia e Komunizmit. Vidhen çdo ditë milion dhe nuk mundet ky shtet shkerdhatte bej nje uniformë dinjitoze per drejtuesit e mbrojtjes! Ptu plehra
Gjeneral Pa ushtri vetem ne shqiperi ndodh. A te dhjevsha shtetin qe po ndertojme
Me shume gjeneral se ushtar ka Shqipsria.
Me partite politike qe Jan zhyt ne korupsjon madhor ushtria duhet te zbrese ne ruge e ti beje presjon rregjimeve politike….. po vidhet populli brutalisht e asnje shprese ne horizont, dhe shpopullimi nuk po shqeteson me shoqerine… Rregjim ushtarak te shkurter, te mbyllen ne karantine PD
hajde shtet hajde qesharake , ju skini ushtare gradoni gjeneral. gjeneral sa per te marre rrogen ,, hahahahaha,,
Gjenerale????? Te kujt ushtrie???? Ushtrine me 1500” ushtar “ ???????? Apo te marrim sa me shume nga buxheti I shtetit parate e popullit….