Te fundit
“Vajza bleu biletë vdekjeje”- Nëna e Klaudias: Më dhanë hirin e saj
28 Shkurt 2024, 22:40Kronika
TEMA
“Vajza ime bleu një biletë vdekjeje”, theksoi me zemërthyer Alma Lata, nëna e 20-vjeçares Klaudia, e cila vdiq një vit më parë, kur dy trenat u përplasën në Tempi, Greqi.
Zonja Lata, siç raportojnë mediat greke, e vetmja gjë që kërkon është që përgjegjësit e tragjedisë të gjykohen dhe nëse shpallen fajtorë të kthehen pas hekurave.
Ajo thotë se tre ditë pas tragjedisë, trupin e Klaudias ia sollën me qese të zeza, pasi i kishte mbetur vetëm hiri.
“Sot është dita më e vështirë e jetës sime, zija është e madhe, na mungon shumë. Kisha një shpresë si një nënë për ta gjetur të gjallë, por tre ditë më vonë ma sollën me një thes të zi… Na e dogjën fëmijën dhe na e dhanë në një kuti hiri”, tha Lata.
Ajo thotë se vajza e saj kishte frikë të përdorte autobusin dhe preferonte hekurudhën sepse mendonte se ishte më e sigurt.
“Kam humbur një doktoreshë, ajo ishte e mrekullueshme, ajo arriti shumë lart dhe nuk mund të kthehet më”, thotë ajo për Klaudian.
Klaudia Lata, një nga 57 të vdekurit e asaj nate fatale, ka lindur në Larisa, ndërkohë që kishte marrë nënshtetësinë greke.
Studente e shkëlqyer, ajo arriti në Departamentin e Mjekësisë dhe studioi në Shkollën e Mjekësisë të AUTH-së.
Ajo ishte në tren duke u kthyer në shkollën e saj nga Patras, gjatë momentit që ndodhi aksidenti dhe humbi jetën.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Incidenti ne Tempi eshte nje operacion i paramenduar kriminal i nje shteti mafloz Otoman, per te goditur imazhin e K.Micotaqis dhe per te rezuar qeverin e tije, I cili kishte krijuar probleme te medha te fqinjve ne Egje. $$$$$$$ Perplasja ishte llogaritur te ndodhte brenda Tunelit (qe mos te ngelej asnje i gjall), por fatmiresist ndodhi 400 metra perpara hyrjes ne tunel. $$$$$$$ Kete fakt nuk e pohon as Greqia (qe mos te duket e pa afte per rruajtjen nga sabotime armike), e as shteti fqinj kriminal dhe keshtu ky incident ju ngarkua punonjsve te rendomt te hekurudhave. $$$$$$$ Ngushellime familjarve te viktimave, qe u bene material konsumi i Endrave Sulltanore te cdo diktatori.